Есіміңнің сырын білесің бе?


Менің атымды көп адам дұрыс айтпайды. Дұрыс айтпағанда, Н мен Гүлге қатысы бар аттардың бәрімен аталып кете беремін: назира, Гүлназ, ГүлнӘз, Гүлзада, Нұргүл, Гүлнұр, Гүлнар, Назерке, Наргиз, т.с.с Тек Назым дегендерге ғана ренжімеймін.
Кейде мамама «менің атымды өзі азан шақыртып қойғызғансыңдар ма?» деймін.
Мен әкем мен шешемнің бес жыл дегенде көрген тұңғыш перзентімін. Және апамның қызымын. Апам бірде ұйқысынан «дәлел айтып» ояныпты (діни сауатым жоқ, оның не екенін білмеймін). Сол кезде «кенжемнің тұңғышының атын Дәлел» қоямын деп шешіпті. Оның үстіне, Қытай қазақтарының кумирі Шығыс Түркістандық генерал Дәлелхан да бар.
Содан, мен туғанда апам менің атымды «Дәлелгүл» қоймақ болады. «Баланың не жазығы бар?!» деп әкем зар илепті. Ол кездері біздің үйімізге үлкен үлкен жазушы, ақын, музыканттар көп жиналады екен. Солардың бәрі жабылып маған ат таңдамай ма. Не керек, қазақ тарихындағы, әдебиеттегі «мынау деген» есімдердің бәрі аталады. Бірақ бірін апам, бірін әкем «балаға ауыр болады, тым маңызды ат» деп қойғызбапты.
Осылайша, атсыз қала жаздаған мен байғұсқа ақыр аяғында әке-шешем осыдан үш жыл алдын бауырына салып алған, бірақ мен туардан аз бұрын ол кезде емі жоқ лейкимиядан шетінеп кеткен тәтемнің қызы Гүлназдың есімі бұйырыпты.
Ол сәби ақжолтай болыпты біздің отбасына. Менің артымнан ұл да, қыз да ерді. Апамның арманы да орындалды. Сексен жетінші жылғы ініме Дәлел деп ат қойды.
ЗЫ. Нәзігүл, Назигүл деп атағанды жақтырмаймын.
Бөлісу:

