Қанағат Мұстафин Қажымұқан туралы фильм түсіреді



«Рывок» спорттық драмасын түсірген қазақстандық режиссер Қанағат Мұстафин «Қажымұқан» атты уақытша атауы бар фильмді түсіруге бел шешіп кіріспек.

Режиссер жаңа фильмін атақты балуан Қажымұқан Мұңайтпасовтың өмірбаяны бойынша түсіреді. Бұл туралы Мұстафин Afisha.Today.Kz ресурсына берген сұхбатында әңгімеледі.

— Фильм-биография түсіру үшін неге Қажымұқанды таңдадың?

— Қазақ даласының батыры Қажымұқан туралы биопик түсіру осыдан бір жылдан астам уақыт бұрын ойыма келген. Содан бері танымал күрес тұлғасы туралы мәліметтерді оқып, жинастырып келемін. Уақыт өте Қажымұқанның тек алып күш иесі және көптеген күрес түрлерінен әлем чемпионы ғана емес, дархан жүректі, қайталанбас адам екеніне де көзім жетті. Ұлы Отан соғысы кезінде батырдың ауыл халқы алдына шығып, өнерін көрсетіп тапқан ақшасына ұшақ сатып алып, оны қазақстандық жауынгерлерге сыйға тартқанын, ал өзінің тым қарапайым ғұмыр кешкенін, қатқан нан жеп, қараша үйде тұрғанын көп ел біле бермейді.

— Биопик қай жанрда түсіріледі?

— Фильм нақты оқиғалар мен фактілерге негізделген қым-қуыт сюжеті бар драма болады. Қазіргі заманда жастар «терминаторлар», «робокоптар», «аватарлардың» арасынан өзіне кумир тұтатын тұлға іздейді, ал қазақ батырларын білмей жатады. Жас ұрпақтың біразы Қажымұқанды ертегі кейіпкері деп ойлайды. Олар үшін батырдың сом темірді майыстырып, иығына темір рельске мінген жиырма адамды салып көтергені, тракторларды сүйрегені тек аңыз ғана.

— Қажымұқан өмірінің қай кезеңі суреттелетін болады?

— Фильм бойы Қажымұқанның туған ұлы оның шөберелеріне батыр туралы әңгімелеп отырады. Туынды екі бөлімнен тұрады: жастық шақ және спорттағы ұлы жетістіктері; егде тартқан кезі және тағдыр әділетсіздігі.

— Туындының уақытша немесе бекітілген атауы бар ма?

— Әзірге «Қажымұқан» деген уақытша атаумен жүрміз.



— Басты рөлді Дәулет Әбдіғапаровтың ойнайтыны қазірден-ақ белгілі. Таңдау қалай жүрді? Басқа да үміткерлер болды ма?

— Туынды продюсері Айдархан Әділбаев екеуміз бірден-ақ Дәулет Әбдіғапаровқа тоқтадық. Оған себеп – Дәулеттің актерлік шеберлігі мен адам сүйсінетін күш-қайраты. Ол жобамызға қуана қатысатын болды. Айтпақшы, осыдан екі жыл бұрын бір сұхбат кезінде бұған дейін алдынан шықпаған кімнің рөлін ойнағыңыз келеді деген сұраққа Дәулет «Қажымұқанның!» деп жауап берген екен.

— Фильмде ойнайды деп бекітіліп қойылған басқа актерлар бар ма?

— Дәулеттен бөлек Қажымұқанның ұлының рөлін Нұржұман Ықтымбаевқа беріп отырмыз. Әзірге осы, жақында кастинг жарияланады.

— «Рывоктағыдай» шетелдік актерлерді шақыратын ниетің бар ма?

— Ия, антагонисттің рөлін Николай Валуевтың ойнағанын қалар едім.

— Фильмнің бюджеті қандай болады деп ойлайсың? Инвестор іздеп жүргеніңді білемін, кімге көбірек үміт артып отырсың?

— Жобаға қаржы іздеудеміз. Мемлекеттік қолдау мен жеке инвесторлардың көмегінен үміт күтемін. Қаржылай қолдау болады деп ойлаймын.



— Қажымұқанның өмірі туралы екі фильм түсірілді. Оларды есепке аласың ба?

— Мен барлық мұрағаттық жазбалар мен сіз айтқан екі фильмді қарап шықтым. Олардың бірі – деректі туынды. Ал екіншісін, яғни Сұлтанахмет Қожықовтың толықметражды «Бізді танып қойыңдар» туындысын көркем фильм деуге келмес, себебі онда Қажымұқан өмірінің тек екі жылы ғана қамтылған. Оның үстіне КСРО кезінде түсірілген, өз заманының қатаң цензурасына тап келгені түсінікті жайт. Мен бұл туындыларға қарайламаймын.

