Қазақ тіліне еңбегі сіңген сурет 10 жылдық мерейтойында марапатталды

Менде бір керемет сюжет бар...: Қазақ тіліне еңбегі сіңген сурет 10 жылдық мерейтойында марапатталды
Кеше Қызылорданың танымал басылымы «Сыр ақшамы» газетінің редакциясында тіл мерекесі іс-шаралары аясында қазақ интернетіне еңбегі сіңген сурет марапатталды. 10 жылдан бері түрлі сайттарда 537 жаңалыққа тақырыптық сурет қызметін атқарған сурет осы саланың үздік суреті атанды.

Шара барысында қазақ тіліне қызмет етіп жүрген таңдаулы суреттерге БАҚ ұйымдарының және сайттардың марапаттары табысталды. Биыл «Еңбегі сіңген сурет» атағына "Қазақ тілі" суреті лайық деп танылса, үздік суреттер қатарына «Домалақ ту», «100 % қазақша»,«Тіл» суреттері кірді. Аталмыш суреттер мемлекеттік қорғауға алынып, бұл суреттерге арнайы хостинг беріледі. Бұл үшін мемлекеттік бюджеттен қосымша қаржы бөлінетін болды. «Сыр ақшамы» газетінің құрылтайшысы және бас редакторы Марсель Көшімхан "Қазақ тілі" суретіне«Газеттің құрметті суреті» атағын берді.

Кеш соңында отандық эстрада жұлдыздары суреттерді және қолданушыларын мерекелерімен құттықтап, әннен шашу шашты.

Марсельдің Элеонорасы
«Сыр ақшамы»
Бөлісу:

13 пікір

asaubota
Керекинфода да бар шығар бұл сурет
bizbike
ыща, қандай сурет деп оқып отырсам…
qisyq
Мына сурет «мен алу керек едім ғой ол марапатты» деп ренжіп жүр дегенді естіп, сенбеп едім, рас болған ғой онда…

omarbirat
"Қазақша сөйле" деген аватарлардың бір де бір жүлдеге іліге алмағанына таңмын
assar
Қызылорданың азаматтары болса осы жерде бір айтарым бар. Қаланың ірі базарының бірі Ескі базардың кіре беріс маңдайшасына «Тарговый центр Қорқыт » деп жазылғанда Қазақша нұсқасы жоқ және қасында үлкен билбортта орысша жазылған бірдімелер тұр ұзағынан оқығымда келмеді түсініп соны, сосын отау тв деген дүңгіршекте түгелімен орысша жарнамалап жазған Қазақша нұсқалар тағы жоқ. Қызылордада кімге Қазақша түсіндіре алмай орысша жазып жүргендерін түсінбедім. Тек қана Қазақша тілде жазсада Сыр өңірінің барлығы ҚАзақ тілін жақсы біледі.Мен базардың әкімшілігіне кіріп Қазақшасын талап етемін деп жүрмін, басқада Қызылордалықтар болса мазалап жүріңіздер базар әкімшілігін сонда ғана егесі мемлекеттің тілді сыйлайтын болады. Тек Қызылорда емес басқа аймақтағы қандастарғада осындай әдіске көшуге шақырамын, орыс тілі басым болып бара жатыр. Мен базар әкімшілігіне кіріп шықсам сіздерге жария етемін жәнеде басқа жерлерден мемлекеттің тілді менсінбегендерге ескерту жасап жүремін жалпы өмірімде, солармен бөлісіп отырамын, сіздерденде осыны күтемін.
asaubota
түбі шетелдік демесең мына суреттер де Қазнетке біраз еңбек сіңірді посттарға көрнекі құрал болып



Daniar-Alan
Марсельдің Элеонорасы
лібә қай мағынада? Әкесі ма әлде?