Шын қорқу

Иә, адам баласының түйсігі алдамайды. Адамда сана болғаннан кейін, онда қорқу да, үрей де үміт те болатыны рас. Осы адамдар неге қорқады. Қорқуды айтып түсіндірудің қажеті болмас қоймас. Өзімнің өмірімде шын қорыққан кездерімді жазайын.

1. Ең алғаш қасқырды көрдім (қанша жаста екенім есімде қалмапты, соған қарағанда 5-6 сынып оқушысы шығармын). Нағашымның ауылына барғанмын. Анамның ісінінің үйі ауылдың ең шетінде еді. Әлі біте қоймаған үйге өзіммен құрдас үлкен нағашымның баласын жіберді. Не зат алып қайтқанымыз есімізде қалмапты, бірақ қайтуға дайындала бергенімізде қасқырдың ұлығанын естідік. Ауылдың иттері тым-тырыс бола қалды. Жан жағымызға қарасақ ауылдың шетіндегі қиыршық тас салатын трактордың үстінде бір қасқырдың ұлып отырғанын көрдік. Ара қашықтық 300 метр шамасы. Егер қуар болса, 50 км/сағ жылдамдықты бағындыра алатын қасқыр бізді қуса қанша секундта қуып жетітін есептей беріңіз. Ит адамның досы дегеніңізбен олардың үні өшіп қалған, не істеу керек. Ал, қаштық. Ойбай қашып бара жатырмыз деген аты ғана. Аяғымыз жүрмей қалды. Бірақ зырлап келеміз. Бірімізден біріміз озып, жүректің тарсылын өзіміз еститіндей қалге жеттік. Ауылдың ішіне бойлай кіргенше өзімізді өзіміз зорға ұстадық. Міне қорқыныш.

2. Қабаған итпен жалғыз қалу. 8-9 сыныптарда ауданымызда видео магнитафонның көбейіп жатқан кезі. Екі көшеден кейін тұратын ағайынымыздың үйінде бар еді. Күнде кешке сол үйге барып кино көремін. Бір күні түнгі сағат 02-00-ге дейін көріп отырдым да, қой енді деп үйге қайттым, дәл орта жолдағы үйдің қабаған иті бос жүр. Сақта, құдай! Талай иттің құлағын мүжіген ит дәл қарсы алдымнан шықпасы бар ма. Ырылдап қарсы алдыма келді де тұра қалды. Жан жағыма бір қарадым, адам баласы көріндейді. (мен сияқты кинодан қайтқан адам болмаса, ондай уақытта көшеде кім жүруші еді). Содан бір бірімізге қараған күйі қалдық. Аңдысып баққан ит пен қасқыр құсап қалдық. «Жат, жат» деп қоям. Бірақ қимылдамаймын. Ол да маған ақсиған тістеріп көрсетіп, ырылдап тұр. Ырылында шабуылдың легі байқалып, тартпа бас салуға әзер қалып тұр. (Иттің қасыңа келіп үріп тұрғаны, ол тістеп бас салады деуге келмейді). Ит төбелестіргендер болса білетін шығар, екі ит біріне бата алмай ырылдасып тұрады. Сол сияқты бір-бірімізге бата алмай тұрдық. Қанша тұрғаным есімде жоқ, бірақ бас салса тындым деп ойладым. Жүрек тарсылдап кеткен. Бір кезде ит бұрылып жайын кетті. Мен зуылдаған бойы үйге тарттым.

3. Оң қол мен сол қол. Бұл Шымкент қаласында оқып жүргенде болды. Жатақхана жатамын. Сол жатақханада кейбір жігіттердің осындай да осындай елес көрдік, әне жер сықырлады деп еститінбіз. Онша мән бере бермеймін, өйткені адам көп. Жалғыз қалудан қорықпайсың ең бастысы. Содан бір күні түнде бір қарымнан жатып қалыппын. Қиналып жатып оянып кеттім. Оң қолым ыңғайсыз астыңғы жағымда қалып қойса керек, ұйып қалыпты, тіпті жаны жоқ сиықты оң қолымды сезер емеспін. Тіпті оң қол менің бөлешім сияқты емес көрінді. Сәл қиылдап едім, оң қолым бетіме бас салды. Бетімді мыжғылап жатыр. Ойланып үлегер алмай қалдым. Не болып жатқанын да түсінер емеспін. Сол қолыммен оң қолымды итеріп жатырмын. Ал оң қолым болса, өзімді бас салып бетімді мыжғылап жатыр. өз қолыммен өзім төбелесіп кеттім. Сол қолыммен оң қолым мықтап ұстап алдым да, қатты итеріп бетімнен аулақтау ұстап тұрмын. Қанша дегенмен оң қолымның күші басым ғой, сол қолыма дес берер емес. Оң қолымды жеңе алар емеспін. әжептеуір төбелесіп қалдық. сосын сол қолыммен қатты ұстап тұрдым да, итеріп тұрдым. Жіберсем бетімді бас салмақшы, бетіме қарай итеріп жатыр сол қолымды. Біраз уақыт ұстап тұрдым, «ішімнен бар кілген кәлимамды айтып жатырмын». Бір кезде оң қолыма жан кіре бастады. Сол кезде барып басылды оң қолым. Тілімді кәлимаға келтірдім қайталап, сосын азанға дейін ұйықтамай отырдым.
(Оң қол мен сол қол туралыны ойдан шығарған жоқпын шын сөзім. Мұндай да болады екен ау. Өз қолым өзіме жаудай тиді.)