Тұңғыш кестелі Құран

Дубайдан, сирияның тумасы жетекші Мұхаммед Махир Хадри: «Бұл өте ғажап, керемет дүние!» — дейді. Алтыншы онжылдықта оған Құранды кестелеп тігу ойына келеді. Осы идеяны жүзеге асырып, алтын жіппен матаға кестеленген Құранның толық мәтіні қазір Дубайдың сауда-өндірістік палатасында ұсылынған.
Мұхаммед Хадри ешқандай жаңа технологияны қолданбай, өзінің шебер қолдарымен аяттар мен сүрелердің каллиграфиялық мәтіндерін өзі жасап, барқыт матаға кәдімгі қарапайым тігін машинасымен тіккен.
Өзінің жұмысын осыдан 14 жыл бұрын бастаған екен. Бұрын көрмелерде Құран бөліктері тұрса, енді алғашқы рет толық нұсқасы көрсетілген.
Бұл әлем бойынша тұңғыш осындай техникамен жасалған құрандық манускрипт. Ол 12 томға біріккен, 426 беттен тұрады, салмағы 200 келіні құраса, құны 5 млн евроға бағаланып отыр. Шебер өзі жақсы меңгерген «дивани», «сулус», «риках», «насх» және «османи» сияқты каллиграфиялық араб стильдерін қолданады.
Мұхаммед Хадри шығармашылығын жүзеге асыру үшін қаражатты тек өз қалтасынан ғана шығарған. «Менің еңбегім Аллаһ Тағаланың маған берген сыйы деп ойлаймын. Бұл мұқияттылықты талап ететін, өте қиын жұмыс, бірақ егер кімде-кім осындай жұмыспен айналысқысы келсе, өз тәжірибеммен бөлісуге дайынмын- деп сөзін Мұхаммед Хадри сабақтайды.