78 пікір

meirzhan
«Властелин колецтегі» Назгул деген нұсқа ше? ))
dark_nazgul
«Назгул» деп мені тек екі-үш досым ғана атайды.
AL-ASTER
Менің есімім былай «Нұр»лардың кезіне дәл келіп қалыпты ғой. Ал, негізі оны қоюдың оқиғасы былай екен: Туған-туыстар мен папамның көп достары былай қой тұңғышыңның атын былай қой дей берген соң, ешкімнің көңілі қалмасын деп лоторея типтес ойын жасап жіберіпті. Сосын папамның бір жақын досы қойған *Нұржол деген есімі бұйырыпты.
FaraOn1
cutты айқайлайтын AKY кайда кеткен мынаны көрмей))
araika
хехе, АКА ғой ол
FaraOn1
ТОка айғайлауды білетін АКА ма))) АКУ деген де бар гой дим я?
araika
Бар. Айғайлау дегеніне қараған жоқпын.
dark_nazgul
АКА ғой, юношеский максимализмнен арыла алмай жүрген)))
AKA
юношеский максимализмнен
… дәл осылай 8-9 сынып оқып жүргенімде айтсаңыз келер еді, ал қазір олай дей алмас едім.
AKA
ТОка айғайлауды білетін АКА ма
Осы уақытқа дейін ешкімге айқайламаған сияқты ем, сөйлегенде де үнім жәй шығады. Ал, cut қою мәселесін тек өте ұзақ деп тапқан жазбаларда ғана айттым.
araika
Менің атымды көп адам дұрыс айтпайды.
Мені де Әйгерім деп шатастыратындар бар
Бойымда жаман әдет бар: Әңгімелесушімнің есімін сұраймын, бірақ қабылдамаймын.
meirzhan
Әңгімелесушінің есімін білмей көп уақыт сөйлесіп тұрған кездер бола ма  сұрауға ұялып)
araika
жоқ, сұраймын. Бірақ, жәй "әңгіме болсын"-мен сұрайтындаймын.
meirzhan
ааа, иә. "Әңгімелесушінің есімін еске түсіре алмай көп уақыт сөйлесіп тұрған кездер" деп сұрағым келген  
анкетасын да қарай алмайсың )
dark_nazgul
бір рет кездесіп, танысқан адам екінші рет жолығып қалып, мені танып, сөйлесіп тұрғанда «осының аты кім еді» деп ойланып тұратын кездерім болады.
Zhan
Менің атым Жансая болса да кейде бір-екі адам болсын Жазира деп шатастырады. Жыным келеді Жазира десе. Сосын фамилиямды айтып тұрсам да Садықбаева или Садықова деп жазып қоятынын қайтерсің. Күйіп кетем де әйел адам болса «Апай, мен сізге Садықова деген жоқпын, Сыдықбаева дедім» деп айттым қайтадан жазғызамын. ҚҰлақтары естімей ме или сауатсыз ба, бетіңе мәңіріп қарайды да үстінен шимайлап түзетіп отырады. Кейде бір мекемеге барсам қате жазбас үшін төлқұжатымның өзін ұсынатын кездерім де болады. Бірде төлқұжатымды алып тұрып, дұрыс жазбаған қызды көрген кезде таң қалмасқа шарам қалмады.
Адамның атына келгенде кейде менде шатасамын, бірақ қате жазған емеспін.
Gastarbaiter
Шыны керек өте тітіркендіргіш момент. Адамның өз есімі ең сүйікті дыбысы © деп бестселлерші асүйлік психологтардың пионері Дейл Карнеги айтқандай, осы жайтты ЦОН-да, жалпы қызмет көрсету аяларында істейтіндерге мықтап үйрету керек.
Тіпті кейде қонақтың атын шатастырудан басталған отырыс, аяғы құсық отырыс боолған кездері бар.
Екі рет атын шатастырамын деп, жаңа ғана жата кетуге дайын болған қыздар талай жігітті наққа жіберген. Талай қатындар атын шатастырамын деп таяқ жеп, өміріне балта шапқан, (кейде тура мағынасында)…
KILYZAMAN
… Гастарбайтерлік ұғым(пайым)...
asaubota
менің де атымды көп шатастырады. ершат, Нұршат деп. неважныйлау адам болса дұрыстап әуре болмаймын

