Ұлы музыкалық шығармалар. Нұрғиса Тілендиев амиго. "Махамбет"

Қарға адым жерге өлген жерім осы деп шығатын беймаза уақыттар… Жердің апшысын қуырып шабу… Ат үстінде ұйықтау… Ұйқысыздық… Әр қырдың артынан бір жау елестейтін шизофрения… Аттың жалын құшып құлау… Досты майдан даласында құдайға тапсырып қашу… Алатын кектердің санынан жаңылысу… Жаурау. Тіпті үсіп кету… Жауға тұтқиылдан тап беру, бір сәт жеңістен мейлінше ләзат алып қалуға тырысу, бірақ қанша шаттансаң да бір көзіңмен айналаға ұрлана қарап отыру… Күдікшілдік… Бала-шағаны ойлау, бірақ өзіңді тұрмыс қамынан биік ұстау үшін ешкімге көрсетпей қамшымен тартып жіберу… Құрдымға кеткеніңді түсінген сайын тістену, ышқыну…

www.box.com/s/a927e0845854145a2aee

Өз тасым осы шығарманы күніне екі реттен артық тыңдай алмайм, қиын, ауыр… Әлбетте, Вагнердің "Құдайлар төбелесінің" үстінен қақырып кетпесе, төбесінен қарайтын әлем музыка өнерінің жақұттарының бірі.
Бөлісу:
, , ,

31 пікір

dark_nazgul
Жақсы көрем, «Махамбет» композициясын.
Білмейм, әлде көп рет залда отырып, оркестрдің орындауында тыңдағандықтан ба екен…
Әр концертте отырған сайын, «Махамбетті», «Көңілді арбакеш» пен «Кішкентай балапандарды» асыға күтетінмін.
dark_nazgul
«Махамбет» жанры бойынша поэма аталады, енді есіме түсті ғой.
Marco
Жарықтық, профессионал болған адам ғой!
asaubota
Жарықтық, профессионал болған адам ғой!

