Ұлы Отан Соғысы ардагерлерін еске ала отырайық

9 мамыр 2012, 11:30

Көпшілігіміздің аталары соғысқа қатысты. Сол кісілерді еске ала отырайық.

Менің атам — Ораз Тәжбағамбетов (1926 — 1985)
Ұлы Отан Соғысы ардагері, 1944 жылы майданға аттанып, Румынияны азат етуге қатысқан, Жеңіс күнін Берлинде қарсы алған. Ағасы Иманғали екеуі соғыстан аман оралған, ал әкелері Тәжмағамбет соғыста қаза болған.

www.obd-memorial.ru/ — осы сайт арқылы соғыста қаза болған аталарыңыз туралы деректерді таба аласыз. Арғы атам Әйекенов Тәжмағамбет туралы енді ғана таптым. Қткен жылы таба алмаған едім, аты-жөні дұрыс жазылмаған екен құжатында. Түрлі варианттармен көріп, енді ғана таптым:

Аекинов Ташмагамбет деп жазылған екен, 2 воздушно-десант. Гв. дивизиясында болған. 1900 жылы туғанын да енді біліп отырмын, қайтқан уақыты 29/06/1944

Сіздер де іздеп көріңіздер.

Ұлы Отан Соғысы, ардагер, ардагерлер

12 пікір

Марқұм болып кеткен атамыздың басына топырақ салу да бұйырмапты

Жасыру

өкінішті

Мереке құтты болсын! Мен де осы сайт арқылы былтыр мамамнын нағашысын тауып бергенмін. Өкінішке орай пропал без вести деп тұр ((. Ал өзімнің атам Мұстахим деген кісі соғысқа 1941 жылы барып 1950 жылы оралған. Атақты Бауыржан атамызбен бірге соғысқан.

тұтқында болған ба?

Жок, тұтқында болмаған, Жапондармен соғысқан сосын резервте служить еткен қателеспесем

Хрущев АҚШ-та Эйзенхауермен кездескенде 20 млн адам опат болды деді. Кейінірек ғалымдар бұл соғыста 28 млн адам жоғалттық деп айтып отырды. Ал 1991 жылы Кеңес өкіметі құлардың алдында Қорғаныс министрлігінің жариялаған дерегінде 30 миллиондай адам қаза тапты делінген. Шетелдік М.Хайнес деген ғалымның айтуынша, Кеңес өкіметі 42 млн адамынан айырылды.дереккөз Бізде не көп, мейрам көп. Бірақ солардың ішінде көзге жас алмай, шүкіршілік етпей қарсы алу мүмкін емес мерекелердің бірі — осы Жеңіс күні деп ойлаймын… «Мылтықсыз майданда» да жеңіс тілеймін!

«Боздақтар» деген кітаптан та қарауға болады, әр облыс бойынша жинақталып шығарылған кітап болуы керек. Бірақ, қателіктер болуы мүмкін. Мысалы, менің атам жайындағы дерекке сүйенсек, 1943 жылы қайтыс болған. Шын мәнісінде бұлай емес, елге оралған, одан соң бейбіт өмірдің қызығын біраз көрген кісі.

Ұмытпасам, Зерде деген де кітапша бар-тұғын.