Высоцкий. Спасибо, что живой

Кеше мына киноға бардым… Алдында осы керек.инфода басты ролді кім сомдаған деп талқылаған сияқты едік… Кеше кинода көзім жетті, Безруков ойнаған… Безруковтың киноларын көргендер, оның қимылдарын, сөйлеу әдісін байқайды деп ойлаймын…

Енді киноға келер болсақ… Кино шынымен өте өте жақсы түсірілген..Қатты толқып шықтым… Высоцкийдің жағдайын түсінгендей болдым… Білмеймін, ондай адам болу оңай емес қой… Кеңес дәуірінің қыспағын қатты сезесін… Ондай деңгейдегі адамдарға қаншалықты қиын болғанын тағы бір көресің… Актерлардың құрамы да өте сәтті таңдалған… Иван Ургант та, Панин де жақсы ойнап шықты..Әсіресе Панин… Нағыз шебер ғой… Кинода Высоцкийдің жеке докторы болып ойнайды… Кинодағы істегендері енді керемет…

Высоцкийдің клиникалық өлімге кеткен кездегі айналасындағы адамдардың абдырап қалған сәттері, арпалыстары, қандай шеберлікпен түсірілген десеңші..Құдды өзің де сол сәтте солармен бірге сол жерде жүргендей күй кешесің… Актерлардың кинодағы ролдерін қатты беріліп ойнағандары білініп тұр… Мен бұл киноны Оскарға жіберер едім… тіпті сол Оскардың бірнеше бас жүлдесін алады дер едім…

Әсіресе киноның соңғы жеріндегі Ташкенттен ұшу кезіндегі болған оқиғалар мықты қолға алынған…

Қысқасы бұл киноға бармаған болсаңыздар, достарыңызбен бірге барып қайтыңыздар..Өкінбейсіздер… Мына у шу дүниеден сәл болса да қашып, ескі кеңес дәуіріне барып демалып қайтасыз…
Бөлісу:

69 пікір

Zere
Ия, алдында біз де барып, жақсы әсерде қайттық. Әсіресе, соңында самолетпен ұшып бара жатқанында Акиньшинамен мен де жылап жібере жаздадым. Высоцкий сияқты адамдар қоғамда көп меніңше. Білімді, саналы, бірақ әлсіз… Сол проблема да фильмде қозғалған сияқты меніңше. «Жақсы көрсең, қанша қиын болса да — қаласың» дегені. Жалпы бәрі жақсы болды. Бірақ дәрігер — Панин біраз дәрігердің образына келіңкіремеген сияқты. Ал қалғаны бәрі керемет.
Bekjan
Панин сол кинода керек дәрігердің ролін ойнады… Дәрігер біткеннің барлығы ақ халат киген абзал жандар емес..Ішінде стандарттардың тысында жүретіндері де болады… Высоцкий айналасындағы адамдардың тұтқыны ғой… Былай қарасаң, досы Паша, доктор, актер Федя, барлығы оңбаған ғой… адамның наркоман екенін біледі… бірақ оған көмектеспейді, қайта сол наркотикті алуға көмектеседі… Бірақ барлығы дос..
Zere
Ақшаның жетегінде кеткендер… Бірақ Высоцкийде де пендешілік болды-ау деймін…
Bekjan
Болған шығар, бәрімізде бар ғой пендешілік… Оның деңгейіндегі адамдарда тем более..Әлгі КГБ агентінің ана оңбаған өзбекті бір екі рет ұрып тастағанын бүкіл зал рахаттанып қараған шығар..))
Zere
Ия, дәл сол кезде неге барып, көмектеспеді деп ойлап едім. Бәрі мен ойлағандай оңай емес екен ))))
Bekjan
Типа Американский кинолардағы сияқты ту желкесінен біте кетіп, тепкілеп тастауды күтіп пе едің..) Мен де соны күттім… Американың сорақы кино клишелерінің кереғар әсері..)
Gulistan
Бекжан, рахмет! Көрсем бе деген ойымды одан сайын бекіте түстің. Безруков шығар деп ойлаған едім мен де. Бірақ оның көп фильмде реалда болған адамдарды сомдауын көбі ұнатпай қалыпты ғой.
«Страшно, что после твоей смерти о тебе снимут фильм, и тебя сыграет Безруков» депті В.Гафт та.
Bekjan
білмеймін, Безруков мықты артист, театрдың артисті ғой… Пушкиннің ролі де маған ұнаған, Есениннің де… Басқалар не десе десін..)) Сомдаған ролдерін жақсы ашатын сияқты… Высоцкийдің ролі ерекше енді… Шыны керек…
Gulistan
Әрине, Безруков «Бригададан» жинаған абыройын алып келе жатыр ғой. Бірақ қызғанған көздер де бар. Мүмкін Гафт сомдаймын ба деп дәмеленді ме екен?
patick
«Страшно, что после твоей смерти о тебе снимут фильм, и тебя сыграет Безруков» депті В.Гафт та.

