"Домбыра Party" Қызылордада
Бүгін! Алғашқы рет! Кешкі сағат 19:00де Қызылорда қаласында «Домбыра Party»! Келіңіз, көріңіз, әдемі кештен қапы қалмаңыз! Өтетін орны: орталық алаңдағы ескі фонтан маңы, «Майя, майя» пиццериясының артында орналасқан. Байланыс телефондары: 8 701 317 16 15 Сабыржан және менің номеріме де хабарлассаңыздар боладыдеп ақпараттандырып фейсбукқа жаздық. Бірінші мәрте өткізгелі отырғандықтан, қалай болар екен деп те ойластық. Арнайы ешкімді шақырмадық, бірақ жоспарда шақыру бар еді… Сабыржан екеуміз таныс домбырашы дос, құрбы-құрдастарды іздедік. Күнде хабарласа отырып, Сабыр 4-5 жігітті тапқанын айтты. Онда бастап кетейік, қалғандары қолдайды дедік те, 04.05.2013ж жоспарладық.
«Домбыра Party» өтетін орынға келіп, жинала бастадық. Домбырашылар келіп, дайындалып отыр екен.
Жалпы, мақсатымыз не? не үшін? қалай? деген сынды сұрақтарына жауап беріп, түсіндірдік. Сөйтсем, олар да өздері осындай шараға ынталы екен. «Біз де кешкілік орталықта 4-5 жігітпен домбыра тартамыз. Бұрын білмедік мұндай шараны» десті. Ниетіміздің бір екеніне қуанып қалдық.
Содан, біршама адам жиналған соң, орталық алаңға қарай орын ауыстырдық. Жігіттеріміз бірден «Балбырауын» күйінен бастап кетті. Одан кейін, «Адай», "Әлқисса", «Жұмыр қылыш» сынды бірнеше күйден тартты.
Сәлден кейін арамызға Мейрамбек деген, өзі ақын, өзі әнші, өзі күйші, өзі асаба жігіт келді. Келді де ортаны жандырып жіберді. Әлқиссасын айтыстан бастап, кейін әндерден попурри жасады. Терме де, ән де шырқады. Ырза болдық!
Менің атым — Мейрамбек,
Жаралғанмын сыйға тек.
Құдай мені жаратқан,
Бүкіл қызды қина деп. © Мейрамбектің «Домбыра Party»-дегі айтысынан.
Бұрылып жан-жағымызға қарайласақ, біраз адамдар жиналып қалыпты. Көбісі жұмыстан шығып, жарты сағаттай болса да тұрып, тыңдап, қолдап, мықты екен деп лебіздерін айтты.
1,5-2 сағат көлемінде жалғасып, «Домбыра Party» біз күткеннен жақсы өтті. Жігіттер алғыс айтып, келесі жолы да келеміз деді. Енді апта сайын ұйымдастырмақ ниеттеміз. Бұйыртса, келер аптада бұдан да кең көлемде болатын болды. Мұндай шараға қатысамын дейтіндер көп екен, соларды ерте келеміз деді жігіттер.
Әзірге Мейрамбектің орындауындағыларды тыңдай отырыңыздар.
П.С. Виделарды сәлден кейін қосып, толықтырамын. Ұйымдастыруда болған керекші достарыма — SaboniS , araika , mairosh және Сабыржанның достарына көп рахмет!
7 пікір