Қуанышқа толы күн мен апта!

Қыс бітуге небары үш-ақ күн қалды. Кеше сабақтан келе жатып, қарға оранған ҚазҰУ-ымды суретке түсіріп алдым.



Үш күнен соң көктем келеді. Ал біздің қалашықта әлі қалың қар.



Осы аптада Алматы блогерлерімен 27-ші ақпан күні Астана қаласында өтетін блог құрылтайға билет алатынымыз белгілі болды. Алла бұйырса, наурыздың 21 Астанаға шығамыз деп айтты Aikona

Бұл апта мен үшін де , «Екпін» үшін де өте жақсы өтті деп нық айта аламын. Осы айдың 19-жұлдызында бізге 1 ай толды .
Соған байланысты БАҚ өкілдері мен блогшыларға пресс-конференция өткіздік. Біздің қуанышымызға ортақтасуға Хабар телеарнасының белгілі журналисі Амангелді Сейтхан мен танымал пиаршы, блогшы, әрі voxpopuli сайтының басшысы Әлішер Елікбаев те қатысып, жобамызға сәттілік тіледі.



Біз туралы "Күлтөбе" сайты, «Мінбер», «Президет және халық» газеті, «tengrinews», «Болашақ» сынды тағыда басқа сайттар мен газеттер жазды. Казақстан, Мәдениет, СТВ арналары көрсетті.

Осы аптада жастарға арналған мәдени-танымдық онлайн журналдың беттерінен біздің админ asaubota мен Gastarbaiter «Бүгінгі ата-аналар балаларына қандай ертегі оқиды?» деген постымыздағы сауалнамаға жауап берді.

Қыс бітуге аз қалса да қыс айына арналған кинолар топтамасы осы жолы журналымызда Қысқы кино тізімі атты жазбамызда жарық көрді. Бұл кинолар тізімі қыспен қоштасуға арналғандай

Соныммен қатар, қаламызда өткен тағы бір маңызды мәдени шара Қысқы Jazzystan -ға журналисіміз Айжан барып қайтты.

Айжан әсем бұйымдарды жасайтын Әсел Хожамен, дизайнер Нұрлан Төреханов сынды тұлғалармен танысты.


Әдеттегідей осы жолы ғаламтор бетінде жарияланған қызықты мәдени жаңалықтарды «Аптаның қызықты материалдарының бесінші топтамасында» жарияладық. Жексенбіде бананнан жасалған тәтті балмұздақтан дәм татып, оқырмандарымызбен олардың рецептімен бөлістік.


Келесі апта сәтті басталып, күшті өтуін тілеймін