Көз алдыңда жасалған ғажайып сиқыр

Бүгін тағы бос уақытымды кино көруге арнадым. Күнде қайталанатын үй шаруасынан кейін арасында көңіл көтеріп, демалып көретін «Иллюзия обмана» фильмі сан түрлі фокус, трюктарымен иллюзионизм өнерін тамашалатты.
Фильм – шоу, фейерверк, ғажайып көріністер. Мен үшін бұл фильм үлкен әлемдік сахналарға қоятын көріністі көргендей қуаныш сезімін берді.
Бүкіл уақыт «мұның бәрінің үстінде кім тұр?» деген сұрақпен жұмбақ күйінде өтеді.
Сиқыр — құпияға толы өнер. Жақсы фокустың табыс кепілі төрт қарапайым құрамнан тұрады: алаңдату маневрлері, қолдың ептілігі, әсер ететін көрініс және гипноз. Фильмнің басынан-ақ бізге магияның жоқтығын көрсетеді. Төрт басты рөлдегі кейіпкер — фокуспен айналысып нандарын тауып жүрген жай адамдар. Белгісіз капюшон киген жан бір пәтерде төртеуін түсініксіз мақсатпен кездестіреді. Бір жылдан соң біздің кейіпкерлер «Четыре всадника» тобын құрып, Лас-Вегастың жүрегін жаулауға аттанады.
Сиқыршылардың ізіне ФБР, Интерпол түседі. Қызығы, әртістер фокус арқылы ұрлаған ақшаның бір тиынын да өздеріне алмайды. Әрі қарай қаншама жылдар бойы жоспарланып жасалған қылмыс кек қайтарудың амалы екені анықталады.
Актерлік құрамға келетін болсақ, меніңше, тамаша жинақталған.
Джесси Айзенберг. Мен оны бірінші рет «Социальная сеть» фильміндегі Цукерберг рөлінде көргенмін. Шашы ұзындау болғандықтан ба, бұл жолы көкіректеу, тәуекелшіл кейіпкерді ойнағандықтан ба танымай да қалдым.
Айла Фишер де таң қалдырды. Алғаш рет «Шопоголик» фильмінде көріп, ұнатқан едім. Оған осындай жеңіл, ашық, жарқын мінезді жандарды ойнаған жарасады.
Вуди Харрельсон әдеттегідей харизмалы.
Дэйв Франко – қолының ептілігімен көзге көрінген, түр әлпеті сүйкімді жігіт.
Марк Руффало, Морган Фриман және Майкл Кейн. Мынандай актерлерден құралған фильм өте жақсы болмағанда қалай.
Киностан: Көз алдыңда жасалған ғажайып сиқыр
Бөлісу:

9 пікір

Ispek92
Көрем міндетті түрде, осылай жазып тұрыңдар, рекомендеп дегендей…
dindar
Рекомендациялар жазу маған ұнады, бұл сайтпен жақын арада ғана таныстым. Жазып тұруға болады екен.)))
saltaps6
биылғы жылы шыққан фильмдердің ішінде маған аса ұнаған киноның бірі. Мына сөйлеміңізге " Әрі қарай қаншама жылдар бойы жоспарланып жасалған қылмыс кек қайтарудың амалы екені анықталады" — «Ескерту: ары қарай СПОЙЛЕР болады» деген сөз жетіспей тұрған сияқты
back2back
«Четыре всадника» дегенді «Төрт салт атты» деп аударуға болатын сияқты.
orynaibisembai
оның мағынасы басқаша. орысшасы иллюзия обмана
dindar
Ия, «Иллюзия обмана», тақырыпқа фильм атын жазғым келген жоқ және міндет емес. Жақсы кино.