Chance күнделігі: Бірінші техникалық қызмет

• Автоәуесқойлар клубы
• 19 қараша 2012, 11:40

Өткенде одометрім істемей қалған еді ғой. Жаңа барып, сервис орталықтан істетіп алдым. Кепілдікке кіреді екен, тіпті сервис кітапшасында «Одометр ауыстыру» деген арнайы беті де бар екен: демек бұлардың одометрлері тез кетеді.


Сервистері ұнады. Аздап сылбырлау, бірақ жалпы тұрғыда қызметтеріне көңілім толды. Процесін түсіндіре кетейін, кәделеріңе жарап қалар:

• Барғаннан кейін сервис бөлімінің мамандарына жолығасың.
• Сервис кітапшаңды, техпаспортыңды көрсетесің.
• Механикке машинаңды тапсырасың.
• Тез жөнделетін (1-2 сағат ішінде) жұмыс болса, буфетте күте тұруыңды сұрайды.
• Буфеттен тех.орталық алақандағыдай көрінеді.
— Қалай, қалай? — Алақандағыдай. — Қалай, қалай? — Алақандағыдай деймін, зайбал!
• Шайыңды ішіп отырып көлігіңді бақылап отырасың.
• Мамандар жұмыстарын бітіріп жатқанда, қайтадан сервис бөлімінің жігіттеріне барып, көліңіңді күтесің.
• Машина дайын болғанда қолыңа кілтті тапсырады.
Орталықтың ішіндегі буклеттерді ерігіп оқып жүріп қажетті техникалық қызмет көрсету құнын біліп алдым. Бірінші ТО 2 мың шақырым жүрген кезде өтеді екен. Майын ауыстырып, тартатын жерін тартып, бекітетін жерін бекітіп береді. 11 мың теңгеге шығады. Одан кейінгі ТО-лар 8 мың шақырым сайын, олардың бағалары сәл қымбаттау.Енді дән ризамын. Әзірше ешқандай ақауы жоқ, тап-таза машина.

Бөлісу:

Chance, машина, автокөлік, қызмет көрсету