Туған үйдің түтіні

/Мейрамгүл апайдың айтқандарын шағын әңгіме қылдым/
Yйдегі қыздардың барлығы құдайдан сұрап алған ұлдың алдында құрдай жорғалайтын едік. Шын айтамын, оны, яғни інімді айтамын, құдайдан сұрап алыпты. Әкем, анам, әжем – барлығы “ұл бере көр” деп құдайға жалыныпты, жалбарыныпты. Құдай естиді екен. Бірінен кейін бірі бес қыздан соң осы ұлды беріпті. Анамыздың көзі де осы ұлды дүниеге әкелгеннен кейін «ашылса» керек. Бұған дейін әжеміз “ұл тумадың” деп шешеміздің басына әңгір таяқ ойнатқан дейді. “Ұл туғанға – күн туады” деген де осы!
Ұл болғаны бар болсын, бізді құл етіп бітті өзі. Арқала дейді, арқалаймыз! Ат бол дейді, ат боламыз! Кіп-кішкентай болса да қу! Өзінің ерекше жаратылыс екенін, бір жері бізден артық екенін іші сезеді. Ішіміздегі оның “құқығын” мойындағысы келмейтін тек кенже сіңілім ғана. Тетелес болғаннан кейін бе, тілін көп ала бермейді. Бір нәрсеге жұмсаса, “бар өзің, аяғың бар ғой”, “ал өзің, қолың бар ғой” деп қасқайып қарап тұрғаны. Кейде екеуі төбелесіп қалады. Мұндай төбелестің соңы сіңлімнің жеке дауыстағы “әнімен” аяқталады. Үйдегілердің барлығы інімнің сөзін сөйлейді.
Кейде ұл болып тумағанымызға өкінетін де кездеріміз болады. Неге қыз болып тудық екен! Ұл болсақ, бізді де бәрі төбесіне көтерер ме еді. Ұл болудың артықшылығы, әсіресе, әжеміз тойдан келгенде білініп қалатын. Әжеміз тойдан әкелген сарқыттың ең жақсысы – ініміздікі болатын. Шоколадты ініміз жейтін де, балды кәмпиттер бізге тиетін.
… Сол ұл өсті, мектепке барды. Баяғыдай бізге көтер деуге ұялатын болды. Жігіт болып, әскерге кетті. Әжем марқұм оның үйленгенін, бір шөпжелкені үйге әкелгенін сонша қалап еді. Бірақ, ол күнді көре алмай кетті. Біз, қыздар да бой жеттік. Қанаты қатайған қарлығаштай туған ұядан ұша бастадық. Ең алдымен апайларым, содан кейін мен, сіңлім… Қыз бала қашан да жат жұрт үшін жаралады екен ғой. Басқа үйдің шамын жақтық. Басқа үйдің түтінін түтеттік.
Ал үйде, сол бәріміз өскен қара шаңыраққа ие болып інім қалды. Таяуда ауылға бардым. Інім әкемнен аумай қалыпты. Келінім де биязы. Анамды аялап, күтіп ұстап отыр. Сол үй… Сол шаңырақ… Інім барлық тәтті-дәмдіні менің алдыма ысырып, қойып жатыр. “Жеп ал” дейді ерекше бір қамқор көңілмен. Кеше ғана осынау барлық тәтті-дәмдіні ол өзі жейтін еді ғой. Ал бүгін керісінше, біздің аузымызға тосады. Апайларын әбден сағынғаны білініп тұр. Қанша айтқанмен бірге өскен ұялас күшіктер емеспіз бе?
Туған үйден ұзап бара жатып, мен әжемнің құдайдан неге ұл сұрағанының сырын түсіндім. Ұл… Ол — қара шаңырақтың иесі. Ол барда бұл үйдің түтіні үзілмейді. Ол барда ұрпақтар жалғасады…
… Келінімнің аяғы ауыр екен. Іштей ұл туса екен деп тіледім… Құдайдан шын ниетіммен соны сұрадым…
Бөлісу:

34 пікір

seyh
тамаша жазылған Жазар көбейсін
KILYZAMAN
Сентиментім семіріп кетті… Небір нәрселер ойға келіп —
Armanjan
бір туысқан жездеміз мен апайымыздың отбасында үш қыздары болды. Сырт көзге білдірмесе де, олардың да ұлды болғысы келетіні сезіліп тұратын. Келіншегі жүкті болғасын қайта-қайта дәрігерге барып, УЗИ-ға түсіп, мамандарға барып әбден әуреге түсті. Сосын ай-күні жетіп егіз қызды дүниеге әкелді. Сөйтіп қыздарының саны беске жеткенде, жездеміз адамның қалағаны емес, Алланың бергені болады екен ғой деп айтып отыратын. Айтпақшы тәтеміздің тағы да аяғы ауыр екен, жығылған күреске тоймайды деп жездеміз алақанын ысып отыр.
