Назар аударыңыз! Тегін мультимедиалық интернет-журналистика курсы!

MediaNet халықаралық журналистика орталығы онлайн-медиа журналисті болғысы келетін жастарға арналған тегін мультимедиалық интернет-журналистика курсына қабылдау кезеңін ашық деп жариялайды.

Сабақ беру әдісі интернет-журналистика саласына қатысты көпвекторлы білімді игеруге және қолдануға бағытталған. Сабақ барысында тыңдаушылар интернет-мәтін жазуды, аудио және видеокасттар, слайд-шоу жасауды үйреніп, фото, видеотүсірілімдер жүргізудің қыр-сырын меңгереді.

Сабақ уақытында тыңдаушылар Орта Азиялық кloop.kz жаңалықтар порталында тәжірибеден өтеді, ал курс аяқталған соң аталған онлайн-ресурстың тұрақты тілшілері болып саналады.

Жалпы сабақ және тәжірибеден өту мерзімі 3 ай. Сабақ күндізгі уақытта, 15.00-ден 17.00-ге дейін жүреді. Тыңдаушылардың жас шамасы 15-25 жас.

Сабақ келесі мекен-жай бойынша өтеді: Алматы қ., Қазыбек би к-сі 50, Панфилов к-сінің қ-сы, 100 кеңсе.

Қатысамын деп ниет танытқандар қысқаша түйіндеме мен уәж-хаттарын 12 желтоқсанға дейін aliziyadin@gmail.com, ziyadin@medianet.kz адрестеріне жіберулері қажет.

Уәж хат 300 сөзден аспайтын, еркін формада жазылған және келесі сұрақтарға жауап беретін болуы керек: Сіз бұл курсқа қандай мақсатпен келгелі отырсыз? Қандай бағыттағы білімді үйренгіңіз келеді? Барлық үміткерлер арасынан біз неге Сізді таңдап алуымыз керек?

Жоба «Клооп Медиа» ҚҚ (Қырғызстан), «ДАСТ БА ДАСТ» ҚБ (Тәжікстан), «Youth of Osh» ҚБ (Ош, Қырғызстан) ұйымдарымен серіктестікте, Орталық Азиядағы Еуразия Қоры және Еуразия Вашингтон Қорының қаржылық қолдауымен жүзеге асырылады.

Байланыс тұлғасы:
Дінмұхамед qisyq Зиядин, 2616669, 2721529, +7 702 490 17 67, ziyadin@medianet.kz