Қадірлі керектіктер, ренжімеңдер))!!


Не ғой, біздің арна да баяғы, 2-мамырдан Фатмагүлдің екінші маусымын бастайды… соны айтайын дегем ғой   жәй, сендер біле жүрсін деп, айтпақшы, ол сериалды Аршат пен Нұрғиса осында салып жүруші еді… не болып кетті өзі, түрлі түрік сериалдарын көремін деп, кей-кейде дубляж бөліміне көмектесетінді шығардым)).

Тағы бір қызығы 1 мамыр күні де сағат 20:00-де 31-ді қоссаңыздар, сол сериалдың үстінен шығасыздар, типа предпоказ, естеріңізге саламыз, осындай уақиға болған деп бір көрсетіп аламыз.
Бірақ, тек орыс тілінде болады ғой деймін, қазақша субтитрмен беріледі… Сол біздегі жаңалық))
Бөлісу:

42 пікір

meirzhan
Қадірлі керектіктер, ренжімеңдер))!!
соны айтайын дегем ғой
жәй, сендер біле жүрсін деп
Сол біздегі жаңалық
aikarakoz
ооооо! Фатмагүлді күтіп көруші ем былтыр. Таныстарымның бәріне жарнамалап жүретінмін. Қазір уақыты өте ыңғайсыз маған. Жұмыстан шығып, үйге жеткенше жартысы өтіп кетеді
Zhan
Осы сериалды баста жақын қабылдамап ем, әлі солай. Тек оқиғасы қызықты болған соң тиіп-қашып көріп жүрдім. Не қыса ел-жұрттан соңы не боп біткенін сұрай салам деп жүрмін.
asaubota
аудармаларды кімдер жасайды? кәсіби аудармашылар ма әлде жәй түрікше білетін біреулер ме?

Хабардағы Султан Сулейман туралы сериалда кеше түріктердің ойнау деген сөзін играть деп аударып жіберді. солайы солай ғой, бірақ Ойнау деп Билеуді де айтады. кеше Сулейманның әйелі Хюррем малай қыздарға «не тұрсыңдар, ойнаңдар» деді, яғни билеңдер деп еді

Фатмагүлдің жалғасы бұрынғыдай қызық емес, сағыздай созылып кетеді. Әлі біткен жоқ, осы жазда бітетін шығар. Фатмагүл мен Керим жатпақ түгіл әлі дұрыс сүйіскен де жоқ
Abilakim
Фатмагүл мен Керим жатпақ түгіл әлі дұрыс сүйіскен де жоқ

