Орташа есеппен ұры журналисттер

23 қараша 2011, 20:23

Қазақы ұры журналист дегеніміз Интернет-ресурстардағы тұщымды деген контентті жымқырып, оның авторы мен құқықтық ережелеріне пысқырмастан газеттерінде (кейде "Қазақстан" арнасында) жариялайтын, сүтқоректілер класына жататын саналы тіршілік иелері. Ондай ұры журналистермен айтысып-тартысып жүріп, төмендегіше сипаттамаларды беріп отырмын. Сонымен, орташа есеппен ұры журналистер қандай?

олардың басым бөлігі Шымкенттің тұрғындары;
газеттері екінші немесе үшінші сортты газеттер тобына жатады;
газет шығаруды табысы көп болмаса да күнкөріс құралы етіп алған;
Интернет сайттарды материал ұрлау нысанына айналдырып алған;
Интернеттен ұрлауға тұратын нәрсенің бәрін ұрлайды: мақала, әзіл, сурет, өсек, жаңалық..
кей оқырмандарынан «Сіздер керемет мақала жазасыздар!» деген комплимент естиді. Әрине, егер қазақ блогшылары мен Интернет белсенділерінің жазған үздік мақалаларын ұрлап жазса, жақсы болмағанда жаман мақала шығара ма?!
ұрлықтарын әшкерелесең, кешірім сұрайды. Бірақ ұрлықтарын тоқтатпайды. БҰЛ ДӘЛЕЛДЕНГЕН! Басқа бір блогшының жазбасын ұрлап, газеттерін шығара береді;
бір редакцияда бірнеше ұрлықы немесе сапасыз газеттер шығарылады;
беделі бар БАҚта істейтін ұры журналистердің ұрлықтарын әшкерелесең, өзіңе қарай: «Не болды сонша? Қайта сенің мақалаңды халыққа жеткізгеніміз үшін рақмет айтпайсың ба?!» деген мағынадағы дөрекі жауап қайтарады;
ұры журналистердің көбісінің айлықтары 50 мың теңгеден аспайды. Одан асуы мүмкін емес. Өйткені, басымен жұмыс істейтін журналистердің еңбектері ондай аз ақшамен бағаланбайды;

P.S.
Аршаттың қазақ журналистеріне берген сипаттамасынан кейін ұры журналистер туралы жазбасам, олар маған ренжіп қалар деп, клавиатура тербедім :)

ұры журналисттер

15 пікір

ұры журналистердің көбісінің айлықтары 50 мың теңгеден аспайды. Одан асуы мүмкін емес. Өйткені, басымен жұмыс істейтін журналистердің еңбектері ондай аз ақшамен бағаланбайды

50 мың деген Қазақстан бойынша орташа жалақыдан көп қой.

Жасыру

Енді кейде оңай жолмен ақша табуды білетін ұрылардың да қулық-сұмдықтары «адал» бағаланап жатады да :) Соған қарай газеттің ұрлық жасау әрекеттері өрши түседі.

Мына жалақы туралы соңғы пунктің ұры журналист болуға стимул екен :)

Қой. Есі дұрыс, инттелектуалды қабілеті бар адам өзін соншалықты деңгейде төмендете қоймас.

Интеллектуалдық қабілет пен моральдық қасиет бір-бірінен бөлек емес пе. Зор интеллектуалдық әлеуетін түрлі афера, махинацияға жұмсайтындар бар. IQ жоғары, бірақ суайт. Елді алдағыш келеді. Бар ақылын жағдайдың өзіне ғана пайдалы жолмен шығып кетсем деп тұрады.
«Тәрбиесіз берілген білім адамзатқа қауіпті» деп Әл-Фараби ескеркенмен.

хммм… онша шықпапты, шымкенттіктер туралы тек

Егер ұры журналистердің басым бөлігі шымкенттен екенін және сол жақтың газетерін шолып шыққанымды ескерсеңіз, қалыпты пост сияқты болар, бәлкім.

Әбден қажытқан екен сізді ұры журналистер

Жазбаймын енді :)

әлгі сотқа бергендерің не болватыр содан хабар болса, Бір ойсырата жеңгендеріңді кайыппен жазсаң. Әлде жеңілістің депрессиясынан шыға алмай жүрсің бе

ZAKO-ның Европада жүруіне байланысты сот аяқсыз тұр.

Эмоциямен әңгіме жазуға болмайды. Құрыған әңгіме.

міне, міне соны айтамын. эмоция басым және бір жақтылық.

ұрлықтарын әшкерелесең, кешірім сұрайды. Бірақ ұрлықтарын тоқтатпайды. БҰЛ ДӘЛЕЛДЕНГЕН!
— Қазақша жазбалар бар болса ұрлайды жоқ болса қайдан ұрлайды
Ұрдай берсінші… Енді қайтіп жан сақтайды)))