Экспресс тағам - Назгүл

Аса мейірімді және қызуқанды dark_nazgul -дің атымен атаймын бұл тағамды!



«Ас Кок» байқауында сөзсіз үштікке кіретін бұл тағам бір көргеннен ақ тіл үйіртіп тұр емес пе? Қалай жасалатынын түсіндіре кетейін.

Алдымен кез келген дайын лапшаны пісіріп аламыз (шама шарқыңызға қарай алыңыз, мен қымбаттауын алдым), үстіне өзімен бірге келген қосымшаларын қосып. Ол өздігімен пісіп жатқан кезде колбаса және помидорды табаға салып қуырамыз. Болып қалған кезде үстіне сыр қойып (кез келгені жарай береді, мен ақшам көп болғандықтан қымбатын алдым), оның еруін күтеміз. Осылайша лапшаның үстіне құйылатын соусымызды дайындап аламыз. Дайын лапшаны тарелкаға саламыз да, үстіне табада қуырылған колбаса мен помидорымызды құямыз.

Ешқандай спагеттиден кем емес екенін шамалап тұрған шығарсыз? Онсыз да дәмді роллтон лапшасының үстіне керемет соус қосылған кезде dark_nazgul -дің пікірлерін оқып отырғандай тамаша сезімге бөленесіз. Колбаса еттің дәмін береді, ал помидор соустың негізін қалайды, сыр ертіндісі осы үшеуін біріктіріп ұстаушы күш.

15 минуттай уақыт кетті. 4 минутта жеп қойдым. Арзан әрі дәмді!