Еріккен екеу

Назгүл Қожабекова
Көзің қайда, көшеден мені іздеген,
Сөзің қайда, жанымыз егіз деген?
Терезеңнің алдына келіп тұрмын,
Көгершіндей қысты күн жем іздеген…

Айсұлтан Жақыпов
Өткенді ешкімнен де жасырмаймын
Мен саған ендігәрі бас ұрмаймын
Көгершін болсаң қайтейін жем іздеген
Аквариумде балық қазір асыраймын

Назгүл Қожабекова
Өткенді жасырсаң да, елесі бар,
Бәрібір өшпек емес ол ойыңнан.
Ақ қанат көгершінді менсінбесең,
Сұп-суық балық салып жат қойныңа.

Айсұлтан Жақыпов
Елесті өшіретін амал бар ма?
Сурет боп тізбектелер жанарларда
Мен көргенде көк қанат көгершін ең
Қанатың қарттық келіп ағарған ба?

Назгүл Қожабекова
Көк аспанда шарлаған талмай ұшып,
Қанаттың ағарғаны ағат емес.
Қойныңызға балық сап жылынсаңыз,
Сізге де жастық шағың болған елес…

Айсұлтан Жақыпов
Жігіт ем талай топта «атойлаған»
Бірде дұрыс бір жерде қате ойлаған
Көгершінім, бір сұрақ қояйыншы
Қойныма не салғаным на қой саған?

Данияр Жанысов (Айтыстан тыс)
Талмай ұшып ұстатпайсың аспан кезіп,
Сондықтан секемденіп алғам сезік.
Ал балық әрқашан да уысымда,
Кетер дейсің әйнектен қайда безіп?

Назгүл Қожабекова
Сонайтам, не салғаның на қой маған?
Демегейсің бағыңды күндегені.
Тек, айтарым, сұп-суық балық емес,
Қызу қанды құшпапсың бірдемені.

Айсұлтан Жақыпов
Келіспеймін сен бірдеңе дегеніңмен
Білгің келеп барадау себебін сен
Көгершінне балықты жақсы көрем
Гороскопта «балықпын» себебі мен)))