— Фильм түсіріліміне кеңесшілерді, яғни тарихшыларды, биографтарды, батырдың замандастарын, туыстарын тартасың ба?

— Ия, әрине. Бізге Қажымұқанды зерттеуге бүкіл өмірін арнаған және ол туралы кітап жазған журналист, сондай-ақ Еркін күрес федерациясының мамандары көмек көрсетеді. Олармен жұмыс жүріп жатыр.

— Қажымұқан туралы фильм қазақстандық киноға жаңа леп әкеледі деп ойлайсың ба? Туынды қандай жаңалық әкелуі мүмкін?

— Фильмнің мақсаты – жастардың отансүйгіштік сезімін өсіру және қазақ халқының ұлы тұлғасы Қажымұқан Мұңайтпасов туралы естелік қалдыру. Жас ұрпаққа Қажымұқанның кім болғанын жеткізу керек.

Мәтінді жазған — Ольга Малышева
Аударған — Дінмұхамед Зиядин
Сұхбаттың түпнұсқасы
Киностан.кз
Бөлісу:

48 пікір

patick
ал керек болса сенсация
Makashkara
Қисеке!!! Мынауың тың жаңалық екен. Түсірілсе жақсы болар еді. Қажекеңдей батырмен мақтануымыз керек қой.
Қажекең түрік сұлтанымен Меккеге барған сапарында «шайтанға тас лақтыру» рәсімін өтеп жатады. Сонда қасындағы түрік имам бұ кісіге қыл көпір жайлы айтып, көпірден өтуге қой көмектесетінін айтады. Сонда Қажекең:
— Сонша маңызды істі қой баласына жүктегені несі!- деп әзілдеп қойған екен…
Abilakim
анау топы киіп тұрған сурет кинодан үзінді емес шығар деп үміттенемін))))Өзбектік нақыштары бар екен
asaubota
қазақтың осындай тұлғаларын әдемілеп сапалы кино қылып көрсетпесе басқа амал жоқ сияқты. жастар іздеп кітап оқымайды.
Abilakim
ия, нанымды қылып түсірсе болды. Әйтпесе, бүкіл кластан тақпақты бір белгілі адамның ғана жаттап келгеніндей кино керек жоқ
konvict
Бұрын бір кино түсірген еді ғой шатыспасам.
aikarakoz
керемет! Айтпақшы, мен Қажымұқан палуан тұрған өңірдің қызымын  мақтанамын, йахоу!
Daniar-Alan
темірлан?
aikarakoz
ие, Темірлан
Daniar-Alan
уиии екеуміз зема екеміз… в смысле ежиктармыз
MickThatsMyNick
иә, осы актер болмағанда, басқа кім болсын.)) ұқсайд Қажы Мұқанға
Makashkara
Қажымұқан бір күні түн ортасында өзен жағасында дем алмақшы болып аялдап отырады. Кенет өзеннен қараңдап өтіп келе жатқан бірдеңені байқайды. Қараса желкесіне бір жылқыны қойып көтеріп жүзіп өткен екі тау тұлғалы кісін көреді. Қажекең хуйт етіп, аналардан жөн сұраса қалады. Сонымен делебесі қызып кетіп разна разға шақырып, біреуіп белдесе кетеді. Көп уақыт кетірмей ақ ана кісі Қажекеңеің иығын жер иіскетеді. Сонда Қажекең ананың күш-қайратына ырза болып оған өзімен бірге жүруін, европаға апарып күрестіретін, алуан күрес тәсілдерін меңгеретіндерін айтады өзін таныстыырып жатып. Сонда әлгі кісінің біреуі:
— Қажеке біз Сіздің күшіңізге тәнтіміз, әйткенмен әркімнің өз ырзық-несібесі бар. Біздікі мал барымталау, осымен кеттік енді. Енді Сіз шығара беріңіз қазақтың атын, рахмет! — деп жөндеріне кете барыпты.
salta
Бұл оқиға жайлы Қажымұқан басқаша айтады: Семейге барғанда тоқтаған үйіне бір еңгезердей жігіт кіріп келеді. үй қожайыны жақтырмаса да, Қажымұқанды қонаққа шақыра келеді. сол жігітпен еріп, Ертістің ортасындағы аралға барып, қой сойып, тамақтанып алғаннан кейін, әлгі жігіт: аға, мен сізді пір тұтамын, тұла бойыма біткен күшімді барымта жасап, байлардың қалтасын қалыңдатып жүрмін, менің күшімнің қаншалықты мықты екенін сіз ғана сынай аласыз, белдесіп көрейік дейді. біраз белдескеннен кейін, жеңе алмаған Қажымұқанға арқан беріп, әлгі жігіт енді мені орнымнан қозғап көріңізші деп, арқанды беліне байлапты. сонда әлгі жігітті орнынан қозғалта алмағанда, әлгі жігіт өкіріп жылаған екен. Қажымұқан бұл оқиғаны өмірімде қорыққан кездерімнің бірі деп айтады. Қажымұқанды жеңе алмаған Балуан Шолақ та: менен асқан батыр туыпты деп қуаныштан көзіне ерік берген екен…
Adiletshu
Мен де осы оқиғаны естігем
asaubota
кинода осындай қызық оқиғаларға да орын берлісе қызық болар еді.
Makashkara
керемет! Айтпақшы, мен Қажымұқан палуан тұрған өңірдің қызымын мақтанамын, йахоу!
Сонда Темірланнансың ба қарындас?
aikarakoz
ия, Темірлан жақтанмын
Zako
Ұрлауға тұрарлық аударма.
Gastarbaiter
Дәулет Әбдіғаппаров сығыр көзімен жоңғар ма бурят па соларды ойнаса жарасады.
Бойшаң жігіт болғанымен пошымын аздап жетілдіру керек, күш атасына қарағанда рельефі нащар, өте нащар.
американ актерлері алты киноға 30 келі тастау керек болса тастайды Фифти Сент сияқты, немесе бұлшық ет жинайды Уил Смит («Али») сияқты. Біздің актерлерге де тап солай берілу керек образға.
Gastarbaiter
Жаңалыққа респект айтпақшы!
patick
Денесі аздап салбырап кеткен иә Әбдіғапаровтың?
Gastarbaiter
Енді аздап пошым жинап алу керек сиқты бір екі ай бордақыланса да. Сосын солярийге барып, ауылдың күнге піскен кейіпін келтіріп дегендей…
qisyq
Келісемін, солярий алса, бұлшық еттерінің сай-саласы көрініп, әдемі көрінер еді.
Adiletshu
Руслан бырат ойнаса қалай болар екен
Gastarbaiter
Қолдары болмаса, дене тұсы нәзіктеу, түр келбетінен де даланың емес, қаланың желі еседі.
dauitov
Байқау жарияласа шіркін.Өкімет көрмей жүрген азаматтар бар ғой Құдайға шүкір.Әбдіғаппаров та Құдай жақсы көрген адам.Бәсеке керек, сонда нағыз Қажымұқанды көреміз.
Gastarbaiter
Пиарыаздар көп қой, бірақ актерлік шеберлігі деген критерийң де бар ғой оның. Егер бір екі ауыз сөз айтып, тек «зұлымдықпен» күресетін (тура мағынасында, Шварцнегірінсс) рөл болса, онда оңай болар еді.
satibaldi
Реинкарнация… Судың тамшысындай ұқсайды екен… Кинодан түскен ақшаға самолет соқтырып, өзі Сталинге хат жазса ше…
direct
Қажымұқан жайлы бір екі кино емес, әлгі батыстың мүйізі қарағайдай телеканалдары секілді мықты сериал түсіруіне де әбден болады.
«Рывок» — мен үшін абсолют құсық фильм. Тренер Картеріңдіссс
Мустафин көкеміз Қажымұқан жайлы жақсы бір кино түсіре алмайды деген ойдамын, «Мұңайтпасов»ты лентада рәсә мұңайтып жібермесе болғаны сценариімен қосып.
Abilakim
күмәнің орынды."Қашпаған сиырдың уызын " жеуге әлі ертерек
Kipshakkyzy
Ұқсайды екен аздап.
Makashkara
ия, Темірлан жақтанмын 

