Chance күнделігі: Бірінші техникалық күтімнен өту
2000 шақырым жүргеннен кейін автосервиске барып техникалық күтім (әрі қарай — ТК) жасату керек. Оған май ауыстыру, ремендерін тарту, диагностика секілді ұсақ-түйек қызметтер кешені кіреді. Құны 8 мың шамасында. Бармауыңа да болады. Бірақ мен бір көрсетіп алуды шештім.
Жалпы 2000 шақырымды 3 ай жүріппін. Осыған дейін анықталған ақауларына тоқталғым келеді.
1. Қосымша стоп-сигнал лампасы жанып кетті.
Алғаннан кейін 1,5 ай өткен соң салонның артқы жағында тұратын қосымша стоп сигналы жанбай қалды. Предохранитель шығар деп ойлағанмын, бірақ лампадан болып шықты. ТК кезінде ауыстырып берді.
2. Салқын түсе келе оталмайтын болды.
Бұл бір күтпеген жағдай болды. Қатты аяз басталғанда оталуы проблема тудыра бастады. Яғни кілтті 1 бұрағаннан оталмайды. 4-5 рет кілт бұрау әрекетін қайталауға тура келеді. Жаңа жылдан кейін сервиске барып көрсетіп едім, диагностика жасап ештеңе таба алмады. Өздерінің айтуынша осындай шағымдар көп түсіп жатыр. Бәріне себеп нашар бензин-мыс.
Үйге келген соң эксперимент жасап көрдім. Бұрын RP колонкаларынан АИ-92 алатынмын. Дәл сол колонкадан АИ-96 құйып көрдім. Таңертеңгі мұздай суық кезінде жарты бұрағаннан-ақ «гүр» етіп от алып кетті. Бірақ қайтадан 92-ші бензинді құюым мұң екен, ыңқылдап әрең оталады.
Бүгінгі ТК кезінде осы мәселені тағы көтеріп едім, бұл шешілмейтін нәрсе екенін айтты.
3 айда анықталған ақаулар осылар. Айтпақшы, өткенде 1 аптадай қатты шиқылдап, қырылдап жүрді. Бір жеріне қатып, үйкеліп жүрген мұз шығар деп ойлағанмын, қателеспеппін. Уақыт өте келе ол артық дыбыс өзі жоғалып кетті. Біреулер тіпті подшипниктен деп қорқытып еді.
Қалай екен?
Жалпы қорытынды: автомат екен деп жұлқынған, тентек «Тойота» күтпеңдер. Жылдамдықты жаймен алады, «тез шауып кетуі» қиындау. Бірден газ педалін қатты бассаң: «Че за қойна?» дегендей таңғалыс білдіреді. Жылдамдықты асықпай өсіргенді ұнатады. Біреуді басып озамын дегенше ол сені екі рет басып озуы мүмкін. Трассада аздап гуіл бар. Бір ұнатқан жерім — қаланың пробкаларына арналғандай. Өзі шағын, басқарылуы жеңіл. Ешкіммен жарысамын деген де ой жоқ, мен үшін бұлардың бәрі норма.
Келесі техникалық күтім 10 мың шақырымнан кейін.
Литражы аз мәшинелердің ортақ қасиеті мен деймін. Менде де ондай жиі болады: Тойыс, «Шо за қойня?» деп ойланыыып тұрады да, «Данунақ» деп тарта жөнеледі. Біреуді басып озайын деп газды бассаң, алдыңғы мәшинемен қатарласқанда ойланып, тоқтап қалғандай әсер қалдырады
Менде Нысанның Примерасында сондай проблема болған, оборот 4000-ға дейін көтерілмей бірден екіге түспейді. Кейін анықтағанымыздай, коробкада шестерналар желінген екен. Сервисте түсіндіргендері май-су уақытында ауыстырылмағаннан және қатты разгонять еткеннен пайда болған проблема екен.