Албасты деген кім?

Осы сайтқа кіргелі таланудамын деп арыз айтпай ақ қояйын, бірақ сауалдар дегенің пашка-пашкамен түсіп жатыр. Себеп біреу, «неге Албасты?» Cодан не керек бәріне кейін айтам, кейін айтам деген жауаппен келіп ем, енді сол уәдемді орындағалы отырм. Эх, чікін-ай, бір профессорлар құсап...
Жалпы Албасты деген не? Атам қазақ кез келген нәрсеге ат тағып, айдар қоймайтыны мұрныңда мұрынбоқ бар екеніндей белгілі. Демек, албасты өмірде бар мақұлық деп ойлаймын. Ол туралы кәзиттер мен жұрналдардан іздеп жүріп оқитұғынмын. Сонда тапқаным (енді бірден суреттей кетейін, соның бәрін жазғанша), албасты бойы биік (екі метірге жуық), үсті-басы түріктерден де жүн-жүн (сериалдардан көргенмін), малға өш, қыз-қырқынды, болмаса бірлі-жарым осалдау адам болса, алып қашу әперасиясын бастап кеп жібереді екен. Сол дереккөз (осындағы термин бойынша «дереккөт») Адамның жатқан кезін күтіп жүреді дейді. Оянып үлгіргенше үстіне қонжия кетеді де, әлгі адам болса «Ойбай, ал басты, ал басып қалды» деп бір жерінен су ма, басқа ма кеткенше шырқырайды екен. Осы жарымжан бейнелеуіме, өзімнің дамбалымды, ойбуу, долбарымды қосайын…
Қазақ «албасты бассын» дейді. Яғни «тұра алмай, үйелеп қал» дейді. Ал қандай адам үйелеп қалады, әрине ауру. Соған қарағанда албастымен алысып жүргенде мақұлық ұғымында болса, кейін албастының тұқымы құрығасын ауру ұғымында қалған деп ойлаймын. Мен ана дереккөттен алған мәліметті рас деп санаған жөн секілді. Әрине, өз ойым, бірақ өз басым сенем. Ал, енді мен не себепті таңдадым дегенге келейік. Бірінші, адамды боқтағанда айтатын сөзім, екіншіден, өзім ұрыншақтау болғасын, осындағыларға бірден тиісе кететінімді сездім де, сіздерді шошытпай, осындай адам екенімді білдіріп, әуелі таныстырып алайын деп, осылай атадым. Қорықпаңыздар, бірақ баспайм.