Қасымнан өткен өлім

Өлген кісіні көздіңіз бе? Мен көрдім.

Осыдан екі ай бұрын ба екен, әлде үш ай, нақты есімде жоқ, өлген кісіні көрдім. Қалай деген сұрағыңызға жауап берсем, былай болды.

Негізі, бұл жақта мынадай салт бар. Қайтқан кісіні арулап, бетін жаппай көшемен алып жүреді. Бірде сондай процессияның үстінен түстім. Еріксіз.

Тал түс болатын. Күн әдеттегідей қайнап, жұрттар баратын жағына асуғылы еді. Мен де. Содан да, баратын жеріме тез жетіп алмақ болып рикша ұстадым. Ызғып келе жатқан рикша бір уақытта тоқтады, тоқтамасқа да болмайтын еді. Көшені бойлай музыкалатқан, гүл сеуіп, билеп келе жатқан процессия шыққан еді алдымыздан. Жүргізуші менің асығыс екенімді сезіп, сол процессияның арасына кіріп кетті. Кірді де, ұзын қара машинаның қасына тоқтай қалды. Не екен деп қарағаным сол еді, өзім қорқып кеттім. Жап-жас жігіт қайтқан екен, оның беті ашық, бояндырып, жан-жағына гүл шашып қойған. Өмірімде қайтқан кісіні көрген емеспін, көргім де келмейді шынын айтсам, ал ол жерде қол созсам қолым жетер жерде өлік жатыр. Содан бері қанша уақыт өтті, есіме түссе әлі күнге дейін денем түршігеді.

Өткен жұма универден кеш шығып, баратын курсыма бара алмай қалған болатынмын. Оның үстіне сол күні жаңбыр толассыз жауып, көшеде жүру мұң болып қалған еді. Сол жұмада курстас қыз қайтыс болыпты, толассыз жауған жаңбырдың кесірінен. Қазір ойлап қоямын, дұрыс болды бармағаным деп, ия, дұрыс болды…
Бөлісу:

32 пікір

madlen
Сен аман болшы!
balzaminka
рахмет, бәріміз аман болайық!
VKM
Менің нағашыларым қайтыс болғанда, кіріп қоштасыңдар дегенде,қорқып кірмеген едім…
balzaminka
бұрын-соңды қорқам деп ойламаппын. Ана кісі есіме түссе білмеймін неден түршігетінімді, жастай кетті деймін бе, әлде жүзіндегі езудің еш қисынын көрмегендіктен бе, түсініксіз
dark_nazgul
жүзіндегі езудің еш қисынын
ол қалай?
balzaminka
жүзіне қарап өлген деп ойламайсың, тек қана бір сәтке көз жұмған жан секілді, қызық бір моментті еске алып. Мүмкін ол езу тартып жатпаған болар, тек маған солай көрінді ме, білмеймін, осы менің айтқым келгені
dark_nazgul
біздің бір туысқан ағай газ торабында жарылып қайтыс болған… сонда үйіне жинап алып келіп, бір күн ұстаған…
Бір есуастар "әкеңмен қоштас" деп, сол кезде он жасар баласын кіргізіп жіберіпті… ана бала біразға дейін жынды болып жүрді(((
balzaminka
қазір жақсы болыр ол бала, а?
a63a1
толассыз жауған жаңбырдың кесірінен
Жаңбырларың адам өлтіреме?
balzaminka
енді кісі қайтыс болып тұрса, солай да жаңбырлары. Жұрттың бәрі жаңбырдан дейді, бірақ өз басым еш түсіне алмаймын, ол қалай деп. Негізі, биылғы жаңбыр былтырғымен салыстырғанда ондай қатты емес, былтыр он минуттың ішінде жиырма-отыз см-ге дейін көтерілген болатын, ал биыл тек тобық деңгейінде. Бір кісі ашық қалған құдыққа құлады десе, бір кісі шалқасынан құлаған, ал тағы бір кісі котлованға құлаған дейді.
konvict
Қасымнан өткен өлім
Қасымнан өткен өлім деп түсініп қалыппын
Delhi
менде Қасым Аманжолов......................((((
boztorgai
қасымнан өткен өлім
дұрысы: қасымнан өткен мәйіт
Gastarbaiter
Ия, маған да Шалғы ұстаған «Крик-2» елестеп кетті:))
balzaminka
мәйітте ешқандай эмоция болмауы керек
e_zhalgas
алғаш рет 12 жасымда куә болғанмын. атам қайтқанда, үлкен немересі ретінде қоштасып шығыңдар деп еркімнен тыс кіргізіп жіберген болатын… көгерген өлі денені көріп шошынғаным бар, өмірлік есімде қалды сол сәт!
Delhi
Менің нағашы апам қайтыс болғанда кіріп шықтым, әдемі-ақ болып, аппақ болып кеткен түрі әлі көз алдымда, 11 ші класс оқып жүрген кезім, сонда 12 жылдын ар жақ бер жағы болып қалыпты ғой. Сол қалпы әлі есімнен кетпейді. Бірақ тіптен қорыққаным жоқ.
boztorgai
соңғы кезде осы қызға бірдеме көрініп жүр ме деп қалам
тұз айналдырып тасташ
Gastarbaiter
Жүректен кеткен атам мен әкемді, әкем ұйқтап жатқандай болды, тек маңдайын сүйгенде мұздай екен.
Сосын аварияға түсіп, үсіп қалған көрші тұратын досымның інісін жуындырғаннан кейін көрдім. Жап-жас 85 жылғы бала ғой. Бір күн бұрын ғана әзілдесіп тұрғанбыз.

