Интернетпен қашан таныстыңыз?

Мектепке алғаш барған кезімізді, алғашқы ұстазымызды еске алғандай интернетке қалай келгенімізді де еске ала отырайық. Қандай сайттар алғашқы сайттарыңыз еді? Қандай бағдарламаларды көп қолданатын едіңіз?

Менің интернетпен таныстығым 1997 жылы басталды. Анкара қаласында оқитын нағашыма қонаққа барған едім. Университеттеріндегі интернетке алып барды. Алғашқы көрсеткен сайты Караван газетінің сайты www.caravan.kz еді. Алғашқы қазақстандық сайттардың бірі сол сайт болған сияқты. Кейін өзіме барғасын асықпай қараймын деп http:// деп басталатын жерінен бастап бір қағазға жазып алған едім. Осылайша интернеттің не екенін түсіне бастадым.


1998 жылдың басында алғаш рет өз бетіммен ақпарат іздеп тауып көрдім. Yahoo-дың спорт бөліміне кіріп, Қысқы Олимпиада нәтижелерін қарадым. Қазақстан шаңғыдан 17-ші ма сондай бір орын алған екен. Кейін сол Yahoo-дан өзім arshat@yahoo.com поштасын ашып алдым. Мен үшін үлкен жетістік еді. Ешкімнен сұрамай өз бетіммен тіркеліп алғаным. Ол кезде жұрт көбінесе Yahoo қолданатын. Бір күні олар Yahoo мессенджер шығарды! Керемет жаңалық еді. Бұрын mirc чат қолданып жүрген біз үшін бұл шынымен мықты жаңалық болды.


Mirc туралы да айта кетейін. Чаттың атасы осы mirc еді. #almaty деген каналда бәріміз Әсел деген қызды іздейтінбіз. Кириллица бізде болмағасын латынмен жазасыңдар деп бізді жақтырмайтын еді қазақстандық қолданушылар. Небір кездесулеріміз өтті осы чатта. Алдын ала уақыт белгілеп, интернет-кафелерге жүгіретін едік чат үшін. Ол кезде ұялы телефон жоқ, интернетке біраз ақшамыз кетті.

Қазіргідей әлеуметтік желілер жоқ, пошта арқылы өтетін барлық әңгімелеріміз. Небір приколдар, видеолар поштаға келетін. Қыздардың суреттерін де пошта арқылы алатынбыз. Бір суреттің өзі ұзақ жүктеледі, соны ашып қойып күтіп отыратын едік. Сурет енгізу де оңай емес, сканер іздеп жүретінбіз.


Туған күндерде немесе былайғы күндерде қыздарға открытка жіберетін едік. Басында қарапайым қызмет еді, кейін неше түрлі функция қосты олар. Оқып, оқымағаны туралы хабарлама келетін еді. Музыка қоса алатын едік.

Yahoo-мен қатар MSN мессенджер және ICQ қолданушы еді жұрт. Кейін Google келді, Mail.ru келді. Бәрін құртты…

Нағыз романтика еді сол кездер. Қазір ше? Қазір интернетте қандай романтика?
Бөлісу:
, , , ,

55 пікір

patick
Менің алғашқы көрген сайтым Rambler сияқты. Соның іздеу жүйесін пайдаландым алғаш рет. Осы сервис арқылы Mamba-ға тіркелдім. Алғашқы почтам да осы Рамблерден ашылды. Жалпы Интернетпен таныстығым 2006 жылы басталды.

Алғашқы пайдаланған чатым Хабар арнасының сайтына орнатылған «Хабар-чат» еді. Қазақ сайттарының ішінен алғаш кіргенім Qazaq.kz.
asaubota
Хабардың марқұм чаты жақсы еді. небір боқтасулар болатын. kzchat.com да болды, ол енді ең мықтысы болды ау деймін.

