Математиктің өлімі

Сегіз бітіретін жыл. Гимназия-лицейлер жаңа ашылып, гүрлеп жатырған кез болатын. Бір күні апай (класс жетекші) бір бума листовка алып келді. Қазақ-Түрік лицейінің жарнамасы екен. Жазылымға қарағанда бір жыл тіл үйретіп алады екен. Үйге келіп, соған түспекші болдым. Барлық құжатты мектеп дайындап берді (табель қырт-сырттың көшірмелері). Емтиханға келіп, алғаш рет тест (ол кезде тест болмаған) тапсырдым. Еш қиын болмады, кешке нәтижесін қарауға келсек 80-нің 78-і дұрыс екен. Келесі күні жақсы балл жинағандарды шақырып жиналыс өткізді. Үйдегі активист әкем екеуміз. Жиналысқа әке-шешем бірге барды. Айналып келгенде әлгілер бір жыл бойы ағылшын мен түрік тілін үйрететін болды. Әрмен қарай сабақтар ағылшын және түрік тілінде болады демесі бар ма. Келген жеріміз сол болды. Мен дым түсінбеймін, әке-шешем үйге келгенше ұрсысып келді. Әкем маған -Оқисың ба?!- деп қояды арасында. Шешем -Бала не біледі?- дейді. Обшым түсініп отырсыздар, мен ол мектепке содан кейін бармадым.

«Мектепке ендігі бармаймын!»-дедім, бір күні. Себебі кластастар (балалықпен айтса да кім біледі) «түсе алмай қайтып келдің бе, өтірік отличниксің,»- деген. Содан не керек Ұлттық гимназияға математика-физика бағыттарын тереңдете оқытатын сыныпқа түстім.
Содан оқып келіп кеттік, кілең әр мектептің бетке ұстарлары жиналған. Жарысып келіп оқимыз. Ең сүйікті пәнім геометрия болды. Бұл пәннен алдыма шыққан адам болмады гимназияда. Алгебрадан да беске оқыдым, дегенмен жаныма жақын болмады. Бір сөзбен айтқанда математикаға жақын болдым. Тіптен қолымыз босап кеткен уақытта отыра қалып есеп шығаратын «ауруға» душар болдық.

Тоғызы орталаған шақта пәндік олимпиада болатын болып, математикадан қатысатын болып жазылдым. Бір сыныпта оқысақта бір бірімізге конкурент, тығылып дайындаламыз, тіпті не кітаптан оқып жатырғанымызды айтпайтын болдық. Көптен күткен (солай көрінді өзіме) олимпиада да келіп жетті. Ми ағызатын мимырт есеп, жатқан шахмат, «аттың» жүрісі, одан қалса теңсіздіктер. Бес есептің төртеуін түгел, біреуін жартылай әупірімдеп бердім. Екінші турға тек екі оқушы өттік (қатынасқан алтаудан). Үлкен сын, мектеп ішілік олимпиададан ұтқаны облыстық сайыста бақ сынайды.

Келесі турдың бестігі алдыңғыдай мықты болмады, қарсыласымның да түгел шығарғанын көз жанарынан байқадым. Ендігі сөз сарапшыларда. Бір балл айырмамен ұтылдым. Үш рет аппеляцияға кіріп (қарсыласым да қалысқан жоқ), олимпиаданы қайта өткізуін талап еттім. Екінші мәрте және ұтылдым. Ол да сол 1 балл айырмамен. Екі бірдей дұрыс жұмысты неге осындай айырмамен бағалағандарын менің жазуымның жамандығымен түсіндіріп бақты. Мен келіспегенмен менен сұраған ешкім жоқ, қарсыласымның бағы шапты. Одан сайын ерегесіп келесі физика пәні бойынша бақ сынадым. Облыста бірінші болып, Республикада 4 орынды иелендім. Осылайша математик апайдан кек алған болдым. Бірақ сол күні бір қазақ математигі қайтыс болды.
Бөлісу:

