“Мәңгілік ел”

Қаламыздағы (Павлодар) орталық көшелердің бірінде мынадай жазуы бар билборд тұр: “Ата-бабаларымыздың сан ғасырлар бойы армандап өткен азаттығымыздың жиырма жылдық мерекесі бар қазақтың есінде мәңгіге сақталатыны айқын”. Сонда мәселе “бар” қазақтың есінде қалай сақталатынында. Өткенде бір ағай айтады, 20 жылдықты әупірімдеп жүріп тойладық, енді отыз жылдықты тойлай аламыз ба деп. Неге деп сұрадым. Өйткені кедендік одаққа өттік, ол дегенің тәуелсіздіктен айрылудың бірден-бір алғы шарты, сол себепті 30 жылдықты елестету қорқынышты дейді. Отандық баспалардың басым көбі 20 жылда жеткен “жетістігімізді” жарыса жырлауда. Расында жете алдық па жетістікке? Әбден құлдырап, қираған ауылдың жағдайы анау. 20 жылда тек бір адамға ғана табынып, сыбайлас жемқорлық шырқау шегіне жеткені жасырын ба. Айта берсең түбіне жету мүмкін емес. Жаңағы билбордтан 100 метр жерде тағы біреуі тұр. Онда: “Дүниеде қазақ деген ел барда қазақ тілі мәңгі жасай береді”. Тәуелсіздік алғаннан бері не тіл, не дін дұрыс қалыптаса алды ма? “20 жылдың ішіндегі жетістігіміздің ескерткіші ретінде “Мәңгілік ел” қақпасын ашып отырмыз” депті елбасы ашылу салтанатында. Жалпы осы “Мәңгілік елді” ашпас бұрын соған лайық болып алу керек пе еді, әлде ашып алып сосын әрекет жасау керек па? Ооооо, біз енді мәңгілік елміз!
“Мәңгілік ел”… “Мәңгілік ел”… “Мәңгілік ел”…