Куала Лумпурда жаңбыр...

Бүгін Куала Лумпурда жаңбыр… Сіркіреп бір жауып алды. Әлі де әлсін-әлсін өксіп тұр. Бұл жердің ауа райы қызық негізі. Күндіз де түнде де бір ауа райын ұстап тұрады (+30). Сондықтан бірінші рет келген кісі күндіз жарық, түнде қараңғы болғаны үшін ғана алмасуды сезіне алады. Биік үйдің 19-ыншы қабатынан тұрып жасыл қаланың сұлулығынан бәһра алудың өзі бір басқаша, негізі (лібәәә, тым әсірелеп жіберетін әдетімді қоя алмай қойдым осы). Несін айтайын, қала сөз жоқ әдемі. Осы орайда қосымша мәлімет үшін бірнеше жақтарын санап өтсем:
1) Халқының барлығы дерлік ағылшынша біледі.
2) Қалада поезд және метро тұрақты жұмыс істейді.
3) Көпұлтты.(Қытайлар, Үнділер, Тайлар көп. Анда-санда көшеде көшеде қазззақтарды немесе орысша сөйлесіп бара жатқан адамдарды көре қалсаң мәз боп қаласың)
4) Жолдары сол жақ бағытта. (Көліктерінің барлығының рөлі оң жақта (осыны көркемдеп нем бар еді))
5) Машина прокатқа алу қиын емес.
6) Көлік иелері машинасын прокатқа алуыңыз үшін жүргізуші куәлігін сұрамайды.
7) Бензин бағасы Қаззақстаннан арзан (бірақ, такси қымбат)
8) Саяси тұрақсыздық деген жоқ. (Саясатпен айналысып жүрген ешкім жоқ Саясатты С.Б ға тапсыпып қойған)
9) «Неге малай бола тұрып ағылшынша сөйлейсіңдер» деген әңгіме өтпейді
10) Табак пен алкогольге қарсы күрес жақсы екен.
11) Квартира төлемақысы арзандау және Алматыдағы сияқты ер балаларға арендаға бермейміз деп жылап тұрмайды.
12) Wordpress, Blogger, Livejournal, Blogspot ашылады
13) Саудаласып базардағы заттың бағасын екі есеге дейін түсіріп әкете аласың (Бальзам мәстір екен бұл салада)
14) Адамдарды ашу, стресс деген нәрсе жоқ-ау шамасы. Жолда кептелісте тұрып «жолдан тұр е, шешең» деген нәрселер байқамадым.
15) Лібәәә, саусағыңның ұшы тиіп кетсе болды, кешірім сұрай береді.
16) Келгелі жол шетінде бірде-бір жол полициясын, мұсыр ағаларды көрмедім.
17) Массаждың мың түрі бар
18) Сұлу қыздар джееетед
Барлық жерді аралап қайтуға құлық жоқ. Не асығыс, әлі екі жыл боламын. Тамақтарына үйренесің. Нандары жұп-жұмсақ бірдеңе, қамыр немесе сыр жеп жатқан сияқты боласың басында
Опшым, әзірге жазатын дым болмай тұр, оның үстіне бүгін жаңбыр. Көңіл күй түсіңкі әдеттегіден. Келем деушілерге есік айқара ашық. Қаладан 60 шақырым қашықтықта орналасқан аеропорттан күле-күле күтіп алуға дайынмын
Мынау мен ұмыта бастағандар үшін

айтпақшы, анау жүзіп бара жатқан шын балық