ОТТАЙ БЕРЕДІ ОСЫРАҚ ШАЛДАР...



Қаланың атауын өзгерту туралы хабарды естігенде, «сандырағы» шығар деп сақалдылардың, тіпті де елемеген едім. NEWS деген тіркесі бар ақпарат таратушылардың тілшілері тыпырлап жаза бастағанда, кәдімгідей ойланып қалдым. Твиттердегі парақшама түртіп қойып ем, бірлі-жарым саясаттан хабары бар жандар және сол «біздің» өңірдің тумалары ғана әңгімеге араласты.

Амиржан Косанов‏ @akossanovkz Қара алтыным жеті қаттан қазылған, Билік басы көп бәлеге шатылған.Мұнаймен де, қанменен де жазылған Өзенім-ау, айналайын атыңнан!

@Aidos_Sarym: Атыңнан айналайын Бекет Ата, Атыңды қоймау керек десем болма қапа...


Қалқаман САРИН‏ @AkynSarin Мәселенің мән-жайын ұқпадым.Жаңаөзен атын өзгерту қаншалықты қажетті дүние, кім үшін?

Тимур Бектұр‏ @timusha Ақсақал атын иемденген шалдар жер атын өзгертіп атын шығармақшы.

Данияр Жұмаділов ‏@DaniarKaz саясат...(( Жанаозеннин атауын озгертсе де ондагы канды кыргын естен кете коймас…

Асет Рахманбердиев ‏@Rahmanberdy әулиелерге табынып Бекет-атаны Алладан аузына көп ауызга алады деп естігем, енді қаланың атына шыққан ба? еріккен…

Bakha Kushkandir‏ @Kushkandir Вот и я о том же!!! То работа их не устраивала, бунтовали!!! Сейчас если не переименуете в Бекет Ата, тоже выйдут бунтовать!

Анау АСЫЛБЕК АЙДАРОВ бастаған ақсақалдарды «ақылға шақыратын» адамның болмағаны ма?.. Бұл не сандырақ??? Ғасырдан астам тарихы бар Түркістан тып-тыныш тұр. Әйтпесе, біздің байтақ жерімізде қасиеті асқан, халық қиналғанда жан-дауа іздеп барар киелі орындар аз ба еді?.. Йассауи тұр, Айша-Бибі… ИСЛАМды ұстанатындар, түптеп келгенде, бір Алладан басқаға табынбайды да. Жарайды… дін тақырыбы үлкен шеті жоқ дауға айналып кетуі мүмкін. Басқа жағынан көрейік саралап… нақ өзгеріс керек болса, Павлодар, Петропавл қалалары туралы ойланбай ма шалдар мен шалдарды тыңдаған шенеуніктер?.. Тіпті Астананың өзінде «Московская» сынды ескі көше атаулары өзгертусіз тұр. Есесіне, жетпей жатқандай «Керей мен Жәнібек көшесі» деп, екі тұлғаның есімін қыстырып қойыпты. Қазақ хандығының негізін қалаған нар тұлғалы азаматтарға бір-бір көшенің атауын берсе – Астананың сәнін бұза ма?.. ал, Өзенге қатысты болса, онсыз да «жаңа атауы» қаланың бұл – «Жаңаөзен». Бұрын «Новый Узень» делініп келген. Аударды қазақшаға. Енді не керек?.. мына шалдар қайдан шығарды шуды?..

Есен Елеукен‏ @eseneleuken, шалдардың кінәсі жоқ…

… деп жазды ағасы. Расында, саясаттың сасық сорпасы тағы да… осырақ шалдардың кінәсі жоқ сияқты. Қайткенде де, жағымсыз иіс алып бара жатыр… «Жастардың рухани құндылықтарға бет бұруын...» қамтамасыз етеміз деген шалдарға біреу дайындап берді ғой материалды. Бір сценарист, бір режиссер отыр реттеп барлығын… ал, жарайды! Географиялық картадан Жаңаөзенді мүлдем «жоқ қылу» керек болды делік. Оны да «әдемілеп» істеуге болар еді ғой. Айдың аманында апыр-топыр: «ат өзгертеміз!» — деп атой салғаннан кім де болса күдіктеніп қалды. Сөз арасында мына мақалаға да көз жүгірте салыңыздар: ult.kz/kz/article/view?id=699

Бұл мәселе де ойландырды:

Dilmukhammed‏ @DimaTulevov каласы атын озгертуге канша каражат кететинин есептемеген болар((

Есептеді! Есебі мықты олардың… эх… қайда кетпей жатыр мұнайдан түскен миллиондар?.. Астананың сол жағалауына көз жүгіртсең, шіркін, шөлмектен тұрғызылған зәулім үйлер қаншама қаусап бос тұрған… Маңғыстаудан қыдырып келгендер аузын ашып қарайды: «Е, біздің ақша осыған кеткен екен ғой...» — деп…

