Армандар театры – орындалған арман

  • UNITED

Old Trafford. Манчестер Юнайтед жанкүйерлерінің Меккесі. Бәрінің барғысы келеді. Барғандар кемі бірнеше жыл мақтанып, айтып жүреді. Мен соңғылардың қатарындамын.

2007-жылдың (көрдіңіз бе, арада 6 жыл өтсе де әлі айтып отырмын) 1-тамызы. Маусым алдындағы соңғы дайындық матчы. Қарсылас — итальяндық «Интер».
Әуелі қаланың өзін біраз аралап, матчқа қырық минуттай уақыт қалғанда стадионға келіп жеттім. Пойыздан түсіп, биік дуалдың арғы бетіне өткен кезде қозғалуға шамам келмей қалды. Құдды құмырсқаның илеуіне тап болғандайсың. Маңайдың бәрі қызыл қиген құжынаған адам. Юнайтедің стадионына 75 мың адам сыйады. Бұл күні жолдастық кездесулерді тамашалауға келген көрермендердің саны бойынша рекорд қойылды(Нақты санынын ұмытып қалдым, тек стадион дикторының осылай хабарлағаны есімде).


Ең қызығы жанкүйерлер көп болғанмен, ішке кіру үшін бірін-бірі итермелеп, итжығыс болып жатқан ешкім жоқ. Оп-оңай кіріп, өз орнымызға жайғастық. Орнымыз ең жақсы жерде емес, бірақ алаң алақандағыдай көрініп тұр. Ойынның басталуына әлі жарты сағаттай уақыт болса да Stretford End әнге басты. Дәстүрлі «Glory, Glory ManUnited» Гиггз бен Скоулздың, Руни мен Фердинандтың, одан қалды Кантона мен Басби бөбектерінің құрметіне арналған өлеңдермен жалғасты.

Жолдастық кездесу деген аты болмаса ойын тартысты өтті. Екі командадағы португалдық жұлдыздар, сол кездің өзінде ардагер атанып жүрген Фигу мен жас тарлан Криштиану Роналду, жарау аттай шауып жүрген Гиггз бен гладиатор Матерацци, не керек, алаңға жиналған кілең шебер маған ұмытылмас әсер сыйлай алды.

Өкініштісі Юнайтед бұл кездесуде ұтылып қалды. Бірақ қасымда отырған ақбасты жанкүйер, маған да сенім ұялатқан бір ауыз сөз айтты: «We will win tomorrow!». Иә, біз ертең бәрібір жеңеміз!
bk
Бөлісу:

9 пікір

qyzylordalyq_jigit
Ұмытпасам, белсенді фанаттар осы қаптал мінбеде отырушы еді ғой. Қайта нағыз шудың ортасында отырған секілдісің ғо.
Marco
Жоға, Стредфорд Эндке билет алу қайдааа. Мен қарама-қарсы жағында отырдым. )))
qyzylordalyq_jigit
Ал мен сол шулы Stretford End-пен бұрыштас жерде, Солтүстік мінбеде, шатырдың дәл астындағы VIP-ложаның қасында отырдым. Матч кезінде VIP-ложадағылармен пікір алмасып отырдық.
ruben
рухани босалу болды ма, бро)))?
Marco
Сұрама, стадионнан кеткім келмей, шыққасын, пойызға мінгім келмей біраз жүрдім. Ойын кезіндегі, стадионға кірген сәттегі адреналин, бір сәтте денеңнен шығып кеткен сияқты. Дел-сал болып қалдым)
neoaskar
Футболды онша емес, мүлдем сүймеймін, түк қызықпаймын. фанаттардың айқай-шуы мен үшін адамдар бостан босқа айлайлап жатқандай.
келесі жазбамда, менің алғашқы футболым жайлы жазбақпын.
VKM
 суреттер күшті
torgai
Еее, біз не көрмедік. 2012 жылдың күзі болу керек. «Астана арена» стадионы. Қазақстан мен Австрия ойынына дайындық… Басқа мақтанарлық стадионды көрмеппін.
MickThatsMyNick
Ақтөбе мен Ақжайық стадиондарында ғана болдым. суреттер күшті екен.