Аскөк+пияз=виагра!

Өзімізше сері көрінгіміз келетіні өтірік емес. Ұмтылмастай ләззат сыйлағымыз келеді. Бірақ жұмыс пен жүгіріс кейде бәрібір дегенін қылып, құр сүлдерің қалатын кездерің болады. Ал дәріханаға кіруді ұмытып-ақ жүреміз. Осындайда виаградан кем түспейтін мынабір рецептті пайдалануға болады. Сонымен, қажетті заттар: пияз, аскөк(укроп), шай қасық сірке суы…

Алпысқа келіп апам алжыды деп отырсың-ау сірә, қарғам. Әдейі кірдің бе, алданып кірдің бе, ол өз шаруаң. Бірақ кемпір болғанда бала-шағаның пұшайы туралы айтып, әбірейсіз әже деген атақ алар жәйім жоқ, шерағем. Ненің виаграсы саған аскөк пен пияздан. Әйтпесе күнде палау басып берген шалым аптаматтан кем болмай, қашпаған кәрі қыздың кейпін тастап, құлпырып жүрер ме едім. Ал сабынды қалай жасайды десең — онда бір жөн.

Алдымен итсигек деген шөп болад. Соны юн-ағұста орып әкелу керек. Гүлдеген болса тіптен жақсы. Соны жақсылап өртейміз. Өртейтін жер саздауыт болғаны жақсы. Мына жақта болса, қыс бойы жинаған сүйек-саяғыңды және қайнатып қоясың. Сол сорпасымаққа итсигектің күлін төгіп кеп жібергенде, аппақ әктің суы сияқты суға айналады. Енді тек әрі қарай қайната бересің, қайната бересің. Ожауеңді қазанда айналдыру қиындаған тұста, көгаршынның саңғырығын және саласың. Саған өтірік — маған шын, сіңлім-ау, сіңлім деппін-ау — інім-ау: осы күнгі Тайд-Әриель дегендерің бұзаушықтың қасында әншейін топырақ қана. Өзі көрім үнемді де әрі. Маңдайыма сор боп бітіп, ақыры өліп тынған екінші байым Рзаның бүкіл ауылдың боқтығын жағып келген күпәйкесін тап-таза қылуға со сабынның жартысы да кетпеуші еді.

Айтпақшы, белетін болсаңдар, жөндеп қойып отырыңдар апаларыңды: анау «тек» дегендерді текке жазып, бірдеңе бүлдіріп отырған жоқпын ба, құлыншақтарым менің? Ілмектен ілік тауып, далада қалып қоймайын құрысын. Айтпақшы анау қосу дегенді басып қойыңыздар. Батамды аласыңдар. Батадан қашпа дейді қаззақ.
Өздеріңнің Айғанымдарың (өзімсіп қояд дейд, хе-хе)