Валентин Гафт дәмеленбей-ақ қойсын, ол туралы кино түсіру ықтималдығы нөлге жуық
qisyq
Рахмет, Бекжан. Біз мына мақалаңды сенің атыңнан Киностанда жарияласақ бола ма?
Bekjan
Әрине… Біз үшін Киностанға рецензия жазу үлкен құрмет қой ))
qisyq
Не дид, қасқа, ибай, адамды ұялтпай, қойшы әрі (сылқ-сылқ күлкі).
Abilakim
Торренттен күтемін.Себебі, әкем жақсы көреді Высоцскийді. Ауылға міндетті түрде беріп жіберемін.
Aikona
Кеттім бүгін көрем
Bekjan
Мен Высоцкий туралы талай деректі фильм қарадым… жыл сайын «Своя колея» фестивалін жібермеуге тырысамын… Сол деректі фильмдерде оның ескі теле жазбаларын көргенмін… Мына киноны көріп отырған кезде, сол Высоцкийдің өзі сөйлеп тұрғандай әсер алдым… Иә, кей жерлерінде Безруковтың «фирменный» сөйлеу мәнері байқалып қалады… Бірақ, сонда да Безруков Высоцкийдің дауыс ырғағын, тембрін жақсы жіткізе білген…
Zhan
Бардым көріп. «Керуенде» коллективпен. Зал адамға лық толы болды. Шыны керек, бұрын Высоцкий дегеннің кім екеніне де, әндеріне де онша мән бермейтінмін. Ертесіне жұмысқа келе салып Интернетті шалсам орағаңдардың өзі фильмді сынап тастапты. Жақсы түсірілмеген, Урганттың басына неге парик кигізіп қойған, кейбір кадрлар көңілден шықпайды, талай жыл түсіріледі деп шулап жүрген кезде Бұқарға барып наркоман екенін көрсеткісі келген бе, әскери ұшаққа ана әйелді қалай мінгізді деген сыңайдағы пікірлерді қарша боратыпты. Жеке көрермен ретінде фильм маған да ұнады. Высоцкийдің қандай заманда өмір сүрсе де жаны нәзік екенін жақсы жеткізген. Айналасындағы адамдар оның таланты арқылы ақша тапқысы келеді, ал ол бәрібір Высоцкий болып қалды.
Gulistan
Запойға түскен адамды наркотикпен емдегендері енді, аяусыз әрекет қой. Тура Мвйкл Дджексонның дәрігеріндей.
Gulistan
Әлбетте Майкл Джексон
meirzhan
Бәсе, Безруков екенін сезгем. Әндерін, өлеңдерін орындап жүруші еді. Ол орындамас әділетсіз болушы еді.
sammita
міне мен не үшін ресей фильмдерін ұнатам
рахмет, Бекжан, көрем міндетті түрде.
Aikona
Мен кеше көрдім, сіз жазғандай әсер ала алмадым… Мүмкін, қасымдағы адамның әсері шығар. Высоцкийден Безруковты аңдыдым да отырдым…
Bekjan
Қасыңыздағы адам кім болды екен әсер алуға кедергі болған деген ой кетіп тұр… Безруковты таптыңыз ба енді? Көз жеткізе алдыңыз ба?
Aikona
оның ойы бойынша кино скучный, актерлар дұрыс таңдалмаған…
Басында екеуі кездескенде дене бітімі мен мұрындары қимыл қозғалысы келетін сияқты болды
Bekjan
Киноның басында Безруковтың қысқа ғана ролде басқа адамның сомдамасы да қызық негізі… Ол тек ана титрлерде Безруковтың атын жазылуын ақтап алу үшін жасалған продюссерлердің айласы сияқты… Негізі продюссерлер Высоцкийдің ролін Безруков ойнады деп ашық айтудан қорыққан сияқты… Себебі Безруков Пушкиннің, Есениннің, Иса пайғамбардың ролдерін ойнағандықтан халық арасындағы неше түрлі анекдоттар шығып кетті… Сондықтан мына киноның да кинотеатрға көрермен тартуына кедергі болады деп ойлаған болуы керек… Ал былай, керісінше көп адам шынымен басты ролді кім ойнады екен деген оймен де барады…