qazaq.kz алғашқы ақпараттық сайттардың бірі қазақ тіліндегі. Серікқазы ағаның айтады, ол кезде дым ақпарат алатын сайт болмағасын кәдімгі газетті сканерлеп, мәтінін алып, түзетіп солай салатын болған сайтқа. адам өте көп кірген екен сол кезде.
serjan
Мен 2008 жылы тамыз айында қарындасым отырғызды интернетке, көптен айтып жүретінмін үйретші деп, гугылдан почта ашып берді, әлі пайдаланып жүрмін сол почтаны, басында гугылды браузер ретінде пайдаланатынмын, Алматы облысы әкімшілігінің сайтына кірмек болсам гугылға солай жазатынмын, ең алғашқы кірген сайтым да осы сайт болды.
omarbirat
Сайттың адресін іздеу жолына енгізетін адамдарды естуім ғана бар. Өткен жолы өз көзіммен көрдім. Сол еске түсіп кетті
Adiletshu
мен әлі де сөйтем
Hetrou
Онда тұрған не бар?
qisyq
Ең алғаш рет 2005-те (әлде 2006?) рамблер мен малдан сайт (пошта ғой) аштым. ҚазҰУ-дың ыбылжап қалған Интернетін (оның өзі бас корпуста, күзетшілер жүреді, кәдімгідей мемлекеттік маңызы бар ныса секілді), одан әрі ыбылжыған Эксплоерін пайдаланып зықым шығатын.

Сосын Қытайда оқып жүргенде Мой мир келіп, танымал бола бастады. Ол жаққа жүз шақты сурет жүктеп, керемет болатынбыз. Бір жақсысы ол жақта Интернет арзан болып, жақсы үйреніп алдым, күні-түні "қой көрмеген қой көрсе қуалап жүріп өлтіредіге" салып ваңбадан (интернет-кафе) шықпаушы едік.

Кейін қазіргі жұмысымда жүріп Асхат Еркімбай арқылы Уордпреске келдім. Нағыз хардкор содан басталды.
patick
хардкор
Aya
(оның өзі бас корпуста, күзетшілер жүреді, кәдімгідей мемлекеттік маңызы бар ныса секілді)
 дәл айтасыз))))))))
daugozhek
Ең алғаш интернетке 5-10 минутқа болсын кіргенде кәдімгідей адреналин ойнап, бүкіл әлемнің кілті қолымда тұрғандай сезімде болғам. Мен ең алғаш толық интернетке мектепте кіргенім анық, 9-10 сыныптар шығар бірақ сол гугл арқылы іздеу үшінғана, реферат-преферат дегендерді.
daugozhek
бір компютер, қазақтелеком арқылы қосылса керек, бір емес 15 бала мөлиіп қарап тұратын біреу отырғанда шешесс...)))
asaubota
Ең алғаш интернетке 5-10 минутқа болсын кіргенде кәдімгідей адреналин ойнап, бүкіл әлемнің кілті қолымда тұрғандай сезімде болғам

