"Ас Кок" жылдам тағамдар байқауы!!!

Ас Кок жылдам тағамдар байқауы!!!
КерекИнфолық қолданушылар бес, кейде алты, тіпті жетіаспап болып шығып жатады. Көбісінің ат қып мінівалған шеберліктерінің бірі — аспаздық. Керекинфоға салынған тамақ рецепттерін көрген «Мишлень эль Селер де кан Рока»ресторанының бас аспазы Брутто Нетто мырза әдемі фрагын киіп шығып, клиентінің «Бентлиінің» астына түсіп өліпті деседі аңыз. Ендеше осы өнерді дәріптеу әрі шеберліктің көкесін көру үшін «Ас Кок» жылдам тағамдар байқауын жариялап отырмыз.

Байқаудың тақырыбы: 15 минут ішінде дайын болатын кез-келген тағам (халал!) түрін дайындау.
Байқаудың мақсаты: Домбыра Пати сияқты — мақсатсыз.
Шарттар:
  1. Тағам бас-аяғы он бес минут ішінде дайындалу керек.
  2. Мейлінше қарапайым ингредиенттерден жасалуы тиіс. Қарапайым деп ең алдымен арзандығын айтып отырмыз.
  3. Рецептте тағам дайындаудың әрбір сатысы уақытпен және суретпен көрсетілуі тиіс: мысалы, «4 минут бұқтырвалып» немесе «2 минут қуырып» деген сияқты. Көрсетілген уақыттардың сомасы — 15 минуттан аспауы тиіс.
  4. Авторлық рецепттерге басымдық беріледі.
Бағалау крийтерийлері:
  1. Пайдаланылатын ингредиенттердің аздығы;
  2. Пайдаланылатын ингредиенттердің арзандығы;
  3. Пайдаланылатын ингредиенттерді түнгі 01:00-ден кейін дүкеннен табу мүмкіндігі;
  4. Пайдаланылатын ингредиенттерді көршіден қарызға сұрап алу мүмкіндігі;
  5. Дайындауға кететін уақытының аздығы;
  6. Рецепттің ұғынықты жазылуы;
  7. Пайдаланылатын ыдыстардың аздығы және қарапайымдылығы;
  8. Дәмділігі.


Қазылар алқасы:

Оразов Аршат Мұратұлы — «Туризм және қонақ үй менеджменті» маманы;
Алан Данияр — тарихшы-дизайнер;
Сағынған Маралбек — журналист;
Кербабаев Сатыбалды — IV санаттағы электрик.

Қазылар алқасы мен оларға сыбайлас тұлғалар байқаудан тыс формада ғана қатыса алады.

Жүлделер:

I орын — 7(жеті) дана бейшпакет (жеделлапша)+1 банка кола + КерекИнфо атынан жүлдегер сертификаты:
Ас Кок жылдам тағамдар байқауы!!!

II орын — 5(бес) дана жылдам картоп пюресі +1 банка кола+КерекИнфо атынан жүлдегер сертификаты:
Ас Кок жылдам тағамдар байқауы!!!

III орын — 3 (үш) дана сыртында жылдам көже+1 банка кола+ КерекИнфо атынан жүлдегер сертификаты:
Ас Кок жылдам тағамдар байқауы!!!
Аймақтан шыққан жүлдегрлерге сыйлық пошта арқылы жіберіледі.
Қолданушы рецептті осы қауымдастықта өз бетінше жариялауы тиіс. Жазба — кез келген мүмкін формада (мәтін, сурет, таспа, тіпті подкаст) қабылдана береді.

Байқау қорытындысы 2013 жылдың 20 тамыз күні шығады.