білә, о жақты су басып жатқан па???
aikarakoz
су менің үйімді айналып өтті
salta
Фильмде Қажымұқанның бірнеше рет үйленгенін көрсетеді ма екен? Алғашқы әйелі белорус болған, циркте бірге жұмыс істеп жүріп, 16 жасында алып қашқан, тағысын тағы… Ашаршылық кезінде медальдарын сатып жібергенін, Қажымұқан келеді деп ауыл тұрғындары арнайы пәуеске жасатқанын көрсетсе керемет болар еді…
patick
Біліп тұрсың ғо енді, оны қайта білудің қажеті қанша
asaubota
міне, міне осындай қызық нәрселер көрсетсе күшті болар еді. ал былай тек күрес көрсетіп, бәрін айырғанын көру қызық емес. бәрін жеңгенін онсыз да білеміз.
Abilakim
Фильмде тышқаннан қорқатын жерін келтірер ме екен?
salta
мәселе біліп тұрғанда емес, соны жеткізе алуында, тышқаннан қорқатынын көрсетсе тіптен керемет болар еді. қызықты жәйттары көп, картинаны жеткізе біліп, образды бере алуында. Киноманыңдысссс…
Abilakim
қызықты, сенімді жеткізе білсе жақсы ғой,әрине.Мәселе бір адамның білгенін он адамның білмеуінде.Кино біраз адамға керекті ақпарат берер еді