Paltasheff-Party. Шарап дегустациясы

Бұлғариядағы іссапарымыздың 4-күні Поморие елді мекенінде орналасқан «Черноморское злато» арақ-шарап зауытына экскурсияға барған болатынбыз.
Алдымен қолымызға ұйымдастырушылар ұсынған бір-бір бокал шарабымызды ұстап, шарап жасалатын және сақталатын ғимараттар мен бөшкелерді тамашаладық.


Мына бөшкелер тек қана Болгарияда өсетін еменнен жасалған уникалды бөшкелер. Үстіңгі нөмірі инвентарь, ал астыңғысы – сыйымдылығы. Мұндай бөшкеден 10 мың бөтелке шарап шығады. «Өзің көтеріп кетсең, тегін сыйлаймыз» деп қалжыңдайды қызметкерлері.

Содан соң, сұлу келіншек бізді әдемі мейрамханаға шарап дегустациясына бастап әкелді.
Әрқайсымыздың алдымыздағы бос 4 бокал қара теңіздің таңдаулы ақ-қызыл шараптарымен толтырылды: Шардоне, Мускат, Мерло және Каберне Сувиньон.

Келіншек шарап дегустациясының қадамдарын айтып өтті:
1. Бокалдағы шарап ернеуіндегі доға түсіне назар аудару. Мәселен, Шардоне шарабының жиегіндегі доғасы алтын жасыл түсті болады екен. Анықтап көру үшін ақ салфеткаға тақап қарау керек.
2. Бокалды баппен шайқап, шараптың исін байқау. Тағы да Шардоне шарабының исі турады айтсам, алма мен алмұрт хош исі мұрныңызды қытықтайды.
3. Үшінші қадам – асықпай дәмін көру. Бұл жерде енді Мускат шарабының дәмі есімде қалыпты, сарайыңды ашатын, балғын шампанды еске түсірді.
Менің келтірген мысалдарым – алғашқы ішкен 2 шарап. Қалған екеуі есімде қалмапты, айып етпессіздер. Әйтеуір, олар да ұнағанын білем
Кейін бәрімізді шарапқа әбден тойдырғасын, зауыт бағасымен сатылатын шарап дүкендеріне алып барды. Өмірге риза жамағат 6 бөтелкеге дейін алып жатты. Бағасы шынымен-ақ арзан, 800-1200 теңгеден.

***
Болгар шарабының бізге бөтелкемен келмеуі себебі, Кедендік Одаққа байланысты, салынатын салығы үлкен екен. Сондықтан Ресейге, бізге цистернамен әкеледі екен, сәйкесінше сапасы нашарлау болады. Өткенде супермаркеттен Шардоне көргем, өндіру орны Алматы деп тұр. Сол цистернамен келген болгар шарабы ма екен, әлде біздің подделкалар ма?