Кіп-кішкентай боп ҮЛКЕЕЕЕН саясатқа араласқым жоқ. Бірақ, қарным ашады көргенде… мысалы, қаражаттың жоқтығынан кей кездері Алматы мен Астанаға жете алмай қалатын жасампаз жастарды көргенде. Ақтау мен Жаңаөзеннен қазір «Мұнай тамшылары», «Барыстар» КВН командалары өнер көрсетіп жүр. Өз басым, ойындарын көріп қатты қуандым. Тек, дайындыққа жұмсайтын уақыттары уайыммен кетеді екен көбіне: демеуші жоқ. Қазіргі бары да – ертең айнып қалуы мүмкін. Соны ойлайды балалар, алаңдайды. Өзеннің тумасымын, сонда бітірдім орта мектепті, ол қаладағы хал-ахуалды жақсы білем. Кезінде Бабахановтың кабинетіне кіре алмай кеткен едім 2006 жылы. Кіжініп кеткенмін: «Алматыға кетіп барам. Жарып шығам бір жерден. Сол кезде Жаңаөзеннің тумасымын деп айтпаспын!..» Көпке дейін айтпай да жүрдім… ренжіп ағаларға… бұнымен жеткізгім келгені: жастарды рухани азықтандыру үшін қаланың атын өзгерту емес, басқаша қолдау көрсету керек: КВНге қатыссын, жолдарын бөгемей қалталарына тиын-тебенін салып беріңдер, ақсақалдар! Бос уақыттарында спортпен айналыссын: ашып беріңдер «қымбат емес» спортзалдарын! Жаңаөзеннің төрінен әдемі етіп ТЕАТР ашыңдар: ойнайтын актер да табылады жастардың арасынан, көрерменсіз де қалмайды. Мәдениеттілікке баулыңдар, ақсақалдар! Әйтпесе, Астананың театрынан көрдім жас жігітті тура бірінші қатарға кеп отырды… қызылды-жасылды шортымен!!! Ең құрығанда, театрға қандай киіммен баруды білетін болады… міне, мәдениет!!! Қаланың атын өзгертуге жұмсайтын қаражатты осындай игі шараларға аударған дұрыс болар?.. Әйтпесе, қазір Жаңаөзенде не бар?.. Кинотеатрдың қаңқасын көргенмін: жұмыс істеп тұр ма, жоқ па… есесіне, тойханалар мен клубтар көп. Айтпаса да түсінікті…

Құрметті МАҢҒЫСТАУЛЫҚ қариялар! Артық кетсем, кешірерсіздер тентек қыздарыңызды, бірақ… Пір Бекеттің атын анда да, мұнда да жөн-жосықсыз қолдана бермеген абзал еді. Қастерлеп келген құнды дүниелерімізді біздегі сұйықтау саясаттың лас көжесіне араластырып жібергендеріңіз – қай сасқандарыңыз?.. Бекет-Атамызға ПИАРдың қажеті жоқ еді ғой, онсыз да ағылады халық елдің түкпір-түкпірінен, біледі қасиеті барын…

Бұл, әрине, менің жеке субъективті пікірім!

P.S. егер өнерлі жастарға қолдау көрсетпейтін әкімшілік еріккен қариялардың ұсынысын жөн деп тапса: «Жастар – біздің болашағымыз!» — деп ұрандатқанын қысқартатын болар...

сурет: qogam.kz
Бөлісу:

175 пікір

aza
Пәлі… Ал, Керек керек болса… Кәдімгі Маржан Сұлтанбай ғой мынау…
Nurgisa
Көзілдіріксіз оқуға жақсы екен.
Marzh_Sultanbay
Әзір түсінбей жатырмын шрифттерін...
alisha
Еларнада ылғи осылай жазушы едіңіз ғой
Marzh_Sultanbay
Енді осында жазатын шығармын… әзірге мен түсінбей жатқан дүниелер бар…
aza
Аттанға ойбай қоса бергеннен гөрі талдап-сараптап бергені қандай ұтымды шыққан…
asaubota
түзетіп қойдым постты.

