Гомосексуализмнің алғы шарттарының бірі - өз тілін білмеу

Жақында Голландияның танымал білім журналы «Ветеншап ен Ондервийсте» Роттердам Университетінің профессоры Франк Ван дер Йонгпен гомосексуализм және оның себеп-салдарлары туралы сұхбат жарияланды. Біз бұл сұхбатты қысқаша жариялауды жөн көрдік. Профессордың айтуы бойынша қазіргі жастар арасында гомосексуализмнің жайылуының басты себептерінің бірі — өз тілдерін білмеулері.

— Франк аға, гомосексуализмнің елімізде және жалпы Еуропада үлкен індетке айналып бара жатқаны рас. Сіз «мұның бірден бір себебі — жастардың өз тілінде сөйлемеулерінде» дедіңіз жақында тіл жанашырларының Маастрихт қаласында өткен кезекті отырысында. Мұндай тұжырымға қалай келдіңіз?
— Мәселенің түп төркініне үңілетін болсақ бұл дерттің тек қазіргі қоғамда емес, атам заманғы Нидерланд Королі Вильгелм І-дің кезінен бастау алғанын көреміз. Сол кезден бастап біздің халқымыз өз тілін, дәстүрін, тарихын ұмыта бастады. Мен мұндай тұжырымға әлбетте бірнеше жылдық еңбегімнің арқасында келіп отырмын. Социолог, гейолог, тарихшы, лингвист әріптестерімнің де еңбектері бар әрине. Зерттеуіміз бойынша адам өз тілін ұмытқан сайын гомосексуализмге бейімделе бастайды екен.

— Қандай факторларға сүйенудесіз?
— Тіл адамға ана арқылы беріледі. Анасы қай тілде сөйлесе баланың тілі де сол тілде шығады. Бала әке және шеше тілдерінің түрлілігін байқайды да өз таңдауын жасайды. Әке жағына толық игнор қойылады. Міне осы жерде баланың миында қалыптасуы керек көп нәрсе қалыптаспай қалады. Бұл әрине туғаннан гомосексуалист болып кетеді деген сөз емес. Бұл кейін пайда болатын құбылыс. Өкініштісі мұндай типтердің жасырын гомосексуалист болулары. Олар да гетеросексуалистер сияқты отбасы құра алады, қарсы жыныспен қатынаста да болады. Бірақ, ең қорқыныштысы өзі сияқтыларды іздей бастайды және гомо тірліктерін өте жасырын түрде жүзеге асырады. Мұндайлар қазір арамызда өте көп.

— Гомосексуализмге елімізде рұқсат бар ғой, сіз айтып отырған типтер несімен қауіпті сонда?
— Жаңа айтып өткенімдей бұлардың ең жаман қасиеттері — жасырын гомосексуалист болулары. Әкеден келетін сигналдарға игнор қойылғандықтан бұлардың қоғамымызға қаупі және зияны өте үлкен. Атап айтар болсақ мұндай типтерде отансүйгіштік, намыс, дәстүр ұстану, еркіндік рухы сияқты сезімдер болмайды. Сатқындық, алаяқтық, тәкаппарлық, менмендік, келемеж, қорқақтық, еліктеу сияқты қасиеттер қатты дамиды.

— Бұл дерттен айыққысы келетіндер бар ма? Жалпы жасырын гомосексуалистер өздері туралы не дейді?
— Иә, бұл олқылықтарын түзеткісі келетіндер бар. Бірақ, байқауымызша бұлар тек психологиялық түрде өздерін қанағаттандыру үшін айтатын сияқты. Шын мәнісінде айыққысы келетін ешкімді көрген жоқпын өз тәжірибемде. «Отбасыдағы тәрбие осылай болды», «Айналам, ортам осындай», «Айықтырушы орталықтар жоқ» деген сарында сылтаулар айтады.

— Франк Рональдұлы, сіз әлемнің көптеген елінде болдыңыз. Бізден басқа қай елдерде мұндай жасырын гомосексуализм өрбіп келеді?
— Әрине ең алдымен көпұлтты елдер көш бастайды. АҚШ, Латын Америкасы, Австралия, Жаңа Зеландия сияқты елдер алдыңғы қатарларда. Байқасаңыз бұл елдер әр түрлі ұлттардың жиынтығынан құралған елдер және бірнеше жыл басқа елдің отаршылығында болған елдер. Батыс және Орталық Еуропа елдеріндегі даму коэффициенті сұмдық.

— Қай елдердегі бұл дертпен күресу модельдерін үлгі қылып алуымыз керек? Қай елдерде мұндай мәселе жоқ?
— Жапония, Сауд Арабиясы, Корея елдерінен үлгі алуымыз қажет. Білуімше әлемдегі бәсекелестікке қабілетті Орталық Азия елдерінде де рухы мықты, дәстүр ұстанғыш, ержүрек, азат халықтар тұрады. Міне осындай елдерде жасырын гомосексуалистер жоқ деген ойдамын.

— Франк аға, әңгімеңізге рахмет.
— Сау болыңыз.

Дайындаған Эльмира Альбертқызы
«Сыр ақшамы» газетінің Амстердамдағы меншікті тілшісі