Орамал таққан қыздар қандай жақсы!

Жұрттың артын аңдыған бауырларға: он күнәнің тоғызы тілден дегенді естен шығармаңдар. Мен де ондай әңгімелерді көп естідім жұрттан, орамал таққандар зина жасайды екен, арақ ішеді екен, үйтті-бүйтті, сыйрақты үйітті деген, бірақ онымен өзім зина жасадым, я болмаса оның арақ ішкенін өз көзіммен көрдім не бірге іштік деген бір де бір адам табылмады. Сондағы айтарым, ағайын, біз әр ісімізге, соның ішінде айтқан сөзімізге де жауаптымыз, құлақпен естігенімізді айтқанымызға екі көз куәлік ете алмаса — ол жала жабу, ал жала жабуға қандай жауап беретіндеріңді Жаратушының өзі біледі. Бұл біріншіден.
Ал екіншіден, хиджаб деген қазақ ұлтына жат, бәлен-түген дегендерге мынаны «lifeglobe.net/entry/1689» оқуыңызды өтінемін. Бұл әуел бастан тек қазақтар емес, барлық ұлттың әйел заты шариғат бойынша киінгеніне дәлел.
Үшіншіден, мен пара сұраған оқытушыны да, пара сұраған дәрігерді де өз көзіммен көрдім, бірақ барлық мұғалімдер не барлық дәрігерлер өңшең парақор деген пікірден аулақпын.
Бір жолы купеде бір келіншек өз әңгімесін бастап кетті. Жасы 45-50 де болар, өзі колледжде сабақ береді екен. Шашы ер адамдыкіндей қиылған, бұтында шалбар. Сонан не керек, жас кезінде аборт жасатқанын айтты, оны ешкім білмейтіндігін, бірақ бір жолы оған балгер кездесіп, бар балаларынан бір баланы артық көріп отырғанын, өзінің сол сөзді естігенде шошып кеткенін айтты. Әңгімесінің сарыны орамал таққан қыздарға ауысты, содан өзінің оқушылары жайлы айтты. Олар үйтеді екен, бүйтеді екен деп. «Ал біз оқу орнында орамал тағуға рұқсат бермейміз, олар басқаларға қандай үлгі болады?»-деді бір кезде. Сонда шашы қырқылған, бұтына шалбар жабысқан, өз баласын өзі өлтірген мұғалім қандай үлгі болады? Және де өз сөзінде айтып қояды «Наши предки испокон веков так не одевались»-деп. Шынымды айтсам осындай оқыған адам өз елінің тарихынан да, кезінде қалай киінгенінен де хабары шамалы сияқты деп ойладым. Тіпті испокон веков деген сөздің мағынасын өзі түсіне ме екен.
Төртіншіден, олармен неке қидырып, тастап кетуге болады дегендерге: үйленген соң ең бірінші сол әйелдің өміріне күйеуі жауапты, ал себепсізден себепсіз талақ қылу — сіздің жауапкершілігіңіз жоқ екеніне дәлел, оған да жауап сұралатынын ұмытпаңыз, сондықтан бос далбасаны қойыңыз.
Әлемде өз тілін, дінін, отандастарын жатсынантын ұлттар арасында жарыс ұйымдастырса осы біздің қазекең алдына жан салмай, артына шаң жұқтырмайтын секілді меніңше.
voxpopuli.kz сайтында осы дін жолын ұстанғандар жайлы репортаж бар. Қарасаң қазекеңнің арасында тәңіршілі де, кришнаиді де, қысқасы бірнеше дін өкілдері бар, ал еврейлерді қарасаң еврей ме — ол иудей, және де балаларымыз да сол дінді қабылдайтынын, олар діннен безуге қарсы екенін де ескертіп қояды олар. Ары қарай тұжырым жасай беріңіз. Біздің қазақ неге мүсәпірдің күйін кешіп әркімге жем болып жүргенін.