жалпы тақырып туралы айтатын болсақ қала атын өзгергенмен тарихын, сонда болған оқиғаларды өзгерте алмайды ғой. мұндай әрекеттері шынымен күлкілі.
Marzh_Sultanbay
Таң қалдым көріп...шрифттерін қалай жөндеу керек… түсіне алмадым… рахмет үлкен!!!
Marzh_Sultanbay
айтпақшы… суретті жүктей алмай жатырмын…
asaubota
жәйлап-жәйлап үйренесіз
alisha
О, Маржан! Қош келдіңіз! Мынау нағыз Сіз жүретін жер Анау бір бұрышта Саз әлемін талқылап жатырмыз
Marzh_Sultanbay
О! САЗ ӘЛЕМІн әлі көрмедім, шынымды айтсам…
baurmeret
мен ушин Озен-Озен болып калады!!! Билык айттыма, осырак шалдар айттыма бари 1 маган. Коп соз бок соз демекшы, бэлду бэлду бари отирик
a63a1
не дит ойыбай
a63a1
паһ паһ, айтақ айтақ деген қазақтың әдемі тіркестерін де қосуың керек еді нЭгізі
AKY
тақырыбы қатаң екен
Marzh_Sultanbay
Тақырыбы АЙҚАЙЛАП тұрмаса тағы еленбей қалады…
medet2
Бекет Ата мекені мен Жаңаөзен мекені бөлек-бөлек нысандар және әрқайсысының әр түрлі тарихы бар. Жаңаөзен қаласының атауының пайда болуы туралы бір ақсақал ойына келгенін басып жіберіпті.Жер астында мұнай ағыны бар екені анықталғанда "өзен бар" деп жергілікті халық солай атап кеткен, бірақ кеңестік заманда ресми түрде «Узень» деп аталған.Қазіргі Қызылсай старый узень, Жаңаөзен «новый Узень» болып аталған. Өзен сөзінің пайда болуының себебі жер астындағы мұнаймен байланысты, тыңдап ал АҚСАҚАЛСЫМАҚ!!! Жаңаөзеннің тарихында бұдан бұрын да көтерілістер орын алған.Ертеректе Адай көтерілісі болған, одан кейін 1989жылы да көтеріліс болды, кешегі желтоқсанда билікке қарсы тағы көтеріліс болды.Бұның барлығы халықтың санасыздығынан деп айтуға болмайды, халық осылай бас қосуға мәжбүр болғандықтан солай жасады.Алдағы уақытта тағы да сондай дүрбелеңдер болмасына кім кепіл? Әрине болсын деп тілеп отырғам жоқ, бірақ мүмкін ғой.Кейде адамдарда қаламаса да жасауға тура келетін заттар болады.Алдағы уақытта сондай көтерілістер болған жағдайда «Бекет Ата көтерілісі» болып тарихқа жазылады ма? Сол кезде оның ауырлығын кім көтереді? Асылбек Айдаров ана жақтан қайтып келіп көтереді ма? Жаңаөзеннің аумалы-төкпелі тарихы бар.Топырағына қан сіңген қала екені ақиқат.Халқы табиғатынан қатал мінезді.Бекет Ата деп аталған күннің өзінде қала тұрғындары әлгіндей жауапкершілікті көтере алмай қалса кім кінәлі болады.Сондықтан қала атын өзгертудің қажеті жоқ.Әруақты атаны саясатқа араластырып керек емес.Егер Атаны расында қатты құрметтегілері келсе жаңадан салынып жатырған Ақтау сити бар емес па, соның атын Бекет Ата қаласы қылып қойсын.Таза қала, таза рух, тарихы да жаңадан басталсын.Менің ұсынысым осылай.
Медетбек АБДУЛЛАЕВ
Marzh_Sultanbay
Рахмет, Медетбек!!! Байқасам, НАРАЗЫ адамдар көп сияқты. ДҰРЫС деген пікірлерді әлі естімедім айналамдағы адамдардан…
ruben
Әрекетке көшіпті. Бұл да бір ойда жүрген шаруа еді. Саптар белгілі бола бастады. Кімнің кім екені дегендей. Баняға да бармай-ақ қой! Қайта біліп жүретін болдық жазылмаған саусақтыларды…
Onlasyn
КВН-ді қойш, білім, білімге бөлу керек ақшаны
Marzh_Sultanbay
Білім де керек, әрине… бірақ, қолдары бос кезде жастар бір нәрсемен айналысу керек қой. Хобби дегендей…
omarbirat
Қаланың атын өзгертуге қандай негізі барын түсінбедім. Егер сонда болған оқиғаларды жадтан өшіру мақсатында шығар дейін десең, мыналары жығылғанның үстіне жұдырық болып кеткен сияқты. Бастаманың кері әсері көрініп жатыр. Жай ғана шалдардың троллингі деп сенгім келеді.

