Қабырға газетіне сұхбат бермеймін!

Қарағандылық ғалым Жансая Жарылғапов жүрген жерін-қыран топан қып жүреді. Жансаяның Жезқазған университетіне бірінші курсқа оқуға түскен кезі, жанып тұр. Көзінің оты бар баланы алғаш байқаған ақын Қуаныш Мақсұтов екен. Ел мен жердің жоғын жоқтайтын газет ашайық, сен мақалалар жаз дейді. Жәкең көне кетеді. Облыс әкімінің орынбасарынан сұхбат алып кел деп тапсырма береді сары тентек ақын. Ол кезде Жезқазған облысы әкімінің орынбасары Әлихан Бәйменов дейді деушілер. Жансая маңғазданып облыс әкімінің орынбасарының қабылдауына барады. Мен газеттен келдім, әкімге жолығуым керек дейді. Журналист келіп тұр дегенде, жаны қалмаған шенеуік төрге шақырып, келіңіз, қай газеттен боласыз деп бәйек болады. “Мен “Жаршы” газетіненмін”,-дейді саспаған Жәкең. Облыста шығатын бар газеттен хабары бар әкім, «Ондай газетті есіме түсіре алмай тұрғаным. Қай жерде шығушы еді”,-деп сұрайды. “Бұл біздің университеттің қабырға газеті ғой”,-деп Жәкең қарап отыр дейді. Естуімше сол сұхбат сәтсіз аяқталыпты.