Р.Ғайсин тұр «мен де» деп

А.Дүйсенов те қол бұлғайды мені де ұмытпаңдар деп
dark_nazgul
Бір рет, кезекті концертте, әдеттегідей, алдыңғы қатарда отырмын. Фиоармониядағы оркестрдің концерттері камералық сипатта, шағын, «без понтов», ресмиліктен ада өтетін. Сондай бір концертте, арт жақтан бір жапырақ қағаз жетті маған, Тілендиевке берші деп. 8 жасар баламын ғой, этикет-метикетіңді ұрмаймын, шығарма ойналып жатқан жерінен, қолын сермеп тұрған дирижердің қасына барып, жеңінен тартып, қағазды бере салмаймын ба. Ештеңе деген жоқ. Шығарма ойналып болған соң ана қағазды оқыды. "Өзбек биін билей аласыз ба?" деп жазылған екен. Күлді де қойды.
Marco
Өш, өзбек биі несі??? Сен әуелі оқыдың ба қағазды???)))
dark_nazgul
Мен оқыған жоқпын. Тілендиев өзі оқыды. Оған біреу сөйтіп жазып жіберіпті.
satibaldi
«Орбитадағы» Муса Челкачтан вокзалға пакет апарып тастамас па екенсіз?
dark_nazgul
22 жыл бұрынғы елгезек бала емес екенімді айтып қояйын.
Пікір өшірілді
satibaldi
22 жыл бұрын Елгезек те елгезектігімен көзге түсе қоймаған шығар.
Marco
Бір әңгіме естігем… Нұрғиса Тілендиев оркестірімен оңтүстіктегі аудандардың біріне концерт қоюға барады. Концерт өтеді, жотаның етегіне өнерпаздарға арналған дастархан жайылады. Әлгі ауылдың, әлде ауданның бірінші хатшысы Нұрағаны ертіп қырдың басына шығады. Сосын әңгіме бастайды ғой, Нұреке, мынау етекте жүрген халық кім, биіктегі сіз бен біз кім, деген күпір әңгімені. Сонда Нұрғиса әлгіне желкеден бір ұрып, төменге домалатып жіберіпті.
Өтірік расын білмедім.
satibaldi
Мінезі шамалы деп естідім мен де. Дайындықсыз келген адамның домбырасын морт сындырып, өзін ептібайымайдтап, жоқ қылып жіберетін көрінеді.
dark_nazgul
иә. Репетициялар сұмдық өтетін.
dark_nazgul
Рас болса рас шығар. Бірақ, ұлы кісілердің де күпірлікке бой алдыратыны болады…
AL-ASTER
Күйлерді нотаға түсірген адам ба еді, Н. Тілендиев?
dark_nazgul
оны да істеген.
Zhan
Бір күйші кісіден сұхбат алған болатынмын. Сол кісі «Нота күй өнерін шектеген таңба» деп елең етерлік пікір айтқан болатын. Сосын қарап тұрмай неге деп сұрамаймын ба, күй өнері де айтыс сияқты суырып салма өнеріне жатады. Ал нота осы күй өнеріндегі суырып салмалықты шектеді деді. Өзім күй тарта алмайтындықтан ештеңе деген жоқпын.
dark_nazgul
Жалпы, бізде нағыз күйшілер аз ғой. Домбырашылар көп, күйші аз.
Zhan
Домбырашылар көп, күйші аз.
Аха, ол кісіден осыны да сұрадым ғой, неге күйші жоқ деп. Сол кезде себебі осында жатыр, нота күй өнерін шектеп қойған деді. Өзінің біршама күйлері бар екен. Ол «күй шығару өнері тоқтап қалды. Тек бертін Секен Тұрысбековтің ғана бір-екі күйі шықты» деп айтты.
dark_nazgul
Оның себебі музыкалық білімде деп ойлаймын. Он бес жыл музыкалық білім алып, ол аралықта арғы бергі бүкіл музыкалық шығармалармен таныс бола тұрып, тың дүние, нағыз күй тудыру қиын.
Бертін кездері Қаршыға Ахмедияров марқұм күй шығарып жүрді. Бірақ, тыңдап отырсаң, дежавю сезімі кетпейді, бір жерден естіген сияқты боласың да тұрасың.
Zhan
Оның себебі музыкалық білімде деп ойлаймын.
Ол кісі Алматыдағы Құрманғазы атындағы консерваторияда қайбір жылдары домбырашыларға күй шығару пәні енгізілді, сол кезде біраз жас күйшілер әжептәуір күй шығарды, бірақ кейіннен сол пәнді алып тастады деді ме, чето есімде анық қалмапты. Әлгі сұхбатымды архивімді ақтарып көрейнші не дегенін.
dark_nazgul
Филфакта "әдеби шығармашылық" деген курс енгізіп, әңгіме жазуды үйреткен сияқты болған ғой.
dark_nazgul
Кім ол өзі?
dark_nazgul
Бір күні Шығыс күйшілік мектебінен екі-үш күй саламын. «Маймақ аю», «Бұлғын-сусар», «Аңшының зары» деген. Керемет күйлер. Уәли Бекенов тартатын, сосын менің атам тартатын. Қазір оларды ешкім ойнамайды да.
dark_nazgul
Әлі есімде, «Көш керуен» ойналғанда, бұрын болушы еді ғой, балалар су құйып, түтікшесіне ысқыратын пластмасс құс ойыншықтар? Күзенбай ағай соған су құйып, «Көш керуендегі» құстардың сайрауын сонымен шығаратын.
kokbori
Біздің академияда осы кісінің «Аққу»күйі қоңырау орнына ойнайды. Сол күй туралы мәлімет іздеп жүргенде, «Аққу» күйі Н. Тілендиевтікі емес, қытай қазақтарының күйі деген дерекке кезіктім. Нұрағаңның өзі де осы тектес пікір айтып кетіпті.Рас па екен?
Marco
Мынаны естімедім, бірақ «Аққу» да «жынды» күйлердің бірі
a63a1
Күлдір-күлдір кісінетіп,
Күренді мінер ме екеміз?!
Күдеріден бау тағып,
Ақ кіреуке киер ме екеміз?!
Жағасы алтын, жеңі жез,
Шығыршығы торғай көз
Сауыт киер ме екеміз?!
Rasima
70-жылдары Шығыс Қазақстанның Үлан ауданында АсуБулақ деген поселкеге Ңұрекең Отырар ансамбілімен барған.Ол жерде 60 пайызы орыстар, ал жақын ауылдағылар естіп, Мәдениет үйі лық толады.Бір кезде сахнаға кішкентай бала келіп Нүрекеңе гүл ұсынады, сол кезде риза болған ол ана баланың шалбарын шешіп жіберіп пұшантайын сүйіп алыпты! Зал қыран күлкі болыпты, шын болған оқиға.Қазақтың маңдайына біткен ұлы музыканттардың бірі еді гой, марқұм!
Abilakim
көнеден қалған сарқытар аз да болса бар ел ішінде. Жаңаарқа жақта Фазыл Тұтқабеков және Мейрам Ұлмағамбетов деген кісілер бар.Екеуі де күйді нотасыз әкелерінен үйренгендер, екеуінің де өз күйлері бар. Фазыл деген кісі республикалық күй концерттеріне шығып жүр, Мейрам деген кісінің отбасылық жағдайлары дұрыс болмай кетті де өз күйін күйттеуі қиынға айналды.
Фазкең қыста Қарағандыда күй кешін де өткізді. Бұл кісі «Серпер» тобының белді әншісі болған марқұм Биғазы Тұтқабековтың әкесі.
Мұхамеджан Тілеуханов деген күйшіні де атап өтуім керек тәрізді. Бекболаттың ағасы. Еліміздің әр аймағында бұндай кісілер бар ғой, тек ешкім назар аудара қоймайды қазір