Асылбек Айдаров деген «ақсақал» мына кісі екен:
bazuka
артында тұрған аташкі джынд тұр екен, баста бөрік)) үстіңде шапан)
19852407
Ол аташкаң шапанның ішінен галстук тағып алыпты  
Бөркін көзін бастырта киіпті,ә?..
AKY
если что, ешкім танымай қалсын деп)
Abylai
Өзенге Бекет ата атын беру дегенді алғаш естігенде, бірден теріс пікір білдіруге басында жүрексініп, дәтім бармап еді. Не дегенмен Маңғыстау тұрғындарының Бекет Атаға деген құрметі, сенімі, көзқарасы екенше ғой. Қорықсақ та, қуансақ ба, тіпті сүрініп кетсек те Бекет дейтініміз, қала атауын Бекет Ата деп өзгертуге қарсы болсам, әруағын ренжітіп алатындай сезіндім. Басқа атау аздай, Бекет Ата деп өзгертеміз дегені жанды жерден алғаны рас. Әрине кезекті қатардағы бір Маңғыстаулықтың пікіріне ешкім қарап қалмайды ғой. Сонда да, осы оқиғаның бір жағына шығу өзім үшін маңызды болды. Өзен (Жаңаөзен) атауының қай жері келіспей тұрғанын түсінбедім. Қысқасы, мен де қолдамаймын.
Adiletshu
Осы Батыста Бекет ата туралы жаман бір нәрсе айтып қойсаң *мыңды шығарады деген рас па?
Aldeken
жоқ просто *мың шығад, ешкім тиіспей-ақ…
asaubota
біздің жақта да Сүлеймен деген ата болған, оны да әулие дейді. сол туралы айтып қалып едім бір күні, жездем ренжіп қалды. өлген адам қалай көмектеседі деп едім ғо
salamat
шалдар әкімдердің қолбалалары, жел шығарып ғана қоймайды…
тапсырыспен «пікір» айту ол да бизнес.
қаланың атын өзгерткенмен жазылатын тарихты ешкім өзгерте алмайды.
әуелі қанды қырғынға саяси баға берілуі керек!
"қарапайым еңбек дауы" неге қырғынға ұласты? жауапсыз қалмауы керек?
ken
атын өзгерту туралы шулатып-шулатып алып, артынан өзгермейтін болып шығатын шығар
omarbirat
Сондай бірдеңе болатын сияқты.
Marzh_Sultanbay
Шулап-шулап қоя салса дұрыс болар еді… меніңше, істейді солар! ҮЛКЕН адамдар араласып кетті, өйткені…
nurba83
Демек сұпылар мекеніне айналдырмақ…
Marco
Пензес, не деген аналитика)
19852407
 «Саясатпен айналыспасаң, Саясат сенімен айналысады» депті бір ғақлия амиго)))
Marco
Барды бар, болғанды болған деп айту керек. Өзеннің атын өзгерту, өткеннің елесін көмескілендіру әрекеті болған болса, шалдар да, шалдарға тапсырып берушілер де шетінен көртышқан екен! Алысын болжай алмайтын, осындай шорқақ сана, шолақ ой, шабан көңіл адамдар-ақ шаршатып бітті! Бұл әрекеттері жараның орны әлі де қансырап жатқанын тағы бір көрсетті, тіпті ушықтыра түсті!
Қиыны да осы ғой. Ұмыттырғысы келеді. Қазақтың ғасырлар бойғы салт-дәстүрін жоққа шығарып, біреуі орыс, біреуі араб, енді біреуі түрік жасағысы келіп жүрген бүгінгі белсенділер, ертең Өзенде ештеңе болған жоқ демесіне кепілдік те бере алмаймын.
Nurgisa
Жаңаөзенге килігудің, «ребреднтеудің» қисынын көріп тұрғаным жоқ. Анық ономастикалық комиссияға инновациялық ұсыныс түсіргісі келсе, «Фурманов» көшесін етсін тілге тиек. Сол дәл тиед. Ал мынау әлдебір пәрменді жасырын топтың дешевый понттар сериясынан сияқты. Тіпті, қоғамдық резоннанс туғызатындай елішілік платформаларда талқыға салудың өзі орынсыз.
Marco
Фурмановтың өз жоспары бар, дәлірегі Фурмановқа жоспар дайын. Ол мүлде әңгіме етуге тұрмайтын нәрсе)))
aza
Біздегі Республика даңғылына да…
Adiletshu
Бір досым сол көшеге кейін НӘН ағамның аты беріледі деп жүретін. Соны меңзеп тұрсың ба
aikarakoz
Алматыда Фурмановтан басқа өзгермеген Снегин көшесі бар. Бекет Ата атауын қайда қоярын білмей жатса, осы көшеге берсе ғой…
Armanjan
мен енді өзім «Нұр отан» партиясының мүшесі болғандықтан (ай сайын партия жарнасын уақытында төлеп тұрамыз) қаланың атауын «Нұрөзен» деп атауға байланысты пікірімде қала беретін сияқтымын!
Aldeken
саяситехнологияларынссс…
Bauka110990
Кешегі қанды қырғыннан кейін енді-енді ес жиып келе жатыр едік, қайта бастады мыналар Жаңаөзенге тиісіп. Өзеннің қазіргі жағдайы тып-тыныш өтіп жатырғо. Не керек қайтадан айқай шығарып.
Abilakim
Жаңаарқаның Жаңаарқа болып тұра бергені жақсы мен үшін
Aikona
Шынымды айтсам қарсымын. Атын өзгерткенімен затын өзгерте алмайды ғой. Пы.СЫ: Қош келдің!
nurba83
келесі қай қаланың кезегі екен?
asaubota
Астанадағы бір топ ақтөбелік алаңдаулымыз…
Aldeken
осы үрдіс жалғасын тапса, Ақтөбедегі Алғаны — Есет баба, Қобданы — Қобыланды, Шымкенттегі Созақты — Қарабура, Алматыны — Райымбек, Астананы — Қабанбай, Павлодарды — Батыр Баян деп атайтын күнге де жетерміз әлі… Несі бар, туристік тартымдылығын арттыру үшін дейтін негіздеме пайда болды ғо, қолданып қалыңдар…