ал, былай атымның мағынасын кейінірек білдім, интернет пайда болғасын

түріктер соңын Д-мен айтатын, Аршад деп.
Zhan
АРШАТ — 1. В арабском языке слово аршад означает «самый умный». 2. В персидском языке слово аршад означает «старший, большой, высший». — Бәсе неге, слишком дамып кеткен деп жүрсем…  Негізі шынымен есімің сирек кездеседі. Айтпақшы, универде ХҚТУ-да жүргенде менің де атымды түріктер айтуға қиналатын. Атың қиын деп. «Я» әрпін айтпастан Жансаа дейтін.
omarbirat
түріктер соңын Д-мен айтатын, Аршад деп.
Күршад деп шатастырғандары болған жоқ па түкеңдерден?
Параллель сыныпта сондай бір түрік бала оқып еді. Бала деймін-ау, түріне қарасаң, бала-шағасы бар мұжықтар сияқты еді.
asaubota
Иршад, Решад болдық
Tarazkyzy
Мен құрсақта жатқанда Қарлығаш есімді туысымыздың қызы анама: "Қыз туылса — Сандуғаш, ұл туылса — Радж деп қоясыз" деп "қатаң" талап қойған екен. Апасының ерке қызы, сөзін жерге тастауға болмайды, оның үстіне енемен қарсыласпау керек. Не керек, әйтеуір, бағым бар екен, бұ дүниенің есігін ұл емес боп ашыппын. Содан азан шақырылып, Сандуғаш есімін еншіледім.
Zhan
Әйтпесе Дінмұхамед Эрнст сияқты Радж Кәрібжан боп жүрер ме едің?
Tarazkyzy
айтпа. Сандуғаш емес, кей-кейде Салтанат боп кетем. Радж болсам, тошно шатыстырмас еді-ау деп ойлап қоям кейде.
Abilakim
Менің есімімді әкемнің өзінен бір жас үлкенәпкесі қойған екен.Сол кісі келіншегім босанғанда басы-қасында болды. Есімімді шатастыратындар бар. Аймұрат деп айтқандар, Айтуған дейтіндер де кездесті. Қазақтардан көрі орыстар тез жаттайды есімімді.
omarbirat
Мен туылғанда әкемнің түсінде бір шал, «Балаңның атын Омар қой» деген екен. Әбубәкір, Омар, Осман, Әли деген халифтер болғанын кейін білдім ғой. Аталарымыз халиф Әбубәкірдің Сыдық деген лақап атын екінші халифтің аты деп жаңсақ түсініп, әкемнің жиенін Сыдық деп атап жіберіпті. Төрт халифтің аты Әбубәкір, Сыдық, Омар, Оспан деп білген ғой. Ұлым туылғаннан кейін оны мен түзеттім
Zhan
Сыдық — осы төрт халифтің бірі екенін кейін білдім. Атамыз молда болған кісі екен. Сол кездегі адамдар көбіне діни есімдерді қойған ғой. Рахманды — Рахманқұл, Мұхаммедті — Мұхамбет, Сыдықты — Сыдықбай деген сияқты.
omarbirat
Халиф Әбубәкірді адал болғаны үшін Сыддық деп атаған екен. Әбубәкір Сыддық, Омар Фарух деп атаған кезде, оны естіген біздікілер есімдердің араларына ойша үтір қойып алған болса керек
Esdaulet
Ulinin esimi Osman ba?
omarbirat
Ағамның ұлы болған. Екі айлық кезінде шетінеп кетті.
omarbirat
Бірақ аты Оспан болған.
omarbirat
Менің атымды Омарбек, Ораз деп шатастырғандар болды. Кілең орыстілді ортада жүргенімде, амал который, «Амар» атанып жүрдім. Мені іштей теңіз шаянына теңеп, бұттан кетіп жүргендері де болған шығар, бәлкім. Әйтеуір бетіме айтпаушы еді
dark_nazgul
Менің Дәлел інімді Дален, Дәлен дейді жұрт.
Erkekyz
Менің есіміді шатастырғандар болмапты. Бірақ бір форумда есімім қойылуы туралы былай жазып кеткен едім:
Менің есімімді папам койған болып есептеледі. Неееегізінде әпкем койған екен Раушан деп. Ауылында 10 бала туған Раушан деген акылды әйел бар екен, соған ырымдап койған мыс. Содан папм туу туралы куәлік алуға барса менің есімімді умытып капты Білмеймін әйтеуір Р-дан келетін гүлдің есімі десе, андағылар Райхан шыгар деп жазып жәберген екен. Солай Райхан болып кеткен есімім. Раушан болмаганым кандай жаксы болган деп коям, бірак кім білген?!
Abilakim
Иә, кім білген...әлі де үлгерерсің он бала тууға.егер маңдайыңа солай жазылса
Erkekyz
Негізі Райхан базилик қой, кейбір инфоларға сенсек Райхан «Тот, кого любит Аллах» деген мағына да береді екен.
balzaminka
менің атымды жеңгем қойған, бірақ Гүлшат емес, есімде жоқ нақты қандай екені, әйтеуір өзбекшелеп қойған. Менен үш жас үлкен апамды босанарда толғатып жатып түс көрген екен мамам. Сол түсінде Жанат пен Ляззат бар, енді Гүлшат болсын деп жатады. Содан босанғаннан кейін апама үш айға дейін ат таппайды, анау ұнамайды, мынау жақпайды дегендей. Гүлшат деген обшым ұмытылып кеткен ғо. Басқа жеңгем Манат деп қойған апамды. Енді менің атымды қояр кезде жеңгем менің атымды айтқанда бұрынғы түсі есіне түсіп, Гүлшат қылып алады. Егер Манатты Гүлшат деп қойғанда сен дүниеге келмес пе едің дейтін марқұм анам
satibaldi
Тұра тұрш, тұра тұрш — қайтадан айтшы? Түсті сен бе көрген?
balzaminka
солай сияқты ма не?
konvict
менің атамды әкем қойған екен. Неге екенін сұрамаппын. Кейде елдер «Ойбай»(оңбаған қодық), «Айбай» деп атап қалады.
KILYZAMAN
Қилы мен Қыйлы дегеннен не өзгереді? Сасыған дүние емеспе екеуіде
VKM
Аға, бір кезде Қилызаман деген 2 ник болып еді ғой. Солай деде)Кім ді сол?
KILYZAMAN
Кендебайдың мені клондап шаршаған кезін айтып отырмысың?
VKM
Иә.Кендебай деген кім, а? Ол қазір бар ма?
KILYZAMAN
Нигі ken-тын, аватары -007. Қазір бар жоғын білмеймін.
satibaldi
Жақсы, Абайдың қасына жерлейміз дедік қой, қоя ғой енді.
KILYZAMAN
Сенде бір төбе болдың деумен тепкілеп көме салуға соншалықты асығуыңа себеп барма?
satibaldi
Әрине, данышпандықтың шыңын бағындырдың, енді кері кетпей тұрғаныңда, есімізде мәңгіге ғұлама боп қалсын деп едім.
KILYZAMAN
Алжуға деген құқымнан айыра алмассың…
janarbek
Өз есімімнің не мағана беретінін білмеимін)))
MickThatsMyNick
Бір рет нағашы апама кішкентай кезінде ат қоярда әке-шешесі 2 есімге тоқтаған: Мая немесе Сая деп, бірақ нақты бір шешімге келе алмаған. Содан олар нағашы әжеме барып сұрапты, қайсысын қояйық Мая ма әлде Сая ма? Әжем: Мая да емес, Сая да емес, Қая деп қойыңдар депті! Содан атын кейін Гүлнара дегенге тоқтаған.
dark_nazgul
«Біреуі Айда, біреуі Сайда, қойғызбаймын» депті бір апа егіз қыздарына Аида-Саида деп ат қоймақшы болған балаларына.
Simona
Бiздегi есiмдердiң көбi aрaбшaдaн келгенiне соңғы уaқыттa мән бердiм. Кейде ойлaйм, неге менiң aтым мен фaмилиям aрaбшa емес деп. Мәселен Құсaиыновa Жәмиля десе, шетелдiктерге бiрден түсiнiктi, естiп құлaқ үйренiп қaлғaн есiмдер. Менiң aтым қaзaқшa, фaмилиямдa қaзaқшa. Сiңлiм мен iнiмнiң aттaры aрaбшa-пaрсышaдaн тaбуғa болaды.

