Астанада Тамара Асардың концерті өтті.

Кеше Астанада Конгресс-Холлда әнші Тамара Асар мен Ақтаулық хореограф Серік Сариевтің «Жорға» би ансамблінің концерті өтті.
Өз шығармашылығына аса бір ұқыптылықпен қарайтын талғамымен ерекшеленетін Тамара Асардың әндерін «Жорға» би ансамблінің бимен әрлегеніне куә болдық, осылайша.
Тамараның шығармашылығымен бір кісідей таныс болсам да, «Жорға» ансамблі, Серік Сариев дегендерді бірінші рет естіп, көруім еді.
Тамараның тарапынан оның сан қырлылығын көре білдік, халық әндері де айтылды нақышына келтірілп, көркем сөз де оқылды жүректерге жеткізіліп, қазіргі заманға сай әндер де өз орнын тапты концертте, ең бастысы, осының барлығы толық бір суретке сәтті біріктіріле білді және сахна мәдениетінің жоғарғы деңгейі көрсетілді.
«Жорға» ансамблін осы концертте алғаш көргенімді айттым ғой… Сол себептен, оларға кеңірек тоқталсам деп отырмын… Жалпы концерттен кейін, өнер адамдары үшін өнер ортасы болған Алматы мен, мүмкіндік ортасы болған Астанадан жырақта жүріп те, жоғарғы деңгейдегі шығармашылықпен айналысуға болатынына көзім тағы жеткендей болды. Сондықтан, әр әнге сай хореографиялық бейнелеудің сәттілігі мен қатар, өздерінің күрделі композицияларды көрсеткені көңілден шықты дер едім…
Бірақ, ізденімпаздық деген осы екен деп, онсыз да қазақ билерінде ерлерге арналған би аз екені әмбеге аян, соны түрлендірем деп, басқа елдің би қимылдарын қазаққа таңу басым болғандай болып көрінді, бұл, әрине, өз ойым… Тіпті 1-2 қимылдарды көріп отырып, кунг-фу өнерін тамашалап отырғандай күйде қалғаным да бар… ))))))) Мүмкін өзіндік симбиозға талпыныс шығар, бірақ, сәтсіз болғандай көрінді, опшым…
Кештің қонақтары ретінде Ғаділбек Жанай, сосын есімі мен үшін беймәлім қалған жас әнші және тосын сый ретінде Тамараның арнайы шақыруымен қайта қосылып келген Нұрлан мен Мұрат болды. Ғаділбектің бір сұхбатында өзінің бағын ашар әнді таба алмай жүргенін айтқанды, дауыс тембрінің ерекшелігі бар, бірақ, сәтті әні мен имиджінің олқылықтарының орнын толтыра алмай жүргендей көрінді. «Тірі профессорды бірінші рет көрдім» дегендей Ғаділбекті де реалда алғаш көруімде (жұмысбастылығымдыссс...) түйген пікірім осы болды. Бұдан кейін өзгере жатар, бәлкім…
Нұрлан мен Мұраттың қайтадан сахнаға шығуы шынымен тосын болды. Десек те, "қалған көңіл-шыққан жан" демекші, Нұрлан біраз қол үзген сахнаға қайта шыққандағы абыржуы, Мұраттың сахнадан әлі қол үзбеген басымдығын көрсеткісі келгені көрініп тұрды. Дегенмен, «Жаулап алды махаббат» пен «Шашы ұзын қыз» көрерменнің көңілінен әлі көшпегендігін тағы да дәлелдеді.
3 сағатқа созылған концерттен халық шаршамай шықты десем, артық емес шығар, алдыңғы қатарда отырған анамды күтіп тұрған кезде қасымнан өткен адамдардың ешбірінің бетінен кірбің байқай алмадым.
Концерттен шықсақ, жапалақтап қар жауып, бұрқасындатып тұр екен, соны білген таксистер ставкаларын кемі 25 пайызға көтеріп қойыпты. Қайтейік, кеттік мініп, әшейінде 300 теңгемен баратын жерге 500 теңге төлеп, бағасаясатынссс…
Опшым сол…