Фотошопсыз сурет түсіру өнері

Шиваға шүкір, самса жеп, оны коламен запивать етіп тұрып, сол аяқтың бақайымен түсірген суретті фотошоптың көмегімен шедевр деңгейіне жеткізумен ешкімді таң қалдыра алмайтын заманда өмір сүріп келеміз. Бірақ, бір көргеннен фотошоппен жасалатын эффектілерді фотошопсыз іске асыруды кәсіп қылған жан да бар екен.
Ли Вэй – қытайлық суретші әрі фотограф, техникалық есептеулер мен мұқият ұзақ уақытқа созылған дайындықтардың арқасында салмақсыздық, құлау секілді тағы басқа иллюзияларды көрсетуге қол жеткізген бірегей суреттерімен әлемге танымал болып үлгеріпті.
Суреттерді дайындау үшін Ли Вей «көзге көрінбейтін» сымдардан, альпинистік арқан, арнайы жобаланған тіреуіштер мен тиісті эффектіге қол жеткізетін өзі ойлап тапқан айналар жүйесін қолданады.
Ли Вей суреттерді өңдеу барысында фотошопты қолданбайды, бір суретті түсіруге шамамен 6 айдай уақыт жұмсайды және әр жұмысы (суреті) шамамен 8 мың долларға бағаланады.
Ли Вейдің айтуынша оған адамдардың оның суреттерін көргендегі сезімдері қызықтырады екен. «Көбісі таңданыс білдіреді. Бәрін менің бұл суреттерді қалай түсіргенім қызықтырады».
Ли Вейдің суреттері








Дереккөз