"Сайтанның сыңары"-на рецензия

2011 жылы жарыққа шыққан аталмыш фильм (түпнұсқада — The Devil's Double) Жаңазеландиялық кинорежиссер, әйгілі «Умри, но не сейчас», «Пророк» фильмдерінің авторы Ли Тамахоридің туындысы.

Фильм 80-жылдардың соңындағы Бағдадты суреттейтін Латиф Яхьяның автобиографиялық кітабының желісімен түсірілген. Оқиға Ирак диктаторы Саддам Хусейннің үлкен ұлы Удейдің қолында билігі, қойнында қыздары болса да, қорқыныш қамауына түсіп, одан шығар жол — «сыңар» іздеуінен бастау алады. Таңдауы сыртқы бейнелері ұқсас, алайда ішкі жан-дүниелері сай келмейтін сыныптасына түседі. Латиф «жұмыстан» бас тартқанымен, келісімін беруге мәжбүрлейтін кейбір кедергілердің арқасында «жаңа бейне»-ні сомдауға кіріседі.

Удейдің әрбір әрекетінен жиіркенетін жан үшін «сарай»-да қалу мүмкін емес-тін. Мұнысын анық сездіре білгенімен, шүріппені басу кезегінде есуастың есі түзеле кететін. Бар айтар сөзі — «Мен сені қатты жақсы көрем».

Латиф кеткенмен, Удейдің қолындағы «көзір» оны қайтадан келуге шақырды. Алайда бұл жолғысы басқаша, яғни кек алу. Жеңіс — Латифтің пайдасына шешіледі.

Басты рөлді сомдаушы Доминик Купердің екі бірдей рөлді алып шығуы өзінше бір әңгіме.


Жалпы, фильм шынайы оқиғаға негізделген деп айтылса да, әркімнің қабылдауына байланысты қаншалықты шынайы екенін көре жатар. Әрі көрермен ретінде Ирак пен АҚШ арасындағы жанжалдан, Хуссейн отбасынан, Удейдің қаншама оқушы қыздарды зорлауы мен келтірген өзге де қиянаттарын көре отырып, ең бастысы жас сарбаз Латифтың өмірінен алынған көріністер бей-жай қалдыра қоймас.




«Сайтанның сыңары»(Двойник дьявола) 18 жасқа толмағандарға арналмаған және жүрегі нашар адамдар үшін қатаң ескерту(!)

Пы.сы: Көріңіз (көппен емес!) және өз бағаңызды ұсыныңыз! Менікі 10-нан 6 Бұған дейін тек романтиканың рахатына бөленіп, ара-тұра комедияны киліктіріп жүрген маған бұл фильмді қарау сәл-пәл ауырлау болды. Десе де, күлкінің табы байқалмады дегенге негіз жоқ