Қазақстандық бақташылар АҚШ-қа оқуға бара жатыр.

Сонымен бұл күнді де көрдік…
Қазақстандық сиыршыларға (бақташылар) американдық мамандар ірі қараны бағуды үйрететін болады.

Associated Press-ке берген сұхбатында Солтүстік Дакотаның сауда офисінің атқарушы директоры Дин Гордердің айтуынша Солтүстік Дакотаның сиырлары Қазақстанның суық климатына үйренуде, бірақ, оларды бағатын жергілікті бақташылар оларды бағудың ретін білмейді, сол себепті Қазақстан АҚШ бақташыларын шақыртуға мәжбүр болып отыр және қазақстандықтарды АҚШ-қа осы істі үйренуге жіберуде».

Оның айтуынша қарашада 12 қазақстандық бақташы Солтүстік Дакотаға мал бағу бойынша екіапталық оқуға келетін болады. Гордер «Олар класстарда отырмайды, бұл сиыр бағу бойынша іс жүзіндегі үйрету болмақ» депті.

Сонымен қатар, Гордер қазақстандық шенеуніктерге ірі қара мал жақсылап тамақтануы керектігін тағы да ескертіп өтті. «Америкалық сиырлар Қазақстан климатына дағдыланғанына қарамастан салмақ қосу жағынан АҚШ-тағы сиырлардан қалып қоюда. Сиырлардың Қазақстанда жейтін тағамдары АҚШ-тың қатардағы фермерінің беретін тағамдарына қарағанда құндылығы аз, сол себепті, Қазақстандағы сиырлар тез семірмеуде.»

Дереккөз мында

Енді, сиыр екеш, сиыр бағуды да шетелдіктерден үйренетін болдық. Өз басым қазақтардың тиын істеу тәсілдерінің ішіндегі ең көркем де креативті тәсіл деп бағаладым.

Жалпы бақташы, қойшы мамандықтарын «Болашақ» бағдарламасы бойынша қажет етілетін мамандықтар тізбесіне қосуды ұсынам, колхозминистрлікке…

Қорыта айтқанда, Сатекең айтпақшы, «шешессс» дегеннен басқа эпитет келмей қалды…