Дениз бен Мәрттікі бұлардан тез болған екен ғой)))
Adiletshu
Үйленді ма?
Abilakim
білмейм, сүйіскендері анық
asaubota
автор, тақырып атын және кіріспесін дұрыстап қоярсың.
vebred
Қойшы өзіме осылай ұнайды))) әрине сендердің, әсіресе Гатрабайтер мен Сатыбалдының деңгейіндегі креатив жоқ менде, бірақ ресми әңгімелерден жалығып кеттім өзім)))
Nurgisa
Фатмагүл бүгінгі Түркияның өзекті мәселесін қоғамдық талқыға салғысы келген де шығар. Бастапқы эпизодтар мен шиеленісуі қызықтау көрінді. Екінші сезон құр далбаса, көрерменді олай алдамаулары керек еді. Тұтас бір сценарий жоқ, әр серия сайын әйтеуір маусымға (июнь) дейін ұзарту үшін бір нәрселерді қиыстыра салғансиды. Сериалдың басына ғана ден қойып, кейін даңқы жер жарып, мәшһүр болғасын дандайсып кеткен режиссерлік команданың осал тұсына налисың. Зарпла жүріп жатыр бірақ, рахат…
vebred
Солай де, онда аса қызық болмайды екен ғой жалғасы… ал анау Хавва мен Юсуф оқиғасының екінші маусымы да интригаға толы… Бірақ бұл «Ай Япым» ал олар «Афшар»… осы продакшн студиялардың түсірілім стилінде ерекшелік бар ма екен??
Nurgisa
Хавваларды қарауға өзімді аядым. Өзін сыйлайтын адам мұндай деңгейге түспес болар.
madlen
Ааа, Хавва жақсы сериал!!! Фатмагүл сияқт мыжыма емес за то)))
asaubota
Кузей мен Гюней деген сериалды алайық деп қазірден бастап айта бер бастықтарыңа. сол сериал точно өтеді. Хавва туралы таза лохотрон, алданып қалғансыңдар
vebred
))) ха ха ха… соңғы кезде осы түрік сериалдарына қатысты қаншама фокус-группа өткізіп, қаншама сериал талқыладым… өзіме бірде-біреуі аса ұнаңқырамайды...)) Ақша төлеп отырған арна мені кешірсін)))
zhanibek_nurish
тағы да бұзау жамырап, тамақ пісірілмей қалатын болды,*(
Maya
Қозы-лақ жамыраушы еді, сіздің бұзауыңыз ерекше екен.  "Әңгіме бұзау емізер, Бұзау таяқ жегізер" — деген сөз бар ғой
Abilakim
сіздің бұл сөзіңізден "қозы-лақ ембейді, тек жамырайды"-деген тұжырым жасауыма болады ма?
Maya
Әбеке, мен бұзау жамырайды деген сөзді естімегенімді айтып отырмын… сізде, әйтеуір бірдеме тауып алмасаңыз ішіңіз ауырады екен  ойнамаймын сенімен
zhanibek_nurish
ерекше емес, «бұзау жамырады, бұзау жамырап қойыпты» деген сөз тіркестері бар.естімеген болсаңыз, ол мұндай сөз жоқ деген сөз емес.
"Әңгіме бұзау емізер, Бұзау таяқ жегізер" — деген сөз бар ғой
мен де осыны айтқым келген, ол сөз бар екенін «естігенмін»
araika
Осы сіздерде жаңалық беріліп жатқанда, арғы жағында кезіп жүретін халықты көрсетпеуге болмай ма?
meirzhan
Осы сізге жаңалық тыңдағанда тек жаңалық тыңдауға бола ма?
araika
Жоқ! Ол радио емес қой, көрген соң дұрыстап көргенге не жетсін!
Gastarbaiter
Тарелка қосып ал, жергілікті арналарға, және оны қараудан пайда болған нервозға "Қош бол" дейсің
araika
 Ол да бар, бірақ жаңалықтарын қарамаймын.
vebred
өкінішке орай мүмкін емес, өйткені студиямен, жаңалықтар бөлімінің арасы тек тереземен бөлінген… сондықтан
кезіп жүретін халықты
крсетпеу мүмкін емес)))
araika
Қазір штордың түр-түрі бар, көмектеспей ме?
Aldeken
содан кейін жаңалықтардың титрында «Жүргізушілердің киімі пәленше убтикпен ұсынылған» дегеннен кейін «студиядағы перделер пәленше перделер салонымен ұсынылған» деген жазу шығуы міндеттелетін болар…
araika
Ол да жаңалық емес, атын атап, түсін түптемейін, бірақ болды. Жобамен былай: «Камиля» перделер салонына рахметімізді айтамыз!
vebred


Fatmagul хикаясындағы рөлі үшін «Үздік әйел бейнесі» номинациясын жеңіп алған актриса Берен Саат өміріндегі алғашқы махаббаты жайлы ашық әңгімелеп, жеке өміріне қатысты сыбыстардың негізсіз екенін дәлелдеп берді.

Ол тұңғыш рет театр сахнасына студент кезінде шыққан болатын. Анкарадағы колледжде оқып жүргенде мюзиклда басты рөлдердің бірін сомдайды. «Өмірі өз арнасына түспегенін сезсе де», әкесінің талабы бойынша бизнес саласын меңгереді. «Өзімнің айналысқан ісімнен рахат ала алмадым»,-дейді кейіннен бұл туралы актриса. Студент кезінде ол Эфе атты жігітті кездестіреді, оны үлкен киноға жетелеп әкелген де сол еді.

