Еркектер неден қорқады?

Жаны нәзік аруларға қорған бола алатын жігіттерді ештеңеден қорықпайтын батырдай көреміз. Шын мәнісінде олар қорқады. Тек сыртқа білдірмеуге тырысады. Сонымен еркектер неден қорқады, топтастырып көрелік.


Жоқшылық қорқынышы
Кез келген еркек өзін сүйген қызының не отбасының алдында асыраушы ретінде сезінеді. Солай да. Олар кенеттен жұмысынан, табысынан, бәрінен-бәрінен айрылып қалудан қорқады. Сондықтан олар демалыссыз жұмыс істей алады, кезекті еңбек демалысынан да бас тарта алады, қосымша табыс көзін іздейтіні де сондықтан.

Ауру қорқынышы
Ауру деген не? Ауру ол — шарасыздық. Еркектер дәрменсіз қалудан қорқады. КӨп еркектер дәрі-дәрмек ішуден үзілді-кесілді бас тартып, ауруын жасырып қалуға тырысады. Олар ауру үшін жұмысынан, жұмысы үшін табысынан айрылып қалудан қорқады.
Байқасаңыз, еркектердің көбі жүрек ауруымен ауырады. Майда-шүйде ауру деп көзге ілмей келген кей сырқаттары жиналып, жүректен бір-ақ шығып жататыны содан.

Ақылсыз көрініп қалу қорқынышы
Еркектер өзінің ақыл-ой, санасы туралы әзілді онша көтере бермейді. Өйткені, олар ақылсыз, ойсыз көрініп қалудан қорқады. Бұл — көбіне толықққанды біліміне сенімсіз, өз комплексі бар жігіттерде кездесетін жағдай. Қыздар, сіздерге аздаған құпия (!), кей жігіттерге ұнағыңыз келсе, оның қандай ақылды екенін айтып, "әсіресілтеп" мақтап-мақтап жіберіңіздер. Бітті, жігіт алдыңызда жатады

Әлсіз көріну қорқынышы
Қызметінде де, қара күшті қажет ететін тірлікте де, қаржы мәселесінде де әлсіз көріну — еркектер үшін қорқынышты жағдай. Әсіресе, төсекте әлсіз көріну олар үшін мүлде сұмдық сияқты. Сондықтан оның сексуалды қабілеті туралы сын, мін, ескерту айтуды ойға да алмаңыз.
Олар жеңілгенін, біреуден әлсіз екенін мойындағысы келмейді.

Абыройынан айрылып қалу қорқынышы
Кез келген жағдайда өз пікірі маңызды екенін сезіну керек. Тіпті болмайтын майда-шүйде істе де өз позициясын ұстанып, тұрып алады. Өзінің сөзі, ең болмаса, бір адамға өтетінін, абыройы жоғары, жұртқа өзін сыйлата алатынын үнемі сезініп жүру керек. Сондықтан «сенікі дұрыс» дей салсаңыз, жеңілмейсіз

Әйел қорқынышы
Иә, еркектер әйелдерден қорқады. Әсіресе, ер мінезді қажырлы, тым өзімшіл, өз күнін өзі көріп отырған белсенді әйелдерден қорқады еркектер. Кейбір деректердің көрсетуінше, еркектер әйелдердің логикасын, сезімін, жалпы әйелдедің өзін мүлде түсіне алмайды, ешқандай сөзбен суреттеп бере алмайды. Сол үшін өзі түсінбей жүрген әйелдің өзінен ақылды, өзінен ақшаны көп табатын, тәуелсіз боп кеткенін қаламайды. Еріңізбен жарысам деп ойламаңыз

Үйлену қорқынышы
Жігіттер қыздар секілді ұйып отырған отбасын елестете алмайды. Олар жауапкершіліктен қашады. Еркіндігінен айрылып қалудан қорқады.

Әшкереленіп қалу қорқынышы
Осы қорқыныштардың бәрі, тіпті, біразы бар еркектер бәрібір оны мойындамайды. Олардың ең басты қорқынышы — сол қорқынышы туралы біреудің біліп қойғаны. Егер еріңіздің бірдеңеден қауіптеніп жүргенін байқап қалсаңыз, дым түсінбегендей сыңай таныта салыңыз. Қайта еріңіздің қандай мықты екенін, қорған бола алатынын айтып, мақтап-мақтап алыңыз. Сәттілік!