bazuka
Комсомолды өзгертіп берсе риза болар ем))))
Aldeken
онсыз да, Әйтекеби емессіңдер ме?
bazuka
ауданның атауы Әйтеке би, аудан орталығы Комсомол ғо
omarbirat
Қаскелең, Шамалған деген қалмақша атаулы елді мекендердің атын ауыстыру туралы ұсыныстар да болды кезінде.
bazuka
бізде бірақ андай батыр бабалар жоқ, қайтсек болады)
Daniar-Alan
Мастұр батырдың атын тарихта қалдырыңдар!
Aldeken
лібә, аватарды клондауды қашан қоясың сен, а?
Daniar-Alan
одминге қарап бой түзейміз
Aldeken
кезінде Азаның авасын тағып жүргендер несін түзеді екен, а?
Daniar-Alan
оны пахымнан сұраңыз
Daniar-Alan
лібәәә Алдеке, азаның авасынан на аваның пікірлері өтімдірек екен
Armanjan
Дәке, асқабақтың басын қойғаныңда тіптен қүшті болар еді.
asaubota
бой түзегенше ой түзе. бірдей аватар қойып жұртты шатастырғаннан не болады?
Aldeken
құрдас, енді саған авадағыдай, кәстөм мен әшки алу ғана қалды. былай әрәқ ішкенде по возможности билеп қойып жүрген шығарсың, ия?
asaubota
костюм кимейм, әшки тақпайм. тойда да билемейм, есік алдында темекі тартам
bazuka
Мастұр батырдың атың қалдырамыз деп Дәруішөлгендіктер соғыс ашып жүрсе, ана жаңаөзендік шалды прокатқа алу керек шығар бізге)
omarbirat
Ойдан шығару керек
asaubota
Байғанин ауданындағы Ебейті аулының тұрғындары ауыл атының бұрынғы аты Крупскаяны қайтара алмауда…
Aldeken
Крупскаяны қайтару қиын шығар, келмеске кеткен ед…
Daniar-Alan
лібәә пантазия жоқ сендерде
Aldeken
кечіна, Ебейтіге фантазияның да қажеті жоқ… чисто логика ғо…
AKY
Ооо, Есет баба, маған ұнайды. Тама ғой ол
bazuka
қайда барацын? Көтібарұлына баратрм.
Aldeken
ол Ақкемерде ғо, тамалардыкі Көкіұлы, если што…
AKY
Соны айтам даЧы.
AKY
сенікі слишком кетіп қалды ғой, айнолойын-ау)
bazuka
кешірім өтінемін! әзіл болатын)
baurmeret
zhasalash.kz/kogam/8283.html Жерлесым Келымберды Кудайке дал тауып жазды!!! Баска косатын ештене жок!!!
baurmeret
Аксакалдар деп отыргандар 2011 жылдын жазында, карапайым халыкты бездирип, акшанын барин жеген арамакимдердин артында журген кисилер. Сол кезде де олар ереуилдеги мунайшыларды азгырып кобисин жумысына шыгарган, аузы бир халыкты екиге болген де солар!!! Енды сол аз болгандай тагы келип кала атын озгертемыз дейды! Бул нагыз провокация! Тагы биликке кан керек, тагы соттау керек жастарды, сол ушин истелип отырган дуние бул!!!
19852407
Әңгімеңнің басы дұрыс.
Биліктің қолынан жемденіп жүрген «асыранды ақсақалдар» ғой бұларың.
Көп сөз — боқ сөз. Мәселенің мәнісі — «Жанаөзен оқиғасын» еске түсіретін қаланың атынан құтылу. Бұл билікке керек, ал билік өз кезегінде «ақсақалдарын» жұмсап айттырып отыр.
Marzh_Sultanbay
Қызу талқылап жатыр екенсіздер…
baurmeret
окыдынба ЖасАлаштагы макаланы?
Marzh_Sultanbay
ссылкасы бар ма??????
baurmeret
zhasalash.kz/kogam/8283.html
Marzh_Sultanbay
Оқып шықтым… иә...қарсылық білдіріп жатқандар көп… бірақ, болмайды-ау біз ойлағандай…
baurmeret
«бірақ, болмайды-ау біз ойлағандай…» дал осыны баска турде твиттерде айтып едым))) озымнин рулас бауырыммен тиресип калдык))) килен кызканды жигиттер екен
Abilakim
әйтеуір жұрттар арашалап үлгерді ме))
baurmeret
Арашалайтындайга барган жокпыз))) руын айтып еды иним болып шыккасын кайнап жаткан кандарымызга су сепкендей болды)))
Abilakim
біреулер руға тоқтайды біреулер үстінен құйған ыстық суға да тоқтамайды
baurmeret
Дурыс айтасын! Енды бул такырып туралы оз ойынды жазбадынызба замандас? ари екеумиз курдас сияктымыз)))
Abilakim
ал тақырып не еді?
baurmeret
 Жанаозен атын озгерту туралы)))
Abilakim
«Жаңаөзен» болғаны дұрыс қой. Астана деген де жаман естілмейді)))
bizbike
Астана әлемдегі жалғыз аты жоқ астана әкесінің аузын
ruben
Сеулде күн шықпай жүрмегей
Armanjan
Тақылдақ Маржан — сізді «Жас отан-Жастар қанатына» мүшелікке шақырамыз!
Marzh_Sultanbay
Қазір ЖАС ОТАНның мүшесі болсам, осы Жаңаөзеннің мәселесін де көтерткізбес еді маған, солай емес пе?.. ЕРКІН жүргенге не жетсін!!!
Abilakim
тақырыптан ауытқысам кешірім сұраймын. Кемпірлер осырмай ма сонда?
Aldeken
кемпірлердікі естілмейді, осырғандары да, басқасы да…
baurmeret
Жана жылда сондай тилек тилейдыгой кыздарга «Жылын кутты болсын, осырак шалын болсын» типа жасын узак болсын деген шыгар. содан алган гой Марж))))))))))
Marco
Жаңа жылда тілек тілей ма?  Басқа кезде бұлай тілемей ма?
Janasil
Бұл да САРА БДАЛ саясат!!!
Daniar-Alan
Марконың достарын көбейту детектед… жасырынжарнамаңдыссс