Себебі сюжет ретінде таңдалған тақырып өте ауыр тақырып… Высоцкийдің қайрандары үшін оның наркоман болғанын мойындау ауыр..Қайрандары емес, оның баласы Никита үшін де ауыр… Бірақ, шындықты қанша жасырсаң жасыр, бәрі бір шығады ғой..Өмірінің соңғы бір жылын алуы өте дұрыс шешім… Себебі Высоцкий драмасының соңғы пердесі сол соңғы бір жылы…
Bekjan
Мына жазудағы "қайран" сөзі үшін Нұрғиса, Аршат сияқты жігіттер тиісетін болды ау тағы..) түзету функциясы жоқ, орнына басқа сөз қояйын десем..)
Zhan
Беке өз-өзіңді ұстап бердің. Енді түсіндір, "қайран" деген сөз не сонда?
TERISKEY
қайрандары — фанаттары.
Bekjan
"қайран қалу" бар да сол "қайран" болу жоқ дегендей… біраз түрікше «хайран» деп қолданылады, сол ғой айтпағым… Аршат пен Нұрғисаның маған тиісетіні, менің кейде түрікше сөздерді қосып жіберетінім сөздеріме..Қайта бұрыңғыдай емес біраз арылдық қой солардың арқасында… Енді жеті жыл сол елде тұру оңай емес..))
Zhan
))) Оһо, тағы бір информация! Жеті жыл Туркияда тұрдым дейсіз бе? Высоцкийді Безруков жақсы ойнаған, менің жүрегіме жеткізе алғандықтан ба, бұрындары ешқандай мән бермей келген талантты көрмесем де, білмесем де жақсы көріп кеттім. Сосын кинотеатрдан шығып бара жатып, маған тағы бір ой келді. Высоцкий дүниеден өткен жылы мен дүниеге келіппін. Оны көру бақыты бәрібір бізге бұйырмаған екен. Дегенмен, кино арқылы қауышқанымыз да аз емес.
Bekjan
Сіз информация коллеционері екенсіз ғой, Сарбаздың қыздарының бәрі сондай шығар… ақпарат жинағыш..)) Дайын тұрған агенттер тегі..)

