Көзге тышатын шыбын

Бізден екі жас үлкендігі бар ауылдасым бала кезінде «көзің неге қисық?»деп сұрағанымызда «көзіме шыбын тышып кеткенде насыбайды көп тамызтып жіберген» деп түсіндіретін. Рас-өтірігін кім білсін.Бірақ әлгінің марқұм әкесінің екі көзі екі жаққа қарап тұратын.
Әйтеуір біздің Жаңаарқа көлемінде «Көзіме шыбын тышып кетті» десе ешкім таңқала қоймайды. Кәдімгі етке тышып кеткен тәрізді көзіңізге құртын шашып кете салады кей шыбындар. Кәдімгі қара шыбын бұлай істей алады ма біле алмадым. Әйтеуір, бала кезімде көрген «көзгетышар» деп аталатын шыбынның жіңішке ақ жолақтары болатын. Зебранікіндей. «15 жасар каптиандағы» Бенедик ағай ажыратып бермесе нақты атын біле қоймаймын негізі.
Ат үстінде келе жатып көзіне құрт түсіріп алған кейбіреулердің көзіндегі құрттар 2-3 сағаттан соң тіріліп, жыбырлап кәдімгідей әуреге салады екен. сол үшінде мүмкіндігіңіз болса бұның алдын алған жөн. Біздің өңірде бұндай сәттерде дәкеге бір шөкім насыбай салып, оны сулап шыбын үлкен дәретке отырып кеткен көзге тамызтады. Шамалы уақыттан соң өлген құртарды жұмсақ матамен көзіңізді сүрту арқылы алып тастауға болады. Көздің жиегіне ашылып-жұмылған кезде шығып қалып жатады кейбір кездерде. Енді бір жақтарда көзге жүзім сөлін де тамызтады деп естідім.

Суретке сілтеме
Бөлісу:

21 пікір

Abilakim
Көзбен насыбай атып көргендерің бар ма?
askerbek
Бізде жақта ешкім насыбай атпайды.Темекінің сөлін тамызады,құрттар на место кетеді.
a63a1
ия, кеш құрым мал қайырып шапқылап келе жатқанда, шыбын подрезайттап көзге көтенін сүйкеп кеткен. Үйге жеткенше кө ашалмай үйге келіп насыбайды мәрліге орап суға малып ойбайлатқан
Abilakim
былай қарасаң, кірпіктер біраз нәрсені қағып қалады. Осы шыбынның көтіне тосқауыл бола алмауына таң қаламын
a63a1
бұл шыбындарың өзі былай жылқының маңында көп боладыма қалай, көбіне бие көлеңкеден көретінмін бие сауысып жатқанда
Abilakim
бөгелек емес пе айтып отырғаның?
a63a1
жоғи, бөгеек емес, кішкентай ала шыбын 1 орында қалықтап тұратын
Aya
менде ондай жағдай болмапты
Abilakim
болмай-ақ қойсын, көзіңіз қисайып кетеді))
aza
Менің көзім екі рет «унитаз» болған паразиттерге) Тым кішкентай кезім еді… 5 оқитын болармын… Жақсы сезім емес. Әсіресе, көзге темекінің суын тамызу… Жауыңа тілемейтін сезім сондай, жиіркенішті…
Janasil
Біз жақта да болып тұрады. Бірде қасымдағы жігітттің көзіне шыбын тышып кетіп, оны жетектеп ауылдағы ауруханаға апарсам дәрігеріміз дәрі жоқ апарып насыбай түкіртіңдер дегені бар. Содан көшеде біреуге түкірттік. Одан болмағасын бір апаға апарып тіл салдырдық.

Мотоциклмен келе жатқан екі адамның көзіне бірдей ұрығын шашып кеткен кездері де болған.
Gastarbaiter
ауруханаға апарсам дәрігеріміз дәрі жоқ апарып насыбай түкіртіңдер дегені
Осындай дәрігерлерді табанда атып тастау керек. Немесе тізерлетіп тұрып желкеден бір удар, кувалдамен.
Немес түнде бір бұрыштан қарауылдап алып…
Adiletshu
Сонда шыбын көзге жұмыртқалап кете ма
Abilakim
дәл солай,ұрығын шашып кетеді.
monti
капец, наны бірінші рет естіп тұрім көзге зиян шығар анау насыбайда мындай шыбын түрі көп пе сонда сендерде? 
қалай сақтанасыңдар? баскиім, көз әйнек тастамау керек ғой онда
Abilakim
қазір білмеймін бар шығар.сонау 90-шы жылдардың ортасында ауылдық жерде балаға әшки алып беру деген «тасынғандық» болар ма еді? ересектердің өзі көп таға бермейтін.
Korkem
Осындайларды оқығанда осы қазір келіп нетіп кетердей өмірден баз кешіп кетемін дачы))
Gastarbaiter
Шешес, көздің кез-келген травмасы «рахат» ғой негізі.

Сваркадан «зайчик» ұстағандағы «кайфты» кім сезді?? Күнге көзіңді ашып қараған сияқты. Бірақ содан мың есе күшті кайф.
Новокаин тамызып бір ұйқтасаң қояды бірақ.

Кешегі күні көзімнің бір қабаты сыдырылғанда да маңырадым ғой кәдімгідей. Окулист лидокаинмен бес минутқа ғана басты ауырсынуын. Сосын қайтадан, солқ-солқ… нақ… көзіңе біреу ине тыққандай солқ-солқ нақ. Ашасың— тозақ. Жұмасың — тозақ. Кетоналды жұтып-жұтып, Тетрациклин жағып әзер ұйқтадым. Бір ұйқтап тұрғанда қойды бірақ.
Abilakim
«зайчик» деген пәле жаман екен. Сваркі жасап жатқан үлкендердің "Қарама" дегенін тыңдамай қарайсың ғой әлгіге. Кешке жатқаның көзіңді ұстап
zholantai
тоқтамай жылау керек, шығады
Zhan
Көзімді бір-екі рет бала күнімде оңдырмай ара шағып кетіп, көкпеңбек болып ісіп кеткен. Көзім жұмылып, түрім адам қарағысыз болып кететін. Адамдарға қарай алмай ұялып жүретінмін сыртқа шыққан кезде. Ал шыбынның тышып кететінін бірінші рет естіп тұрмын.