дәл-дәл
torgai
Мен де 2008-де болса керек. Інім Ирландияға оқуға кетіп бара жатып, интернет арқылы тілдесеміз деген. Мирды ашып берді. Ол сол қалпы қалды. Кейін әскерге барып келген соң достарымның бәрі «агентте» отырғанын көріп мен де қызыға бастадым интернетке. Сонда мені «тәй-тәй» деп келемеждейтін.( Өйткені оларға менен «жазып жатырмын» деген қарындаштың суреті 5 минут тұрады, сонда менен бар болғаны «салам» деген амандасу баратын). Осылай алғаш тұсауым кесілген…
Erkekyz
Мен алғашқы рет сол 2007 жылы танысқан болуым керек. Ол кезде ауылда интернетті телефонға жалғап отыратын едім. Күніне 1 сағаттан артық отырмайтын едім, соның өзінде бір айға 15000 (плюс минус) теңге шамасында төлейтін едік. Сол кезде үйдегілер де ұрыспайды екен))) Ең алғаш рамблерді көргем, сол жерден пошта аштым. Сосын мейл.руға тап болдым. Никнейм дегеннен хабарым жоқ, тіркелер кезде толық атым мен фамилиямды жазыппын Сол мейл.руда танысу бұрышына барып, бір орыс жігітпен танысқанмын. Сол жігіт интернетке көзімді ашқан, ол да болса агент пен мой мир))).
Содан кейін солайдеге тап болдым. Осы кезде бірінші рет чат ұғымымен таныстым. Шәйханасын айтам. Сөйтіп кейін кейін адам боп кеттік қой))).
omarbirat
2006 жылы ғой деймін. Жұмыста «бізге Интернет қосатын болды» деп мәз болып жүрген әріптестерге қарап, «Еріккен екен нақ. Интернет неге керек, соншама ақша құртып» деп ойлағанмын.
Басында Мал.рудан пошта аштым, бір жылдай ешкім жазбады  Бірдеңе іздесем, соның поисковигінен іздейтінмін. Қазақша әріптермен терсең, еш нәтиже бермейді. Интернетте қазақ жоқ сияқты көрінуші еді. Сондықтан Интернет туралы бар білетінім Мал.Ру мен сөздік ретінде қолданып жүрген Мультитранмен шектелетін.
Бір күні Мультитран арқылы Гуглға тап болдым. Кейін келе ол жерден қазақша әріптермен жазып іздеуге болатынын да байқадым. Нағыз Интернет мен үшін сол кезде басталды
temir1986
2007 нің аяғында таныстым интернетпен. Бірақ өзіме қолдана бастағаным 2010 ау деймін.
ruben
2004. yahoo-дан алғаш е-жәшік аштым.
kzchat.com-да небір cheaters-пен класс болып аузымыздың суы құрып әңгімелесетін едік. сондағысы, как будто кейін солармен шын өмірде кездесетіндей лепіретінбіз шындап. жастық бұжырбет максимализм
MickThatsMyNick
жалпы өте баяу, музыканы жарты сағат жүктейтін интернетпен 2006-ншы жылы, лимитсіз интернетпен 2010-ншы жылы таныстым, ал блог туралы 2011-нші жылы білдім.
ken
2001 жылы үйдегі телефонның сымын модемге тығып, бір номерді теріп қосылатын едім. Модемнен бір қыжылдаған дыбыс шығатын. Беттер жарты сағат ашылады. Ақшасы удай болатын.
ken
рамблер. фоменко.ру
asaubota
фоменкоға кіріп прикол оқитын, қарайтын едік. тағы қандай сайттарға кірдің? жапқан кезде өзінен өзі бірнеше терезе ашылатын сайттарды көрдің ба?
ken
иә, есімде ондайлар)))
ТВдан бағдарлама көріп отырып соңында біздің интернеттегі адресіміз мынадай десе, соны жаттап алып, келесіде кіріп қарайтынмын))
asaubota
мен не зат екенін түсінбейтін едім. мысалы жарнамаларда www.adidas.com www.nike.com деп шығатын еді. соны бұрын түсінбейтін едім, бірақ жаңадан шыққан бірдеме екенін түсінетінмін
ken
қазір ешкім адрес теріп кірмейтін секілді. бәрі гуглға жазады да шыққан нәтиже бойынша өтеді.
bazuka
ТВдан бағдарлама көріп отырып соңында біздің интернеттегі адресіміз мынадай десе, соны жаттап алып, келесіде кіріп қарайтынмын))
