"КерекИнфо" жігіттері осындай

Бала кезден өскен болып ерек тым,
asaubota , жүрегісіз «Керектің».
Жапырағы біздер болсақ жайқалған,
Нәр алатын сіз тамыры теректің.

Кейде ақылы, кейде ашуы жеңеді,
Орындалад(ы) әркез оның дегені.
satibaldi аға айтқан әрбір сөз,
Қолдау көріп, плюстала береді.  мына смайликтегі жүректерді + деп елестетіңіздер )))

Қызық оның жазбалары, пікірі,
Ерекше оның және болмыс бітімі.
Көзден таса қалмайды Асқар ағаның,
Әрбір сөзі, тіпті нүкте, үтірі. (Асқар аға Gastarbaiter , біреу білер, біреу білмес)

Жөнсіз сөз жоқ, орынсыз ол күлмейді,
Сайттардың түр түрінде жүр дейді.
meirzhan ның атын естігенменен,
Өмірде кім? Ешкім оны білмейді.

Ол ғашық болса аялай біледі,
Жасандылық жоқ, шынайы күледі.
Аватарында маймыл тұрғанмен,
a63a1 аға адамша өмір сүреді. ))))))))))))

Ойламаңыз айтқанымды бекер деп,
Ренжиміз ғой «Жөнсіз жазба бекер!» деп.
kokbori нің шәкірттері бүгінде,
Жүр екен ғой үнсіз, банды мекендеп.

Көңіліне түсірмейтін қаяу мұң,
Күлкі оның жан серігі аяулы.
Жарқын жүзді Жалғасты бірі деймін.
Көзі ашық, көкірегі ояудың.

Керек кезде пікір жазып қолдайын,
Керек болса артық кетіп, қорғайтын,
Armanjan дай тағы да бір ағама,
Шын жүректен үлкен сәлем жолдаймын!

Кірлетпей көңілдің бұлағын,
Жеңген ол өмірдің сынағын.
nurbergen_makym дай ағаны,
Өзіме мен үлгі қыламын.

Қай жерде де аман есен болыңыз,
Биік ұшып, шың басына қоныңыз.
qisyq деген жүрсеңіз де нигпенен,
Түзу болсын өмірдегі жолыңыз.

Кино атаулы көзден таса қалмайды,
Әр фильмге жеке жазба арнайды.
patick аға, өміріңіз кинодай,
Қызық болса, ке тыныштық орнайды.

«Керекте» ол көптен бері жүр еді,
Сөзі сырлы, даладай кең жүрегі.
Aldeken дей аға және мен дағы,
Алматыдағы бір мектептің түлегі.

Пікірлерін оқып шықтым басында,
Танысым да, емес менің досым да,
Дегенменен neoman дей ағадан,
Жақсы жақсы жазба күтем расында.

Суреттері адамға ой салады,
Дарыны бар, таудай оның талабы.
Arhun аға, емдеңіз суреттерменен,
Жанға түскен түрлі-түрлі жараны.

«Ұрлық түбір қорлық» оны біледі,
Журналисттің мінін жазып жүреді.
Мақала көрсе көшірілген, Zako аға,
Ашуланып, ызалана күледі.  

Бітпейді оның «неге?» деген сұрағы,
Білмеймін тек шынайы, әлде сынағы?
Marationok ағаға «Сұрақ қоя
бермеңізші» дегім келіп тұрады.

Өтірікті шындай қылып айтады,
Білмеймін ғой түртеді қай шайтаны.
Rafaello жазбаларын оқысам,
Күліп алам, көңілім бір жай тауып.

«КерекИнфо» жігіттері осындай,
Ағаң, інің, сыр бөлісер досыңдай.
Білмейтіндер біліп жүрсін, жасқанбай,
Қатарына кел де қосыл тосылмай! )))