Бір күні ол маған: «барып анкета тапсырып көр, одан ештеңе жоғалтпайсың», деді. Мен сынақты ойдағыдай тапсырып, Стамбулдағы актерлік шеберлік курсына қабылдандым. Сонда қоныс аудардым. Бәрі түсім секілді еді», — дейді актриса кейін сұхбаттарының бірінде.
Актрисаның айтуынша Эфе – оның бүкіл өмірінің махаббаты. Олар 3 жылдай кездесіп жүреді. «Бір күні түнде ол жұмыстан қайтпады, кейін ағасы хабарласып, апат болғанын жеткізді. Ауруханада Эфенің қайтыс болғанын білдім. Бәрі тез арада болып, бәрі өзгеріп кетті. Сүйікті адамымның өлімі мені есеңгіретіп кетті, жаныма қатты батты. Кейін, қайғыға берілмей, өз арманымды жүзеге асыруым керек екенін, Эфенің де соны қалағанын түсіндім», — деп еске алады Берен. Осы оқиғадан төрт ай өткен соң ол алғаш рет көркем фильмге түседі.
Осыдан кейін, Берен Саат актриса ретінде табысы басталды. Жымиса екі бетінде кішкентай ойық пайда болатын актриса миллиондаған көрерменнің жүрегін жаулады. Ол Түркияның ең үздік режиссерларымен жұмыс істеп, ең дарынды актерларымен бірге түсірілім алаңында жұмыс істеді. Оның рөлдерінің әрқилылығына кез-келген табысты артіс қызығарлықтай. Берен қорғансыз ауылдың қызынан бастап, айлалы әйелге дейін кез-келген бейнені келістіре сомдай алады.
Актриса фильмдегі әріптесімен бірге көпшілік алдына шыққан күні-ақ, жұртшылық оның жаңа махаббаты туралы сөз ете бастайды. Жас болғанына қарамастан, ол әйгілі актер Бюлент Иналмен некеде болған. Одан кейін екі жыл режиссер Левент Семерджимен кездеседі және Fatmagul хикаясының түсірілімі кезінде ол жігітпен де қош айтысады. Сары басылымдар бұл оқиғаны фильмдегі Фатмагүлдің (Берен Саат) ғашығы, Керемнің рөлін сомдаушы Энгин Акюрекпен байланыстырады. Бойжеткен оны жоққа шығарады: «Мен фильмдегі немесе хикаялардағы әріптестеріммен ешқашан жақын қарым-қатынаста болған емеспін. Мұның барлығы да баспасөздің жорамалы ғана», — дейді ол. Көрермен актрисаның махаббат майданындағы қарым-қатынастары туралы ешқашан жан-жақты біле алмайтын да шығар, өйткені ол өте сыпайы және жеке өмірі туралы ашық айтқанды ұната бермейді. Біз тек ол сомдаған басты кейіпкерлердің бірі Фатмагүлдің сүйіктісімен қарым-қатынасы қалай өрбитінін бақылай аламыз. 2 мамырдан бастап «31 арна» атышулы Fatmagul телехикаясының екінші маусымын көрсетуді бастайды.

Екінші маусымда бірнеше ай бұын болған қайғылы оқиғаға қатысушылардың өмірі толықтай өзгереді. Керем (Энгин Акюрек) ендігі жерде Фатмагүлдің (Берен Саат) қас жауы емес, керісінше бойжеткен бұл жігітпен бірге ғұмырын өткізуді қалайды. Мұстафа (Фырат Челик), Фатмагүлдің бұрынғы жігіті күлге ұшқан арманы үшін кек алғысы келеді. Яшарандар әулетінің балалары Селим (Энгин Озтюрк) және Эрдоған (Каан Ташанер) жан достары Вуралды өлтірген адамды іздеп таппақ.
Бұл аралықта Фатмагүлге қатысты іс көпшілікке жария болды. Қоғам тарапынан қолдау тапқан бойжеткеннің бойына сенімділік ұялады. Яшарандар бұл жолы жеңілулері мүмкін екенін түсінеді. Заң алдында жалтару үшін әйгілі әулеттің өкілдері қандай амал қолданады? Фатмагүлдің махаббатымен сеніміне ие болу үшін Мұстафа қандай қадамға барады? Жаңа бақытты өмір бастау үшін Керем мен Фатмагүл қандай қиындықтарды жеңуі тиіс?
Gulistan
Сериал басталғалы Мукаддеске бәрі тістерін қайрап жүр.
vebred


Fatmagul хикаясының түсірілімі барысында түрік баспасөз беттерінде екеуінің махаббаты жайлы жиі сөз болып, олардың болашағын бір отбасына тоғыстырған болжамдар айтылып, көпшілік алдына бірге шыққан сәттерін папарация суретке түсіруге үлгеріп жататын. Берен Саат пен Энгин Акюрек тосын жаңалық іздеушілердің басты құрбанына айналғанына біршама уақыт өтті.