Armanjan
Туысқан жездеміздің отбасы қуанышқа бөленіп жатыр. Ұлды болды. Тәтемізді кім білсін, жездекейіміз ыржалақтап күле беред, мәз өзі. Алдағы сенбіде ауылға тойға шақырып жатыр. Тай сойып той өткізбекші
manfan
қандай әсерлі! кәдімгідей жылағым келіп кетті…
Marco
Күшті! Апаларымды сағынып кеттім!
aza
Жылағым келген жоқ… Десек те, бір толқын жүгіріп өтті денемнен…
Туған үйдің түтіні… Тыыым алыстамын елімнен, туған ауылымнан… Алыыыс Маңғыстаудың қияяян бір шетінде менің Қызаным…
Жердің шеті ол жақ))) әрі қарай жер жоқ, аяғыңды салбыратыыып, отырасың, төмен қарасаң басың айналад)))
Abilakim
бір деммен оқылады екен, жақсы
salta
сондай еркенің, мұндай ер болғаны қуантарлық екен, ерке болған баланың ез болып өскені жаман ғой…
VKM
ал менің інім ерте қайтыс болып кетті, бізде ұл жоқ(((((((((((папама қиын шығар((((((((
Armanjan
қой БыКы олай деме, ұлға бергісіз қыздар да болады ғой. Егер ұл жаман болса әкенің төрдегі басын көрге сүйремей ме, ал қыз жақсы болса ата-анасының атын шығарар.
VKM
Мен папам үшін істей алатыным: фамилиямды өзгертпеймін, сосын… олар айтқан, сендер екеуің қай жақта тұрсаңдар, сол жаққа көшіп барамыз. Кедергі болмаймыз, тек немерелерді көтеруге көмектесеміз деп.Сосын сіңлім екеуміз бір қалада тұрамыз деп сөз бергенбіз. Бәрібір, мен папамды түсінемін.Біз үшін қалды ғой,әйтпесе басқа кісіге үйленсе бауырларым болар еді((((((((
Maya
Венка олай деме, әкеңе екі қызыңды бер бір ұл берем десе де, сендерді таңдар еді. Ер бала, қыз бала болсада әрқайсысының өз ОРНЫ бар. Біздің үйде де ұл жоқ, сырттың жұмысына келгенде ер баламен бірдей істейтінмін, сондықтан үйдегілерден «Шіркін, ұл болса ғой» — деген сөзді естіп көрмеппін.
Gulistan
"Ұл тумадың" деп жанұясын тастап кететіндерді түсінбеймін.
Сонымен қатар, кем туған немесе жүре келе мүгедек болып қалған баланың ауыртпашылығын көтере алмайды екен көп әкелер. Сөзімді кешіріңдер, бірақ та өмірде сондайлар кездесіп жүр.
Armanjan
Бұдан да қиын жағдайды естігеміз. әйелі төртінші қызын босанғасын, дәрігерлер енді оған бала таба алмайтынын айтып, денсаулығы жарамайтынын ескерткен. мұнан кейін күйеуі біраз уақыт ішіп кетед. сөйтіп жүріп асылып өліп қалыпты. тіпті мындай жағдайда біреуді кінәлаудың өзі қиын.
salta
менің әкем 4 қызым, 4 құбылам дейді. Тәуба! жақында бір танымал актер, режиссерсымақтың әйелі 4 қызын туғанда айтқан сөзін тыңдап, жағамды ұстадым. келіншегің қалай, сахнаға шықпай кетті ғой десе: ой, жүр ғой бабсовет жасап деді, еркексымағыңдысссс деп маңдайынан қойғым келді, әттең жігіт емеспін…
Armanjan
Сәбит емес пе слушайны)))
Gulistan
Сәбит емес шығар айтқан?