Барлығыңыздың қатысуларыңызды сұраймыз! Назарбаударып оқығандарыңызға рахмет!
Бөлісу:

40 пікір

asaubota
қосымша тағы да ескерте кетейін:

— тек қана осы қауымдастыққа салынуы керек жазбалар
— жасалған тамақтың дәмінен бұрын эстетикалық әдемілігі маңызды (әрине лоқсымай, іш кетпей желінетіндей болуы да керек)
— посттың орналастырылуы да маңызды
— суреттерді мейлінше эффектілер арқылы орналастырыңдар инстаграмдарыңдыссс
— қатысушылардың жынысы тек еркек немесе әйел болуы да шарт, басқа жыныс түрлерінікі қабылданбайды

ЕСКЕРТУ: байқауға қатысқан тамақтарды жасаған кезде зардап шегіп жатсаңыздар біз жауап бермейміз.
konvict
Мысалы тамақ дайындау үшін картоп аршып, пияз турауға кеткен уақыт 15-минуттыққа кіре ме?
asaubota
кухняға кірген кезден бастап саналады
konvict
Осындай картопты аршып көр. Картоп жару керек қой
Соңғы түзету:
zholantai
бағалау шарттарында «дәмділігі» деген де бар екен, соңына түсіп кетіп, маңызды емес делінгені болмаса
satibaldi
Ол былай. Екі тағам байқауда бірдей ұпай әкеле жатқан кезде — соңғы критерий — дәмділігі болмақ. Тізімді рет бойынша бергеніміз де сол. Нақтың.
dark_nazgul
опшым, мен қатысуыма болмайды екен.
Daniar-Alan
мен қатысуыма
маған қатысуға!!!
Arys_arlany
енді гөгөл деген тренерден аспаздықты үйренеміз ба?
Rafaello
Пюрелерді ұтуға тырысамын. Астана қаласындамын. Егер ұтып жатсам курьерлерің арқылы 1 қорап Парламент Аква және Джинн пістесін сұратсам бола ма? Бұлардың ақысын өзім төлеймін әрине.
bekkerey
Әйелім жоқта небір быламықтар дайындалып жатады. Бірақ бір-ақ рет дайындалып щедебр тамақ жасағаным есме түсіп кеткені…
Aikona
жақсы болды ғо, ерінген кезде дайындай салатын рецептер үйреніп алатын болдым.
kariim
Мынаның маған ұнап тұрған шарты: Азық-түліктің түнгі бірден кейін табылу мүмкіндігі
santya
нан мен май, болды ма мен жеңдім ба?
satibaldi
Сен данышпансың, сайтаналғыр!!! Енді осы жазғаныңды көрсетіп, жазба жаса.
AKA
 Неге кола?!
Соңғы түзету:
AKA
Қашанға дейін қабылданады жазбалар? Бір адам бірнеше мәзір ұсынса бола ма?
satibaldi
Тамыздың 15-іне дейін қабылданады.
Әлбетте, бірнеше мәзір ұсынып, бақталастарыңды боз-боз жылатуға мүмкіндік бар!
Korkem
ахахах))) джынД кетті енД сынау ма, мінеу ма бірдеңе секілді көрініп бараТ
AibolatSugurbayev
5 пюренің бағасы 7 роллтонның бағасынан асып кетеді-ау дим))
asaubota
за то саны көп
AibolatSugurbayev
аталуындағы әріп санына қарай 7 роллтон қала беріп, пюре саны 4-ке азайғанда, бағасы жағынан да нұр үстіне нұр болып кетер ме еді, қалай??
asaubota
керемет ұсыныс. ұйымдастырушыға айтайын бұл сөздеріңді.
AibolatSugurbayev
рахмет) ұсыныс жасағандарға да тым болмағанда 1 роллтон берілмей ме?
asaubota
жоқ, ұсыныстар тегін қабылданады. одан да қатыс байқауға.
AibolatSugurbayev
ия түсіндім. онда қолдан келіп жатса, ауыз ашқан кезде бір шедевр жасап көрерміз…
Altin
уау керемет  мен де қатысамын байқауға… күЧтііі ))
ereke_enu1
Конкурс демеушілері: бойдақ жігіттер.)