Өмір баянымды бір талдап жинамай блогыма бар оптым ала салсаңызда болады негізі..)
sammita
қалай-қалай әңгімелеседі, ә? Жастар пысық
Zhan
Ақпарат жинағыш деп жаман айттыңыз ғо(((
Bekjan
Ол қайта жақсы нәрсе сияқты… жаман ниетте айтқан жоқпын… Еліміздің қауіпсіздігі үшін, әртүрлі ақпаратқа құлақтары сақ жүретін адамдарға мың алғыс қой..)
Zhan
Мен сізді шыны керек Қытайдан немесе Моңғолиядан келген шығар деп ойлағам. Сөйтсем сіз Түркия деп жазып қойыпсыз ана жерге. Содан ғой, эмоциямды жасыра алмай айтып салғаным.
Bekjan
Маған «сол жақтардан келген ағайындардансың ба?» деп сұрайтындар жиі кездеседі..) Неге екенін қайдам… сөйлегенде соларға ұқсап сөйлетін болсам керек..))
Aikona
негізі маған кино ұнады, адамның қиналған сәті, достар деп жүргендерінің арамдығы, кейде жау санаған адамдардың жақсылығы. Былай қарасаң бәрі адамгершіліктің айналасында болғандығы, тіпті идеал санаған адамдардың әлсіз тұстары мен минустарын ашық көрсете білу.
Мені киноға қызықтырғанда Димаштың басты рольді кім сомдады деген ойлары қызықтырды ғой, киноның фишкасы да сол болған сияқты.
Bekjan
Иә, дұрыс айтасың… Киноны Высоцкий қатты әсірелеп, оның тек жақсы жақтарын ғана көрсетіп түсіруге болады… Бірақ, оның да бір адам екендігін, және өмірде көп қателік жасағандығын көрсету, батылдық деп білем… Оның үстіне жан жақтан келетін сындарды біле тұра…
sammita
Высоцкийден Безруковты аңдыдым да отырдым…
бәріне Бекжан кінәлі, жазалау керек

алдын ала ашып қойды құпияны. Иә, Бекжан айтып отырғандай Безруков екенін режиссердің айтпау себебі де сол болар бәлкім. Менің оқығаным, Высоцкийдің ұлы өзі қаламапты, жұрт әкем деп қабылдасып, әкемді актермен байланыстырмай шынайы тануын қалаймын деп.
Bekjan
Иә, онысы да дұрыс екен..Ұлы үшін сол жабық тақырыпты ашуға келісуі үлкен сын болған екен… Жарады… Никита негізі үлкен қасіреттің, мұңның адамы сияқты келеді маған… Жыл сайын 30 қаңтарда Ресей телеарналарында шығатын Высоцкий туралы деректі фильмдерде көріп жүрмін, сондай әсер аламын… Ондай адамның ұлы болу қиын шығар…
omarbirat
Титрларда Безкуров екені жазылмаған ба?
Bekjan
Жазылған ғой, әңгіме сода болып тұр ғой… Сол үшін Безруков кионың басында Высоцкиймен бірге бір кадрде болады… Басқа бір адамнын ролінде, болды… Басқа киноның еш жерінде көрінбейді… Безруков бір екі минуттық рол үшін киноға түсетін адам емес қой… Сондықтан, ол кадрдің фильмде болуы, Безруковты титрге қосудың амалы деп ойладым…
omarbirat
Торрентін асықпай күтіп, бір қарап көретін екен онда