24 пікір

kokbori
Лібә, менің қарама қарсыласым екенсің, Секе.
bazuka
Сатекен мен Қисық журналисттерді қойып математиктерге көшкен ба деп жатырсам))
satibaldi
Бірақ сол күні бір қазақ математигі қайтыс болды.
Темірғалиев??? Жолдасбеков???
sigma
сол шешуши 1 балл болмаганда оны да Темиргалиев, Жолдасбеков катарынан таныр ма един.
AKY
Өтелбааааееев!!!
asaubota
Ақтөбенің лицейіне түсуің керек еді. Математикадан мықты еді, тіпті әлем бойынша
sigma
Ол менің қатысымсыз шешілді ғой
omarbirat
Шынымен мықты болатын.
Ақтөбенің олимпиадашылары біздің лицейге келіп тұратын. 50-60 шақты адам, барлығы математикадан. Жас шамалары бірдей 15 шақты балалардың бір-ақ жүргеніне қарап, «Бұлар не, бүкіл кластарымен математиктер ма?» деп ойлайтынмын.
zhanibek_nurish
Тіптен қолымыз босап кеткен уақытта отыра қалып есеп шығаратын «ауруға» душар болдық
, бастан өткен жағдай. универге оқуға түскен соң, «айықтық»
madickisbig
математика пәндердің патшасы
Nurgisa
Қазақтың Перельманының жаназасын мезгілінен бұрын шығарғалы жатқан жоқпысың, Сигмеке? Ғасыр һәм миллениумның әлі де шешілмеген математикалық басқатырғыштары бар шығар, лицейсіз де бажарарсың. Әйтпесе Алмас деген біреу боп жүре беруді саған жарастыра алмаймын
sigma
Содан бергі өмірім физикамен байланысты, соны айтқаным ғой. Физика пәні мұғалімімін, физика магистрімін.
Nurgisa
Шын математиканы қалап, лажсыздан физикаға келсең, әрине, өкінішті. Бұл ретте бастапқы демотиватор деп әке-шешеңнің кері тартқаны емес, гимназиядағы екі жағдайды бөле-жара айтар едім:

1) Мұғалімдердің әділетсіздігі, жығып беруі
2) Қасарысып, басқа пәнге ойысуың.

Дегенмен, физикадағы табыстарың да тау қопарарлық екен, бір жерді жарып шыққаның шығар, Әбеке. Бәрімізде де ішімізде небір кімдер өліп жатыр десейші. Барына қанағат. Шәкірттерің абыройыңд аласалатпасын деп тілек білдіргім келеді.
asaubota
ал, облыстық олимпиада менің ішімдегі тарихшынә және географияшыны өлтіріп тастады. содан кейін орнын толтырар ештеңе таба алмай, темекі тартып кеттім.
Nurgisa
Қайсардың мысалы: опық жесе, сопақ боп қалмай, өз-өзін қажауы, өрге сүйреуі ме деймін. Өзгеге ренжіп, тон өртеушіні қаскөйлер лузер деп жаман атайды. Құдай өзі сақтасын…
Nurshat
әй соныңа ауылда қой санаған үлкендер мықты ау
araika
Олимпиадаларға барғанда, аспаннан түскендей күй кешетінмін. Кейін әдебиетке аңсарым ауды да, математикадан алшақтадым. Бірақ, түбегейлі емес.

Үй жинағанда, ИФМ журналдарының көптігі сондай, лақтырып тастағым келетін. Кітап сөресі де осы саланың кітаптарына толған. Қазір бәрі басқаша
Gastarbaiter
Үш рет олимпиадаға қатыстым ағылшын тілінен. Үшеуінде де екінші орын. Соңғысы тіпті әділ болмады. Үшінші орын алуға тиісті едім, екіні беріп қарап отырд мұғалімдер. Нәтижесінде ағылшын тілі маманы болдым.
satibaldi
Негізі жақсы мамаңңдар 2 мен 8 орын арасындағылардан шығад, білмеуші ме едің?
satibaldi
Гран-При, 1 орын алатындар кейін көбіне алқаш гений боп кетеді. HR-менеджерлер өтіленшіктерді жек көред әйтеуір
Gastarbaiter
Прима Донналыққа салынып жасаған еңбегі үшін емес, мектептегі алған жүлделері үшін елден артық айлық талап ететіндер де көбіне медалисттерден.
satibaldi
Мұғалімдер кастасынан жұққан ауру ғой. Олар пыртфолиосын тастай салады: 15 конференцияға қатыстым, 20 сертификатым бар, жоғары разрядтымын деген қағазды О'Делл Қадыр ағайға тастай салады да, сабағын да өткізбейді, практикада жүрген біреуді жұмсап жібереді. Ал жалақы, жәй — сонша қағаздары болғаны үшін ең жоғары деңгейде төленеді. Жаңадан ашылған немесе орташа универ-институттардың тасшылығы бұл ит-шошқа жәйтқа көттерін жұмып қарайды, себебі, сол универ-институт статусын сақтап қалу үшін ұстаздардың кемінде 35 пайызы ғылыми қызметхер болуы тиіс. Сонымен, бұрынғы өтіленшіктер тіпті бопсалау арқылы күн көріп отыр десе де болады.
sigma
Ақиқаттың лебінен жыляғым келд