Өлең жаздым, мінекей!

Өмір!
Өмір…
Өрекпідік өктем біз,
Кеуде қақтық…
Бірақ, көппен теп-теңбіз!
… Жеріткен соң Жердегі өткен Көктем, Күз,
Аспан аңсап, Аспан аңсап жеткенбіз!

Аңсатқан-ды, көп аңсатқан Аспан жақ,
Айып па екен, Көкке қарап тамсансақ,
… Ұшып келдік, қанат жалғап талантқа,
Елер ме екен «біз келдік» деп жар салсақ.

Елемейді!
Бола алмасақ ірі, нық!
Еңбек керек!
Керек сірі тірілік!
Көп жұлдыздың бірі болып…
Ірі боп!
Қалу мұрат сол Аспанға ілініп!

Әйдік Аспан адасу да қас-қағым,
Тым қауіпті жолын кесу басқаның,
Күн көрудің өзі мұң боп кетеді,
Аспанның да бұлт бүркейді аспанын.

… Қол созымда тұрған Күнді сағындым,
Күнсіз күмән баяндысы бағымның
Сол Нұрлы Күн қуат берген бойыма,
Сол қуаттан келмейді енді арылғым…

Өмір!
Өмір!
Өтіп жатқан Көктем, Күз…
Біз осылай Аспан жаққа жеткенбіз…
… Аспан жайлап, Күнді көрші еткенбіз,
Ал, былайша, барлығымыз…
Теп-теңбіз!

Азамат Азаматұлы
Астана
28.07.2012
Сәрі, 4*44
Бөлісу:

11 пікір

aza
Бір ай бұрын жазыппын… Әңгімеге тұздық болсын, проза прозаның арасында.
dark_nazgul
салмақты.
Aldeken
Жалпы, автор да жеңіл адамдар санатынан емес екендігін ескертіп қоюды жөн көрдім…
Gastarbaiter
Домбыраға салып айтсаң қатар еді
Abilakim
мына өлеңнің ішіне геометриялық теңеулер керек екен))))
Өлеңдік құрылымы ауысып отырады екен шумақ сайын. Екінші шумақ әлсіз, тіпті, меніңше сәтсіздеу.ал, ой мықты
Aldeken
бір қарағаннан пікірлерге қарасам, менің қылжағымды алып тастаса, өлеңді әдеби кеңестің талқысына салғандай екен…
Armanjan
Аңсатқан-ды, көп аңсатқан Аспан жақ,
Айып па екен, Көкке қарап тамсансақ,
— Әйгілі қолбасшы Шыңғысхан Отырарды ойрандаудың алдында осылай бірнеше күн нәр татпай аспанға қарап, қаққан қазықтай тұрғанын тарихшылар жазып еді.
Abilakim
видеосына сілтеме бер,әйтпесе сенбеймін
Armanjan
… Ұшып келдік, қанат жалғап талантқа,
Елер ме екен «біз келдік» деп жар салсақ.
елу нешінші жылдары Павлодар өңіріне «тың игеру» сылтауымен Сібір жақтан түрмеден шыққан бір топ мұжықты сау еткізіпті. Сонда олар бұрын соңды көрмеген жерге келіп тұрып жоғарыдағы ойды айтқан екен. Облыстық мұрағаттан алып, облыстық газетке берген Ламбриан Ламбрианұлы (Марконың қазіргі әріптесі)
aza
Алдекең жоғарыда жақсы айтқан екен… Бала-шаға емес, сындарлы адамдар пікір жазыпты. Әсіресе, Арманжанның жазғандары ерекше. Өлеңнің екінші қырын ашыпты, екінші өмір сыйлапты. Біреулер болашақ үшін өлең жазады екен ғой, ал менің «шатпағымнан» Арекең өткен шақ тауыпты. Әдеби сын тарихында кездеспеген, ендә қайталануы қиын пікір деп ойлаймын. Рыспек, Құрмет!