НЕ ТӘРБИЕ МЫНАУ? жастық
Adiletshu
Ох, Маржан! Менің братьюнім сіздің даусыңызға ғашық
Marzh_Sultanbay
Қыздар, жігіттер!!! Шалдарға қатты айтты демеңіздер… қазақта мақал бар: ОТЫЗ ҰЛЫҢ БОЛҒАНША, БІР ОСЫРАҚ ШАЛЫҢ БОЛСЫН деген. Мақаланың атауы содан шықты
Marco
арабша мақалалар да болады екен-ау
Armanjan
Марко, осы сіз соңғы кезде араб, арабша деген сөздерді жиі қолдана бастадыңыз. Тыныштық па әйтеу
Abilakim
түсінеміз негізі))
konvict
Осыдан кейін қазақта секс болмаған деп көр!
Daniar-Alan
болған. Оны «Келін», «Абай», «Біржан сал» фильмдері көрсетіп кетті… Біржансалдан кейін тіпті азғынқиялданып кеттім
Adiletshu
Сен де адамды шатастырып. Админнің авасын алдың ба соған лайық бол. Не жырқ-жырқ күлкі
aza
Әділетші ақ сөйледің! Соңғы кездері көбік ауыз боп кетті осы жігіт…
asaubota
Данияр, шынымен күлкілі емес мына әрекетің. 3 күндік банға жіберемін ау?
aza
Админ, саған да Псый ренжіп жатқан шығар: «тым жақсы шошоңдап жүріп жинаған имиджді құртты-ау мына бала» деп)
konvict
Негізі қаланы Бекет ата деуіне қарсымын. Алайда, баяғы Текелінің аты ауысқаны секілді халықтың жадынан оқиғаны шығарып жібереді ғой. Қайта сол дұрыс бір жағынан. Бәрібір Жаңаөзендегі оқиғаны мемлекеттік дәрежеге шығаруға қанша талпынса да, аймақтық оқиғадан әрі аса алмайды.
Marzh_Sultanbay
Тап ауыстырғысы келіп бара жатса да… басқа атау таппай қалды ма?.. Неге тыныш жатқан Атаны қозғайды?.. City немесе НҰР тіркестерін неге қолданбады?..
konvict
Бекет Атада тұрған не бар?
Daniar-Alan
Петропавл мен Павлодарды ауыстырмай ма онан да…
Abilakim
бүгінгі дені дұрыс пікірің осы-ау деймін
Daniar-Alan
күндіз иван, кешке имам
Abilakim
тақырыптан ауытқып кетсем кешірім өтінемін.Тек қана осырақ шалдар ғана емес, бізде тақылдақ қыздар да арасында оттай береді.
Armanjan
кешірім сұрамай-ақ жазуға болатын пікір бұл, плюстеуге тұрарлық!
Marzh_Sultanbay
Рахмет! Дәл осы тақырыпқа қатысты болса Марж өте орынды ОТТАП отыр
Abilakim
мен тақырыптан ауытқыдым дегенде бұл тақырыпқа қатысы жоқ екендігін меңзегенмін
Adiletshu
Бензиніңді өзіңе де шашып қой
Armanjan
Маржан бана сені тақылдақ дегенім (бұрындары телебізірде біреу айтып жатқанда құлағым шалып қалған еді) былай еді: қыз баланың әкесіндей, атасындай адамдарды «осырақ шал» дегені ерапайсыз болады екен, сенің де әке-аталарың бар шығар, ол «осырақ» шалдардың арасында елге еңбегі сіңген талай қариялар бар шығар кім білсін!
aza
«Отыз ұлың болғанша...» деген бар емес пе еді, осырақ дегеннен ерсілік көріп отырған жоқпын!
Abilakim
құлағымыз естіп жүрген мақал ғой, осырақ шал деп жазба жазғанын ерсілікке балай алмаймын жеке басым. егер телеэкранна байқамай тақылдап қалса ерсі дер едім
Aldeken
Арманжан, не ғо, «осырақ шал» тіркесі оспадарсыздықтың көрінісі демес едім… оның қасында түпкі мағынасы порноға жақын келетін «шошақтың шөлінен келу» деген тіркесті де ұялмай қолданып жүр ғо…
Armanjan
Алдеке, не ғо, сіз де кейде артық түсіндіріп кетесіз, сөз түсінетін азаматтың бірі шығармын мен де, просты халық алдына шығып жүрген қыз ғой, бір күні тақылдай-тақылдай "әу осырақ ағайындар" ду қол шапалақтарыңыз қайда деп тұрмаса болды да.
Aldeken
