Студенттік өмір қызықтары

Сәлем бердім, уа «Керекинфо» жамағаты. Жайдары жаз келді, көңіл-күй керемет! Салғырттықтан гөрі, белсенділік басым.  Сабақ аяқталды, сессия ақырындап жүріп жатыр. Одан қалды 5 апталық практика бар. Содан кейін нағыз жазғы демалыс басталады. Сабақ, сессия демекші, студенттік өмірдің қызығы біткен бе?!

Жақында ғана курстық жұмыстарымды аяқтап, арқамнан үлкен жүк түскендей болды. Бұрынырақ Әбіләкім ағамыз өз пікірінде сызбаларым жайлы сұраған болатын. Бүгін сол сызбаларымның реті келіп тұр екен. Алдымен, мектеп қабырғасында жүріп, «Сызу» пәнінен салған суреттерім:

Енді, студент болғандағы сызуларым, суреттер сөйлесін…
1. Бұл 1-курстағы ең алғашқы курстық жұмысым. Сәулет-1 пәнінен тұрғын үйді жобалау тапсырмасы берілген болатын. Мынау маған берілген тапсырма, ғаламтордан суреттерді қарап отырып тауып алдым. Бізге дәл осылай журналдан суретті және тұрғын үйдің ұзындығы, ені, биіктігі ғана берілді. Қалғанын өз еңбегіңмен…

2. Кесінді.

3. Шатыр.

4. Іргетас.

5. Жабын.

6. Қасбет.

Әрине, ішінде қателер көп, бұл өзімде қалған нұсқасы болатын. Енді, 2-курсқа аяқ басып, «AutoCAD» бағдарламасымен танысып, үйрене бастадық. «Сәулет-2» пәнінен енді күрделірек, яғни өнеркәсіптік ғимаратты жобалау болатын. Маған Ақтау қаласында орналасқан механикалық цех берілген болатын. Суреттер…







Мұнда қате бар, Автокадпен сызылған соң қателерді жөндеп беруге оңай. Мен үшін ең қиын курстық жұмыс, ол — «AutoCAD және CREDO негіздері» пәнінен берілген тапсырма. Ееең қиын, ағай да қатені тез табады, әр милиметріне дейін білетін болған соң, қатеңді бірден айтады. Осы курстық жұмысымды кешкі сағат 21:00-ге дейін жүріп ақыры тапсырып, 100 балл алдым ғой, шүкір.  Келесі суретті автокад бағдарламасынан сақтап алдым, сурет қылып сақтауды үйрене алмадым. Бұл сызбаны сызғышпен өлшеп сыздық, өлшемі дәл келмесе қайтадан сыздыртатын еді. Сонымен қатар бес бөлшегін үш көрініспен сызып шығу тағы бар болатын. Менің тапсырмам Боголюбов С. К. №20 вариант, үлкен сызу кітабынан алынды.

Тағы 2 курстық жұмысымды аяқтап, қазір сессия тапсырудамыз. Одан кейін 5 апталық практика бар, иншАллаһ жақсы тапсырайын.  Бұл жұмыстарым арқылы болашақ мамандарға, одан қалды мектеп түлектеріне мамандық таңдауда бір пайдасы тиер. Инженер-құрылысшы мамандығы қазір өте қажет, әрине қиын, бірақ өте қызық һәм керекті саланың бірі.
Ааа, ұмытып барамын, өткенде тобымның жігіттері 33 сөзден тұратын сөзжұмбақ дайындап, таң қалдырған болатын. Қандай сөз екендігін біліп отырған боларсыздар?!  Ошм, сол "Құқық негіздері" сабағы бір ерекше өтті, сөзжұмбақтың ұзын болғандығы соншалық, тақтадан да асып түсті.

Солааай, тағы қызықтар көөөп қой, амандық болсын бастысы, әлі бөлісе жатармын сіздермен. Мамандық жайлы айтар ақыл-кеңес, нұсқаулар болса риза боламын. Қазір емтиханға асығып барамын, амандықта болайық!   

Пы.Сы. Кей суреттер бұрынырақ түсірілген, сапасыздығы үшін кешірім сұрайм!