Жaздa ҚЗғa бaрғaндa мaмaм «Унутмa бени» телехикaясын қaрaп жүр екен. Кешке мaмaмa: әлгi «Теңiздерiң» бaстaлды десем, мaғaн бaжырaйып қрaйды. Теңiзi несi!? деп. Денизшi! Aa, Дениз деген Теңiз бе едi? Иә, Шерифе-Шaрипa, Осмaн-Оспaн, Ебубекир-Әубәкiр тб. Яғни бaйқaсaм «тaзa» қaзaқшa aттaр aз.

Кейбiр ескi aттaр қaзaқи болaды. Пaпaмның aты Сaбит, бiр aрaбтaн сұрaсaм: Субботa дегендi бiлдiредi дейдi :-) Олaр С-әрiпiн сaқaу сияқты aйтaды екен. Мирaс деген aтты дa.
asaubota
тіліміздегі көп сөздер араб және парсы тілдерінен ғой енді.
salta
Менің әкем туылғанда малшылар «Жаманбұлақ» деген бұлақтың жанына тұрақтапты. Сонда шалдар келіп, баланың атын осы бұлақтың атымен қояйық депті, сонда атам бәрін бір боқтап алып, қатындарыңды тудырып алыңдар да өз балаларыңды солай атаңдар деп, әкемнің атын Сәрсенбай қойыпты… жүрер едім осы кезде ЖаманбұлақОВНА болып, атама өмір бақи ризамын…
Gulzhanat
Маған нағашым Әйгерім деп ат қомйақ болып, әжеме қатты жалынған екен. Рұқсат бермепті. Енді қызығы, Әйгерім есімді қыздармен достығым жараспай-ақ қойды (((( Жәй кездейсоқтық деп жұбатып қоямын өзімді )
Мына ксінің аты ұнайды маған!!!

Лакота руынан шыққан шайенндердің көсемі Жерде Отырған Бизон. О как!
meirzhan
Маған нағашым Әйгерім деп ат қомйақ болып, әжеме қатты жалынған екен. Рұқсат бермепті. Енді қызығы, Әйгерім есімді қыздармен достығым жараспай-ақ қойды
Шайендер көсемінің заклятиесі болса керек.
Gulzhanat
Ужс!!! АҚШ-қа бара қалсам, Монтанаға — міндетті түрде! Қазақтардан өкіл болып… Племенной Советпен әңгімелесіп, трубка шегіп...)Заклятиені шештін шығар; Р
Gastarbaiter
трубка шегіп...)
Психонафт детектед
Gulzhanat
барып тұрып татпай кету күнә ))
Gastarbaiter
Саңырауқұлақ шайнап, өлі әруақтармен сөйлесіп қайт келесі де
Gulzhanat
ОК) Келгесін сізге де шаманизм құпияларын үйретемін
Gastarbaiter
 Тек шынымен болған триптеріңізбен бөлісіңіз, Кастаньеданың кітаптарынан үзінді келтіріп кетпей
Simona
Tatanka Yotanke aka Sitting Bull
AKY
«Бандыны қуған Хамиттегі» Әйгерімнің құрметіне қойылған. Сол киноны көре сала ағам мен апам "қыз туса Әйгерім, ұл туса Хамит деп қоямыз" депТ. Әкем Ләззат апама ұйқастырып Гүлзат деп қоя салмақ болыпты, оған бірақ бауырларым көнбепті.
Zilola
Әкем Мақпал деп қойыпты атымды, бірақ бір танысқан адам Ақмарал кейде Марал деп атайды.
А так үйдегілер, таныстарым үшін Макош, Маха, Махонтай )))
araika
Құрбымның есімі де Мақпал болатын. Ол Мако деп атағанды ұнататын. Бірақ, мен ылғи Мақпал дейтінмін. Әжесіне Ақмакошсабақтан шыққанда есік алдынан күтіп алатын еркелетіп…
Abilakim
Марал десе дұрыс Ақ Маралы несі)))
araika
«Адам есімін бұрмалап айту — күнә» дегенді естіп, әжем «Арайлым деп толық айтыңдар!» дейтін. Бірақ, әліге дейін тілдері келер емес. Және маған да біртүрлі, жат көрінеді.

Өзіме Дидар деген есім ұнайды (ер балалардағы).
Daniar-Alan
хехе… ал маған апам Меркурий или Тастанбек деп қоймақшы болған атты… егер солай қойылғанда қазір жүретін ем… Меркурий Акилбекович,… болып…
Delhi
Бибінұр. БИБІ мен НҰРдан жаралған әсемде, нұрлы қыз болсын деп қойыпты.
dark_nazgul
Менің үлкен ұлымның аты Сейдахмет, қызымның аты Шырақ болып кете жаздаған. Құдай сақтады.
satibaldi
Құдайдың басқа шаруасы жоқ дейсің ғой