хе хе менде сөйтетінмін))))
bizbike
таныс жағдай
asaubota
интернетке алғаш кіргендер шетелде жүрген қазақтар және Қазақстандағы шетел компанияларында істейтіндер еді. латынша жазатын едік сол кездерде
Barsa
Қойнақ, 2000-жылдары кірдік қой инофирмаларда жасамасақ та. Нурсат та интернетке доступ берген қарапайым халыққа. Ал, кіріл шынымен проблема еді. Қазақ шрифтілері тек интернеттің емес, қарапайым дербес компьютерлердің бас ауруы еді. win95, win98 дегендер есіңде болар, амиго.
bazuka
2005 жылдан бастап толық пайдаланғаным, сайтым рамблер болатын) Ол кезде телефон желісіндегі сегіздікпен кіретінмін интернетке, 45кб/сек жылдамдығы)) кейде оданда түсіп кетеді. 2006да мегалайнмен шығып көзіміз ашылды ғой. қазір бәрі оңай ғой, сурет салу үшін сканер іздемейсін, блютузбен зыр ете қалады. 100мб/сек жылдамдықта ақпараттарын ұшып жүреді. сосын түңгі сағат он бірді күтіп отыратынмын және, астана уақытымен сағат он екіден кейін интернет арзандайтын. 2003жылдары қазақша сайттар бар екенін естігенмін, не адресін білмедім және қалай іздеу керегін білмедім. бір күні Ана тілі газетін оқып отырып, массағаннүктеком деген сайтты тауып алып, қазнетке жолым ашылды.
Adiletshu
2006 жылы бірінші курста информатика сабағында алғаш интернетке кірдім. Қандай сайт екені есімде жоқ(мэйлру ғой дем). Регистрация жасау керек болатынбыз. Мен дым білмейм, қасымдағы Семейдің баласы көмектесті. Бірақ, не істеп жатқанын ұқпадым. Одан кейін екінші курста бірақ отырдым.
izbasar
Интернетке алғаш келуіме үндіс ағайындар себепкер болды. Неге десеңіз Қарағандының МедАкадемисында үндістер мен пакістандықтар көп оқитын. Олар біздің корпустың астындағы Сорос қорының интернет залына келетін. Аптасына 1 сағатқа қана жазылады. Менде солармен бірге жазылып алғаш рет ХАБАРдың сайтын кірдім. Ол кезде телевзордан көп жарнамаланушы еді. Осылай кеттік бұл әлемге.
serjan
қай жылы?
izbasar
2002 жылдың көктемі әсер етіп жүрген кещ еді)))
serjan
Меннен 6 жыл бұрын кіріскен екенсің.
batyr
Интернетке алғашқы 1995 жылы кірдім.  сол кезде меқтебімде комп.сабағы бар еді. 96 да алғаш HTML сайтымды жасадым.  Интернеттен бұрын амига компьютерім бар еді. мүмкін сонын арқасында тез жаттап үйренген шығармын.
bake
менде дәл солай істегенмін, алғашқы көрген сайт aport.ru, қазақстандікі site.kz және ct.kz болды
asaubota
алғашқы тегін хостингтер есіңде ме? ұзын аттары болатын еді, оларды cjb.net қысқартатын едік.
Barsa
ОЖ-ң қандай болды? Win3.11 бе? Оның желілік карталарды қолдайтынын естімеппін
Marco
2001-жылы таныстым. Жұбанов университеті жанынан Сорос қоры студенттерге арналған интернет-кафе ашты. Сол жерге барып пошта ашып, шұқылап жүрдім. 2002-жылы жұмысқа орналасып, интернетпен әлдеқайда тығыз қатынасқа түсе бастадым)
izbasar
Сіз екеміз Соросқа рахмет, деу керек екен.
bizbike
иә иә, есіме түсті Сорос қоры ашқан интернет-кафеге біз де барғанбыз ЕНТ ға дайындықтан шыққан соң. Сонда қайда кіретініңді де білмейсің ғой, қызық
Gulistan