Armanjan
сол өтірік-расын кім білед, ұл не қыз болу тек еркекке байланысты дейді екен, қаншалықты дәлелденгенін бір аллам білсін.
monti
жүр ғой бабсовет жасап деді
фуууу так мерзко «баб» деп өзінен шыққан қыздарды қалай атады екен
құдай Аллам сақтасын мұндай сұмдықтарды естігенше
ferdaus
Біз үшін қалды ғой,әйтпесе басқа кісіге үйленсе бауырларым болар еді((((((((
еркектер 10 баласы болса да тастап журе береді егер жұбайымен жақсы қарым қатынаста болмаса. сіздің анаңыз үшін ғой сіздерді тастап кетпегені, негізі сіздің әкеңіздей еркектер сирек, айтпесе ұлды желеу ететін сылтау коп кой…
VKM
рахмет,ferdaus. Менің папам полицияда істейді, жақсы десем, ешкім сенбейді
Әзіл ғой, шын айтсам, ата-анам бір-бірін керемет сыйлайды, жақсы көреді. Әйтпесе… менің папам нағыз франт, красапчик ғой.Сосын кез-келген отырыста асаба болады.
Ұл бала туралы ойлары бар, не опекунство, не суррогатты ана туралы ойлап жүрміз деп айтқан. Менің ата-анам 1 ұл емес,5 ұл алса да, тәрбиеле алады. Олар сондай мейірімді адамдар
Adiletshu
Құдайға шүкір, біздің тұқымда еркек кіндіктілер көп. Менің 3 ағам бар. Ең үлкен ағамның 3 ұлы бар
Maya
Тамаша жазылған дүние,  маған ұнады. Рахмет, Арманжан! Алла жеңгеңізге ұл нәсіп етсін!
Armanjan
Арманжан! Алла жеңгеңізге ұл нәсіп етсін!
Әәәәәәәәуууууумииин
Gulistan
ол Арманжанның емес, Мейрамгүл апайдың інісі ғой… Дегенмен, пост авторына рысбек!
Simona
Мен 15 жaсымa келгенше үйде жaлғыз ұл болды, бiрaқ мұндaй aлaлaп-бөлудi бaсымнaн өткiзбедiм. Iнiнiң aты iнi, жұмсaп көрсiн үлкендi! Қaй жерден ұл болсa дa, үлкендi жұмсaп еркелеткен емес және оның жaлғыз ұл екенiн тек қaнa aпaм шaндa еске түсiрiп отырaтын. Мaмaм дa пaпaм дa бәрiмiзге бiрдей қaрaйтын. Қaйтa сiңлiм кенже болғaн соң, сол еркетотaй болaтын.
konvict
Ұнады мақала. Жалғыз ұлдың тәрбиесі жақсы болған ғой. Әйтпесе, кейбір жалғыздардың жарға жығылатын кезі аз емес
Esdaulet
Шаңыраққа ие болып қалатын,
Ұлдың аты ұл ғой, шіркін, қашанда…
mirasasem
Мен жалғыз қыз болдым, алдында апасы, артында сіңлісі бар құрбыларыма қызыға қарайтынмын. Тіпті тете інім де болмады. Ата анамның Алладан тілегені АҒАМ-ның болғанына да шүкір. Болашақта көөөппппп қызға ана болғым келеді
19852407
«Керектен» Armanjanдай сентиментальды зігіт табылмайд-ау...
aza
Лира Қоныстың "Құрқұлтайдың ұясы" деген тамаша әңгімесі бар… Осы тақылеттес, тамаша туынды… Есіңе қайдағы мен жайдағыны салады… Үлкен ағамның келіншегі 5 қыздан кейін ҰЛ тапты! Атын БайдарАлтай деп қойдым… Ұл деген шырақ қой, пырақ қой… Әкем әлі қарамайды екен Байдарға, көзім өтеді деп. "Үндемейді, салмақты, көп ойланады, өзінің әйгілі аттасы секілді баһадүр қолбасы болады, генералд болады" дейді жәмәнді әлдеқандай қылып)