Алайда, сұхбаттарының бірінде актриса «актерлар арасындағы достық – табиғи құбылыс, өйткені біз тәулігіне 20 сағат, аптасына 5-6 күн бірге боламыз. Алайда, телехикаяға бірге түскен әріптестеріммен ешқашан жақын қарым-қатынаста болған емеспін»,-деп ағынан жарылған болатын. Соған қарамастан, мұндай сыбыстарға тоқтау болмай тұр. Басты себебі – олар сомдаған кейіпкерлер Фатмагүл (Берен Саат) мен Керемнің (Энгин Акюрек) хикаядағы махаббаты.

«Фатмагүл» мелодрамасының сценарийі 30 жылдай бұрын жазылған еді. Әр уақытта түрлі сценаристер филмге түрлі атау берген: «Үмітсіз таңдар», «Бұл әлемді қарғыс атсын». Алайда, сценаристердің ешбіріне шығарма авторының көңілі толмайды, сондықтан да ол фильм түсіруге өз рұқсатын бермей келген. Тек, 1986 жылы Веджат Тюркальдың тартымды сценарийі бойынша, режиссер Сурея Дуру «Фатмагүлдің кінәсі неде?» деп аталатын көркем фильм түсірген болатын. Ал, 2010 жылы телекөрермендердің ыстық ықыласына бөленген осы аттас телехикая жарық көрді. Өткен жылдың қыркүйек айында хикаяның жалғасы түсіріле бастады…

Естеріңізге саламыз, қайғылы жағдай себеп болып, Керем мен Фатмагүл ерлі-зайыпты атанады. Бір шаңырақ астында, бірін-бірі жау тұтқан екі жас тұрып жатты. Алайда, екеуі де жүректерінің түбінде ыстық сезімнің оянғанына хабарсыз еді…

Атышулы хикаяның екінші маусымында жастардың бақытқа жету жолындағы күресі сөз болады. Кінәсіз екеніне қарамастан, Керем – зорлықшылардың бірі Вуралдың өліміне жалғыз күдікті ретінде түрмеге жабылады.
Керемнен алыста жүргенде ғана Фатмагүл бұл жігіттің өз өміріндегі маңызын сезінеді. Кездесу бөлмесіндегі қысқа жүздесулерде бір-біріне деген сағынышы басылмаса да, осы бір сәттер екеуіне де күш берді. Бір-біріне сырларын айтып ашық хаттар жазады. Айырылысар сәт туған шақта ғана, бұл тағдырдың жазған кезекті сынағы екенін түсінеді. Фатмагүлдің өмірге деген құштарлығы қайта оянып, қасындағы жігіт өмірлік серігі болатынына кәміл сенеді.
Фатмагүл жауларына қарсы ашқан күрес шоқтан жалынған айналды. Қоғам тарапынан қолдау тапқан бойжеткеннің өзіне деген де сенімі арта түсті. Ол енді әділет үшін күреспек! Бір-біріне ынтызар Фатмагүл мен Керемнің арманы орындалар сәт таяу…
Gulistan
Осындай отты сценарийден кейін шынайы өмірде бір-біріне ғашық, ынтық болулары ғажап емес.
Мысалы, Хавва мен Юсуф хикаясының өмірде өз жалғасын табуы.
vebred
оның рас… алайда олар актер ғой, кейде өмірді кинодағы ойындай қана көруі… яғни тұрақсыз болуы мүмкін ғой… батыста әйтеуір күнде үйленіп, күнде ажырасып жатады емес пе....))))
Gulistan
Сериал шарықтап барады.
Дениздің Кериммен кезедесетін жері толқытып жіберді. Ал аэропортта қоштасу сәтті тым мұңды…
Мукаддестің роліндегі әйел қалай мықты ойнайды?!
asaubota
сендер Ф мен К қашан сүйіседі деп жүрген шығарсыңдар? біз уже үйлендіріп тастадық, 2 түн бірге өткізді. әзірше нәтиже жоқ, тек жәй әңгіме айтып жатып жүр. іш пыстырып кетті уже. қарамаңдар обшым. қызық жерлерін қаласаңдар осы жерден беріп тұрайын.
Gulistan

Маған Ф пен К-дан гөрі, Хавваның тағдыры қызығырақ болып тұр.
Айтпақшы, кеше олар сүйісті
bazuka
Айтпақшы, кеше олар сүйісті
Кімдер сүйіскен?)
Gulistan
Керим мен Фатмагүл
GulL
осы кино басталғалы ауырып, онлайн көріп алдым қызық жерлерін түрікше, сериал не істеітпид
bazuka
жалықтырып жіберді әсересе 75сериясы.