онда, сенің ескертуіңді мерзімінен бұрын айтылған деп есептейік пе? Соңғы уақытта Маржаннан эпатаж белгілерін байқамай жүр едім…
Abilakim
Арманжанның ескертуі Қожекеңнің баласын жазалау қарекетіне келіңкірейтіндей
Armanjan
«Аспандағы жұлдыздан, Алматыдағы жұлдыз көп» депті біреу. Кішкене аз-мұз ауыра ма деймін.
Aldeken
Кішкене аз-мұз ауыра ма деймін
Батыс өңірде тап осы сөзің үшін, Арманжан қатаң жауап беруіңе тура келер еді. Танымайтын, білмейтін адамың туралы, бұлай атйу еркектікке жатпайды, бауырым.
Маржан менің танысым да, ешкімім де емес, тіпті сүйікті жүргізушім де емес. Демек, ол туралы ойларымды жария қылу әбестік деп есептеймін. Ойың бар ма, ойың ішіңде болсын. Растығына көз жетпейінше… Алдағы уақытта клаваны тықылдатардан бұрын ойланып алуды рекомендеймін.
Abilakim
Жалпы, қай өңірде болмасын өз сөзіңе жауап бере алғаның жақсы ғой.
Armanjan
Алдеке, не ғо, сіздің маған рекомендейтін дүниелеріңіз мен үшін бещ тиын екені рас ғо, бірақ сізбен сөз таластыру мүмкін емес шынымен  сондықтан осы жерден қыстым енді.
aza
«Аспандағы жұлдыздан, Алматыдағы жұлдыз көп» депті біреу. Кішкене аз-мұз ауыра ма деймін. Мынауың енді артық, Арман. Керекте жұлдыз жоқ! Болған кезінде… СААТ дегенді естіп пе едіңіз… Маржан жәй пікірі озық замандас… Мұрат Әбенов те оқиды керекті, жақында тіркелем дегенді де айтып қалды… Қолдан жұлдыз жасай берудің қажеті шамалы…
AKY
Тіркелген ғо онсызда. Карин де тіркелген. Және минусқа кіріп кетіпті
Aldeken
Мәкең ұмытып та кеткен шығар тіркелгенін…
a63a1
Аймақтық административті бірліктердің атауын, геонимдерді өзгертуге мораторий әлі алынған жоқ едңі. Бұл не далбаса, бұл не шу?
aza
Ондай мораторий тірі адам атына мектеп, балабақша, универ беруге де қойылған… Сіздікі құр айғай боп қалатын сияқты…
a63a1
Заңнан асып қайда барасыңдар))) құр айқайғой, тамақтары қарлыққан күні өздері-ақ ұмытып кетед
Janasil
Өткенде, "Қаладағы көше аттарын қазақшаласақ қиндықтар көбейіп кетеді. Сол көшенің тұрғындары барлық құжаттарын ауыстыру керек" деп жатыр еді телеарнада бір маман.
Marzh_Sultanbay
Әңгіме ЖАҢАӨЗЕН туралы еді… Марж жеке басына қатысты не шоубизнеске қатысты әңгіме жазбаған-ды. Қазақта мақалдың бары рас, «осырақ шалың болсын» дегеннен шықты, меніңше, тақырыпқа дәл түсті. Неге сонша шала бүлініп жатырсыңдар?.. ЖҰЛДЫЗ деп шығарып жатқан тағы да өздерің!!! Мақала не туралы, сендер неге МАРЖАНның жеке басына айып тағуға көшіп кеттіңдер?.. ҚАТЫН әңгімені доғарайықшы! Еркексіңдер ме, БОЛЫҢДАР! Әр жерден қазбалап, түртпектеп бірдеңе іздемей!!!
a63a1
Сізбен келісем)))
konvict
 КерекИнфоға хош келдіңіз!
bizbike
Маржан, осылай қуып кететіндері бар бұлардың! Үйрене бер. Айтпақшы, менен алған Мұқағали Мақатаевтың өлеңдер жинағын қашан қайтарасың?
Adiletshu
Бірінші Алланың, сосын керекинфоның арқасында біраз танымал адамдармен общение ұстап қалатын болдық қой
salamat
maidan.kz сайтындағы Жәнібек Қожықтың жанайқайын оқысаңыздар шалдардың іші өтпей былғап жүргендеріне көз жеткізесіздер.
Gastarbaiter
Маржан, басқа никпен кірмесеңіз, фанаттарыңыздан" құтыла қоймайсыз, объективті шындық та далада қалады.
Жұлдыз болмасаңыз да, публишний (аты ақ жаман екен) адамсыз ғо, атыңыздың пікіріңіздің қабылдануына әсер етпеуін қаласаңыз.

