Құлаққағыс

Биыл астаналық «Керекшілер» жақсы бір үрдісті қалыптастырды. Ол әрине «Домбыра тарту». Бұндай игі шаралар тамырымыздан ажырамауымыздың басты кепілі. Бұның барлығы жасандылықсыз, өз еріктерімен істеп жүрген іс екені белгілі. Ендігі айтарым…
Осындағы дәстүрлі өнерді дәріптеушілерге және халық әндерін нақышына келтіріп орындайтын кез-келген оқырманға құлаққағыс. Қазан айының 17-19 аралығында Қарағанды қаласында Қазақстанның халық артисі Жүсіпбек Елебеков атындағы республикалық конкурс өтеді. Қатысқысы келген жандар маған хабарласуына болады немесе мына мекен-жайға құжаттарын жібере алады.
100009 Қарағанды қаласы, Комиссаров көшесі, 45-ші үй, Қали Байжанов атындағы концерттік бірлестігі.
Телефондары: 41-10-88(қабылдау бөлімі), 42-08-58(Айсұлтан).
Ұсыныстарға төмендегідей құжаттар қоса беріледі:
— тууы туралы немесе жеке бас куәліктерінің көшірмесі;
— СТН (РНН) көшірмесі
— өмірбаяны, ұстазының аты жөні;
— музыкалық білімі туралы құжаттың көшірмесі;
— оқитын (оқушылар мен студенттер үшін), жұмыс істейтін жерінен анықтама;
— 13х18 көлеміндегі түрлі-түсті екі фотосурет;
— әр кезеңде орындалатын шығармалар тізімі.

Қарапайым тілмен түсіндіре кетейін. Конкурс екі кезеңнен тұрады. Әр кезеңде 3 әннен орындалады. Екі ән өз таңдауың бойынша бір ән төменде көрсетілген әндердің арасынан болуы шарт.
Ұйымдастыру комитеті үміткерлердің әр кезеңінде бір әнді міндетті түрде орындайтын шығармалар тізімін ұсынады:
Сейтжан сал — «Қанатталды», Біржан сал — «Айтбай», «Жонып алды», Ақан серінің әндері, Мәди — «Қарқаралы» «Қаракесек», «Шіркін-ай», «Үшқара», Жаяу Мұса — «Көгершін», Мұхит — «Зәуреш», Кенен — «Қайран жастық», Қалқа-«Сарыжазық», Берікбол — «Ағаш аяқ», Сегіз сері — «Ақбақай», «Гауһартас», «Сұржекей», Абайдың әндері — «Сегіз аяқ», «Бойы бұлғақ»,«Татьянаның әні»,«Қараңғы түнде тау қалғып», Үкілі Ыбырай — «Аңшының әні», Жарылғапбердінің әндері — «Ардақ», «Ғайни», Балуан Шолақ — «Ғалия» 1-2 түрі, Шашубайдың әні — «Аққайын», Ғазиздің әні, Салғараның әні — «Жиырма бес», Естайдың әндері — «Қорлан», «Жай қоңыр», «Бір мысқал», У.Шондыбайұлының әні — «Бозқараған», М.Бүркітбайұлының әні — «Бүркітбай», Халық әні — «Екі жирен», Әсет Найманбайұлы — «Інжу-Маржан», Қалқа Жапсарбайұлы -«Саржазық», Берікбол сал Көпенұлының әні — «Ағаш аяқ», Басықараұлының әні -«Канафия».

Мен Батыс мектебінен едім, немесе Сыр мектебінің түлегімін деп жүрексінбеңіздер. Арқаға келіп Арқа әнін (көрсетілген әндерді) өз мектептеріңіздің мақамымен айта бересіздер.