2014 жылға қысқа астрономиялық болжам

Блог - bake: 2014 жылға қысқа астрономиялық болжам
Сурет 1-Күн тәжісі (сурет күнделікті жаңартылады)

Күн

«Күн белсенділігі» оның бетіндегі қара дақтардың санына байланысты анықталады. 1749 жылдан бастап күн дақтарына бақылау жүргізіліп, ай сайын «күн белседілігінің санын» анықталып кестеге толтырылады (1 кестені қара). Бақылаулар нәтижесінде күннің белсенділігінің өзгеру заңдылығы байқалды, қазір ол заңдылық «күннің 11 жылдық циклы» атымен белгілі. 2012-14 жылдары «күн белсенділігінің» ең шарықтау шегіне жететін көрінеді.

Кесте 1-Күн дақтарына 2005 жылдың тоғыз айында жүргізілген бақылаулар.
Блог - bake: 2014 жылға қысқа астрономиялық болжам
Әлемде екі ұйым: Бельгияның Sunspot Index Data Center және АҚШ-тың National Oceanic and Atmospheric Administration орталығы күннің белсенділігіне байқау жүргізеді.

Күндегі ауа-райының жердегі құбылыстарға байланысы: Күн белсенділігі шарықтауына жеткенде, жер сілкіністері молая түседі -мыс (нақты деректер кездестірген жоқпын және жер сілкінісі қай жерде және қашан болатынын ешкім анық айта алмайды).

Жыл бойындағы ай фазалары

Айды бақылағанда әртүрлі көруіне байланысты 7 фаза, көрінбей тұрғандағысын қосса 8 фазаны ажыратады.

Ай фазалары адамға келесідей әсер етеді деп есептелінеді -мыс:
Ай толық кезінде көптеген адамдардың ой, күш-қуатының артады. Ескі ай кішірейіп, жоқ боларда және жаңа ай туғанша адамдардың көңіл –күйі төмендейді. Интеллектуалды өрлеу, шарықтау айдың 1/4 бөлігінен толық айға айналғанға дейін артады (бұның бәрі -болжам).

Ай фазалары нақты анықталған.
Блог - bake: 2014 жылға қысқа астрономиялық болжам
Сурет -2. 2014 -жылдың ай фазалары

Аспанымызда ай мен күн өз орнында табылып, космостық пәле –жаладан аман есен болайық.

Күнтізбе

28 жыл сайын күнтізбе қайталанып отырады. 1986 жылғы (желтоқсан оқиғаларымен Қазақстан тарихында қалған) күнтізбе биылғы күнтізбе сәйкес келеді. Жыл аптаның сәрсенбі күнінен бастап жылдың ең соңғы сәрсенбісімен аяқталады. 1986 және 2014 жылдағы күн белсенділігі әртүрлі. Яғни астрономиялық тұрғыдан 2014 жыл 1986 жылды қайталамайды.

P.S.: Жаңа туған айға қарап жатып-өзіне жайлы, елге жайсыз, -дегенді естігенмін. Айдың шалқайып немесе тік туатынын әбден болжауға болады. Айтайын дегенім, техникалық, ғылыми жетістікті ескермей «айта салған» сөздер азаятынына сенемін.

Интернет беттеріндегі ақпарат және келесі дерек көзі қолданылды.
Жазбаға 6 қаңтар күні сағат 16-45 өзгерістер енгізілді
Бөлісу:

8 пікір

Sikosha
Атам бар «астраном». Далаға шығады да, ешқандай техникасыз айта салады ертеңгі күнді. Дәл келеді, ей…
bake
Мүмкін «агроном», жоооқ, үлкен адамды мазақ еткен жараспас, «метеоролог» -ата ғой. Дәлірірек айтқанда, синоптик (бір күн бұрын ауа-райын болжағанды синоптик деп те айту қиын).
Атам бар «астраном»
атасын ойнап ауызға алғанын «жетіскендік» қой  өзің білесің енді
ereke_enu1
Атаңыз жаңалықтар қарай ма?
asaubota
13 маусым, жұма күні толық ай болады екен
bake
Стэнли Кубриктің кинофилмьдерінің топтамасын көріп шыққанға жақсы сылтау, кинолардың аттаулары қандай десеңші?!
"Қорқыныш және құмарлық", "Өлтірушінің сүйюсуі", "Өлтіруші"
Кино атауларын жуықтап аудардым
Ispek92
Триллер ма бәрі, ағасы?
bake
Біріншісі драма, екіншісі драма және криминал, үшіншісі нуар жанрында түсірілген ең танымал фильм. Нуар жанрындағы кинода сюжет криминалды сипатына тән, атмосферасы түңелген, фатализм және пессимизм, басты кейіпкерлер мен анти кейіпкерлер арасында шекараның жоқтығы, қойылымдағы (сценадағы) жарықтың аздығы тән.
araika
Осы биылғы қаңтарда 5 дүйсенбі, 5 сенбі мен 5 жексенбі бар деген спамдар келіп ед жыл басында. Ең болмаса, сол кісілер күнтізбеге бір қарамаған екен де…