Тақырып жеке мен үшін өзексіз. Приоритеттерім бөлек, адам аман болсын, ал ырым дегенге сенбеймін. Айтпақшы, орындалуы жаңа қолданушылардың біразынан жақсы!
Қош келдіңіз.
asaubota
оны мен де айтқам, ешкімнен қорықпаймын өз атымнан жазамын деген өзі
Marzh_Sultanbay
Жігіттер, рахмет ниеттеріңізге! Бірақ, ТЫҒЫЛЫП отырып жазғым келмейді. Онсыз да ХАБАРдағы кейбір әріптестерім ПСЕВДОНИММЕН пікірлерін жазады данасынып. Олардың деңгейіне түскім жоқ. Ашық айтудан қорықпаймын! Тек, тақырыпқа қатысты болу керек ПІКІРЛЕР де СЫН да!!!
alisha
Сөзден сөз туады… Бірде Нұрсұлтан ба, кім еді, Еларнадағы бір жүргізуші жігіттің блогында сыни бір пікір қалдырған едім. Ертесіне маған: «Сенің кім екеніңді жақсы білем. Одан да келіп бетіме айтпайсың ба, ішің тар, көре алмайсың» деген сияқты бірдеңелер толтырып қойыпты.
«Жаным ау, ауылым шалғай, сол пікірді айтуға бола Атыраудан ат терлетіп Астана барғым жоқ» дедім сосын
kokbori
Тек, тақырыпқа қатысты болу керек ПІКІРЛЕР де СЫН да!!!
Шіркін, есік алдына қайта қайта шығып, осы сөзді неше рет қайталадық десей! Бұл жердің аурасы сол, жеке басты қозғау кәйіп
Gastarbaiter
Солай айтатындарға күлкім келед) Негізі қорықпаймын дегенде форумшылар қорыққанымыздан ник таңдамаймыз ғо. Әркімнің өз қалауы ғой, интернетте тығылып жазу деген сөз сәннен қалып, актуалдығын жойған, қазіргі кезде жұрт интернетке танымал болу үшін, не зомбоящикке қызықпайтындар арачында да танымалдылығын арттыру үшін келуі жиіледі.
Әйтпесе, іздеген Асаудың Аршат екенін, Гастарбайтердің Асқар, ал Маржанның Маржан екеніңізді екі кликпен табады.
ken
осы бар ғо, осырақ шаллардың оттаған сөзін талқыға салудың өзі оттаубың бір жалғасы емес пе екен, а? не боп кетті өзі?
laka
атын өзгерту шалдардың емес, анау жоғары жақтағы ақылгөйлердің қасиетті атау беріп "құлақ тыныш", «ауыз жабық»,«беібіт» өмірге «шақырғаны» сияқты, немесе жай PR
Marzh_Sultanbay
Жабылып жазып жатыр… қанша газетті ақтарып шықтым. Көпшілік қарсы! Тек НӘТИЖЕ болса ғой…
edige
Мекеннің атын ауыстыру қазақ елі болып көтеретін мәселе деп ойламаймын… Себебі. одан да күрделі мәселелер бар… Қазақтың әрбір өмір сүрген жерінде қаны төгілген бұл қазақтың… Оңтүстік Қазақстанда орналасқан Арнасай-Амангелді елді мекендерін өзбектерге беріп жібергенде де осылай отырған Қазақ… Сол жерлерді себепсізден-себепсіз беріп жібергенде ешкім бас та көтермеген, жауап берген де азамат болмады… Неге…
west_laura
ЖАҢАӨЗЕНді түгел картадан кетіруғо биліктің мақсаты...әйткенмен онысы бола қоймас. Бос далбаса биліктікі!!!
ruben
ЖАҢАӨЗЕНді түгел картадан кетіруғо биліктің мақсаты
Темір штор уақты өтіп кетті. Һәм газет жазармандары айтқандай ақымақ емес ел басқарып отырғандар. Тамыр басып көріп жатыр, просты. Қанша қасық қаны қалды екен деп…
west_laura
Тамырды да абайлап басу керек…
omarbirat
Абайлап басқан түрлері ғой. Осындай ұсыныс түсіп жатыр деп телевизордан көрсетіп жатыр.
time379
Ол идеяны шалдар емес биліктің істеп отырганы гой
time379
Жанөзен оқиғасын жою деп бағалаймын
UMYTYLGAN

қала атын емес ақсақалдар кеңесі құрамын өзгерту керек сияқты Жаңаөзенде!

Gastarbaiter
Екатерина Жайықты басып тастағанда да, атын Уральск деп қойып еді, Емельян Пугачевынсс, ескі амал ғо)