Оскар туралы. Фильмді олардың сотына тапсыру үшін Оскардағы киносыншылар Высоцкийдің кім екенін білуі керек пе деймін. Высоцкий әлемге танымал адам болмай шықса, Кино академиясындағылар тақырыпқа кірмей, жай ғана қатардағы биографиялық фильмдерді қатарына жатқызып жіберуі де мүмкін ғой. Қателесуім мүмкін, бірақ Высоцкий СССР көлемінде атақты болған секілді. Әлемді қаншалықты танымал болғанын білмейді екенмін.
balzaminka
Омеке, қаласаңыз, осы жерден көріңіз, әлі өшірмей тұрғанда. Зорға таптым, Бекжанның жарнамасынан кейін қызығушылық деген выше крыши )
omarbirat
Рақмет!
Жүгіртіп қарап шықтым. Безруков екен
asaubota
бұл киноға бармай-ақ қоюға бола ма? әлде қоғамда кейін мәмбет болып қалу қаупі бар ма? просто маған ұнамайды да Высоцкий да оның шығармашылығы да.
Aikona
түсіру сапасы ұнамады маған, көзіңді ауыртып жіберетін сияқты. Высоцкийдің көп өлеңі де айтылмайды, пікір таластыруға көруге болады.
Bekjan
Енді киноның аты кино ғой, концерт емес..)) Негізі бізді мына амеркиканский кинолар құртқан… Сондықтан көпшілік қауым Высоцкий киносынан, Высоцкийдің қалай Высоцкий болғанын, яғни жетістікке жеткізген өмір белестерін күткен… Есесіне, оның өмірінің соңғы кезеңі… Соңғы бір жылдық, өмірден әбден шаршаған Высоцкийдің өмірі берілді… Сондықтан да көпшілікке ұнамады…
Zhan
Соңғы бір жылдық, өмірден әбден шаршаған Высоцкийдің өмірі берілді… Сондықтан да көпшілікке ұнамады…
Ал маған ұнады. Ешқандай американдық трюктер күткен жоқпын. Безруков күшті актер болғандықтан да күні кеше ешқандай мән бермей жүрген менің өзімді Высоцкийге басқаша қарауға мәжбүр етті.
Bekjan
Саған бармай ақ қойған дұрыс..Қатты любопытный болыр бара жатсаң интернеттен қарай саларсың..)))
asaubota
рахмет, түсіндім. обшым мен қарайтын кино емес екен. жалпы осындай өмірбаян киноларды ұнатпаймын.
sammita
маған деректі, өмірбаян кинолар ұнайды керісінше. Кітап оқып шаршағанда, рахат қо, дайынын көре саласың
sammita
дұрысы — шаршағанша*
balzaminka
кітаптан ауқымды ақпарат алуға болады киноға қарағанда
sammita
кімге қалай ғой. Мысалы, тарихи кітаптар оқыған ұнамайды, киносын көрем
patick
«Бұл Высоцкий туралы кино емес, бұл — Высоцкийдің заманындағы адамдар туралы кино» деп еді біреу
Bekjan
Дұрыс айтқан..) Рахмет!
asaubota
лібә сонда да қарамаймын
Bekjan
) әбден сындың ғой сен..))
asaubota
ей қазақтар, неге орыс-еврей ақын туралы түсірілген киноны дәріптегенше неге өзіміздің арыстар туралы кино түсірмеске!

деп тұрсам иә?
patick
«Біржан сал» түсірілді. Бірақ ол да сәтсіз монтаждың құрбаны болып, оқиғалар арасында логикалық байланыс болмай қалды. Сондықтан да бір рет көрдім, екінші рет көруге нервім шыдамады.

Есенин, Пушкин туралы Безруков ойнаған фильмдердің стилінде түсірілсе — үлкен жетістік болар еді. Дегенмен, ең болмаса Ресейдің телевизиялық фильмдерінің деңгейіне жете алмады біздің «кең масштабты» тарихи көркем фильмдер.
KILYZAMAN
«Біржан сал» түсірілді. Бірақ ол да сәтсіз монтаждың құрбаны болып, оқиғалар арасында логикалық байланыс болмай қалды.
— Неге, неге деп аңсаумен әрең жеткен мен сияқты Патекесі жоқтыққа үйренгендерге соның өзі біраз талқажау болды… Көштің(екі мағынада) жүре түзелетіні не болмаса жолындағысын қиратып жоқ қылатындығымен қоса ескергендегім.
KILYZAMAN
Түзету: мен сияқты Патекесі жоқтыққа үйренгендерге — мен сияқты жоқтыққа үйренгендерге Патекесі, соның өзі…
Zhan
Осы жерде есіме Фазылбек түсіп кетті. Екінші Амантай сияқты қазақ, қазақ дегенде айғайы жер жарады
KILYZAMAN
Бар, жақсы емеспе?
dark_nazgul
Семейде жүріп көрдім. Семейдің бүкіл орысын бірге көрдім.))
Киноның бүкіл өн бойында Безруковтың орындуындағы Высоцкий Высоцкийдің орындауындағы Жеглов сияқты көріне берді. Әр репликасынан «преступник должен сидеть. я сказал»-дың ырғағы естіліп тұрады.