Басқа досымның үсіп өлген ағасын моргте еріте алмай, қасына электропеш қоюға барған кезімде көргенмін.
Жағымды әсер емес әрине. Бірақ қорқыныш емес, біртүрлі сезім, түсініксіз, өте жағымсыз.
monti
бұл дәстүрлері қызық кен((( жағуға апара жатқан шығар(((( бррр, ужасна, өздері қалыпты жағдай ретінде көшеде ашық* ап кетті ме кен((((, анау жаңбырдан қайтқан қыздың тағдыры шығар енд :(, а так жаңбырдан өлу тож(((( қиын/қиын небір шоктар ап(((( қатты қорқып қағансың ғо жаньсолбальзам((( елге аман орал, неде болса Индиядағы опыттарың…
balzaminka
алдына гүл шашып, билеп, әндетіп жүреді әйтеуір. Өзі көлігі көп жолда пробка болады содан. Ал, өртеу туралы, бәрі өртемейді, көметіндері бар.

Қалай айтсам екен, түсініксіз бірнәрсе, Гаста айтқандай.
AKY
2 класста мамамның әжесі, яғни арғы әжем қайтыс болған. Жасы 90-нан асқан, шүйкедей қара кемпір еді. Ол жатқан жерге қалай кіріп кеткенімді өзім де түсінбей қалдым, мамамнан 1 елі ажырамай, артынан еріп жүргем ғой. Бір бөлмеге кірдік. Төсекте біреу ұйықтап жатыр. Мамам қасына барып, маңдайынан сипады. Мен жақындағанда ғана, оны анықтап көрдім. Еш қорқынышты болған жоқ. Тек оның өлген адам екенін ойлағанда ғана, аздап түршігіп кеттім.
Erkekyz
Қорқынышты екен, Бальз. Мен көрмеппін, Құдай көруге жазбасын. Мынаны оқып отырғанның өзінде денем түршігіп кетті.(
Erlan
Мен вскрытиетені түсіріп, артынан 1-2 кун бүртірлі болдым, достарыммен қыдырысқа шығып, ішіп- ойнап ұмытып кеттім.
Aikona
Әкемнің ағасы қайтыс болғанда, сол кісінің қыздары мен бірге кірдім, қорықтым енді 4- класс оқитынмын. Биыл нағашы апам қайтыс болғанда кіріңдер көріңдер деді, бірақ мен кіре алмадым. Апам маған сол баяғы өзім білетін апам күйінде есімде қалсыншы дедім.
manshukn
Мен 5-ші сынып оқып жүргенде әкемнің әкесінің шешесі, яғни әжем қайтыс болды. Тіпті ойламаппын. Мен де мамам екеуміз үйде болмағанбыз, кешке келгенде бәрі үйде отыр. Әжем жатқан бөлмеге кіргенде бетін ақ сұрыппен жауып тастаған екен. Сонда қорыққам. Ал әжемді жуындырған бөлмеге кірсем бойымда сол қорқыныш әлі сезіледі.
Adiletshu
Ең бірінші рет қайтыс болған әкемнің мәйітін көрдім. Көп қарауға дәтім шыдамады. Әлі көз алдымнан кетпейді.
izbasar
Әлбетте ол сағанда, мағанда, бәрімізге жетер. Тек дайын болайық.
izbasar
Жақында 38-ші күнінде жиеніміз шетінеп кетті. Амалсыз моргқа бардық ағам мен інішек үшеуіміз. Сәбиді тоңазтқыштан алып щықты. ағам баланы осыннан жуындыруға болама деді. Осылайша өмірімде алғаш өлген адамды көрдім, сол жерде мен жуындырдым. Бастапқыда қорқыныш болды.