Аршат, мені 10 жылға кейін апарып тастадың мына тақырыппен. Сен суреттеген жағдай менде де болған. Тек мен инетке 2000-жылы аяқ басыппын. Институттың 3-курсында оқып жүргенде, ағайымыз салтанатты түрде кластағы 10 компқа инет жүргізілгенін хабарлағанда, жүрегім алып ұшты деп айтпай-ақ қояйын, түк те сезбедім. Маған, расымен дым әсер еткен жоқ. Теория жүзінде не екенін білсем де, шын мәнінде қалай екенін елестете алмайтынмын. Міне сол мүмкіндік пайда болысымен, интернетті тізгіндедік. Сол кездегі ең танымалы Яндекс пен Рамблер болды. Группадағы 20 ұл-қыз пошта ашып, бір-бірімізге ол жерде отырып хат жазып, оны қосылып оқып, қарқ болатынбыз. парольдарымыз қолда болды.
Ол кезде Хабардың сайты ең танымал болған сияқты. Ең бірінші терген адресім сол екен.
Чат — бөлек әңгіме Демалыста да арнайы рұқсат алып, группаластарым басқалармен чаттасу үшін комп классқа кететін, кешке келеді арқа-жарқа болып. «Не болды?» десең, «анамен таныстым, мынамен таныстым» деп ррриза болып тұрғандары.
Сол кездері танысу сайттары көп болатын.Бір адам бірнеше қызға бір уақытта хат жазғанын көріп, "өөйййй" дегенбіз.
Айтары көөп…
FaraOn1
мектеп бітіріп қалаға келген 2007 жылы. шәйнек болған қызық қой. ең алғаш мені досым малагентке тіркеп, қалтафонға орнатып берді. кіріп отыратынмын, бірақ контактім пустой болғасын, шығып кетемін. не қызық бар деп ойлайтынмын. қалаға келген соң группаласым рамблерге тіркелуге көмектесті. оны көп қолданған жоқпын, өйткені гуглге өттім. кейін гууглмен айрылысып, яндекске ауыстым. «Мінбер» семинарына қатыстым, сол арқылы керекке келдім)
Abilakim
2007-ші жылы.Үйге комп алдым да «осы интернет деген палені байқайыншы» деген оймен оны "Қазақтелеком«арқылы интернетке жалғадым. „Мәссағанда“, „Іргетаста“, „солай де“ де тиіп қашып жүрдім. Көп отыруға ақшаны жейді. ақпарат іздеу деген атымен жоқ. Бірдеңе білейін ау деген ол да жоқ. Қыртыл-сыртыл ғой сол
TOTY
Мен 2006 жылдың күзінде ең алғаш телеарнаға ауысып келгенде интернетке қол жетті. Алғаш есігін ашқан қазақ сайттары Massagan.com, Arular.kz сайттары, қазақ тіліндегі санаулы блогтар еді.
Simona
2000 жылы.
Zilola
2002-2003тен бастап, реферат іздеп кіргенмін.
2006 жылдан бастап интернетпен ауыра бастаған кезім Мәссағанда түнеп, 2007 жылы майыл руда таң атыратынмын.
Сосын бірте-бірте басылды ғой тәуелділігім ))
konvict
Менің интернетке келуім 2007 жылы болды-ау деймін. Досымның үйінде интернет бар. Соған барамыз. Ол орыстардың бір чатын ашып береді. Кіріп алып бар білетін сөзіңмен боқтап шығасың. Ол кезде интернет адрестен хабарсызбын. Кейіннен 2008 жылы мэйл.рудан пошта аштым. Агентке кіріп қыздармен сөйлескенге мәз болатынмын. Үйде телефон арқылы қосыламын кейде. 8w7501010101 осылай терсең, біраздан кейін ғыжылдап барып қосылады. Ең алғаш кірген қазақстандық сайт khabar.kz болды-ау. Теледидардан жарнамасын көріп кіргенмін. Ал, нақты есімде қалған сайттар megatorrents.kz және kaztorka.kz еді. Кейінгісін әлі қолданамын
AL-ASTER
2007 жылы компьютер, бірнеше айдан соң мегалайн қосып берді. Ох рахат. Бір жағынан компьютер мен интернет болғанынан болмағаны жақсы болар еді. Оған дейін қос секцияға барып жүрдім: бокс және футбол. сол жылдары гимназияға көшірген екі ақ сабақтан 4 және соларды 5 ке көтеретін болып талаптанып жүретінмін. Ендігі оқудан да спорттан да жарыстарға қатысып жетістікке қол сұғатын кез, сол кезде бірге барып жүргендер бірнеше дүркін чемпион, спорт мастері атанып кетті. Очм көше тірлігінде достойный жігіттер боп жүргендері бар.

ол кезде алдым да күні түні интернет қыдырыс, жылтырағанның бәріне бас сұғып ақыры таңертең оқуға тұра алмай қалып „ох тәліп няғып қана пайдасы жоқ интернетке түнімен байланып қалдым„ дегеннен басқа айтар болмайтын.

Чаттардан яху, мәссаған, іргетас, майл.рудың чаттары бар еді.
Daniar-Alan
мен таза шәйнек екем)) 2008 ау дим, очм бір жұмысқа тұрдым. Шымкентте бір газет ашылды. Бүкіл қызметкер бастық екеуміз ғана)) Не керек дегенде ойланбастан «интернет» дедім. Қазақтелекомды жалғап берді. Майл.ру дан пошта аштым, нигімді Джакомо Казанова деп алдым (охх шіркін десиш)))) таныстарыма сообщение жіберем.)) Бір күні бір бауырым агент қосып алсай деді. Ол не дедім)) очм қосып алдым. Шұқылап отырып бір сообщества тауып алдым.Сөйтсем өзіміздің Ақзереміздің сообществасы екен. Агентпен ойй сөйлестік қой))) Шынымды айтайын, Музаапаға қатысты біраз ойлар да кетіп қалған)) Ол суретін жіберді, коллегаларымен түскен, қызыл диванда отырып мұтпасам)) Ол кісінің есінде де жоқ шығар. Былтыр құрылтайда бір үзілісте «таныстық»)) Анар Мустафина деді, «мяссағаннн» дедім ішімнен))) Қанша жыл өтіп кеткен)))… Тағы бір авар қыз болды. Әңгімесін «эйй, казах»тан бастайтын)) Қызық ед сол кездер ))
Aikona
сол баяғы майл руға келгем ең алғаш )))
Shakirt
Ал, менің алғашқы интернетке кіруім сол 1999 жылдар болды. алғашқы е майл адресімді www.ok.kz деген сайттын ашқанмын. Қызық сол кезде кз істеп тұрғаны таңдандырады. Бірақ бұл күнде ол сайт мулдем жойылып кеткен сияқты. Одан кейін майл ру дамыды да бәріміз соған ауысып кеттік.
qyzylordalyq_jigit
Алғаш рет интернеттің мүмкіндігін 2000 жылы пайдаландым. Қалалық мектепаралық пікірталас сайысына дайындалып жүрдік. Мектеп кітапханасын ақтардық, қаладағы кітапханаларды төңкердік, материал сонда да аз. Сол кезде мектептерге интернет енді қосылып жатқан кез еді. Интернет не екенін дұрыс білмейміз, қалай қолдану керектігін де. Сөйтіп информатика апайдан көмек сұрап, бір тонна мәлімет жинап алдық.
Сонан соң ғаламтордан алыстап кеттім. Қаламызда интернетке қосылып жатқандар жоқтың қасы, интернет клуб дегенің 2004-2005 жылдары ғана пайда болды-ау дейм. Сонан 2006 жылы интернет клубта алғаш рет отырдым. Бір сағатқа 300 теңге ме, сондай төлеп, сол 1 сағат өткесін клубтан басым ақпараттық революциядан айналып, кәдімгідей мас боп шықтым.
Сол кезде ең алғаш кірген сайттарым:
fifa.com
guardian.co.uk.
nurgisa.dosym.kz. Осындай қазақша сайт бар екенін, оның жылдың ең үздік қазақ тіліндегі сайт жүлдесін жеңіп алғанын бір газеттен оқығанмын. Шынымен де, өте сапалы сайт екен. Кейін ол nurgisa.kz болып өзгеріп кетті. Нұрғиса осы кезге дейін менің ең сыйлайтын блоггерім.
Gastarbaiter
2004-те Narod.ru — да жеке парағым болған.
totiya
ауылдағы мектепте бір ғана компьютер интернетке қосылғантын. соның өзін оқушылар емес информатикадан беретин екі ағай қолданатын. олардың өзі қайда кірерлерін білмей сайттардың адресін іздеп отыратын. бір күні сабақтан соң интернетте отыруға рұқсат сұрадым. Алғаш көргенім рамблерда туған күнге байланысты құрылған түрлі күнтізбе гороскоптар еді. өзімнің датамды теріп, жорамал бойынша амулеттерім жайлы білгем. Бильярд ойнадым. осы екеуіне әлі күнге дейін қызығушылығым зор. Сыныпта өзімді ақылды санайтынмын, ұмытпасам мен ол кезде 7 оқимын. мал.руга 2008де тіркелдім. Тунистағы бир арабпен сойлесіп, каникулда сол жаққа барып келсем деген де ой болған. ой лібәә