Сонымен, 31 арнадағы жаңа сериал "Қауіпті махаббат" деп аталады!!



Сонымен тағы да таныс бейнелер!!! Назарларыңызда 31 арна ұсынғн түріктің "Қауіпті махаббт" телехикаясы.
«Қауіпті махаббат» телехикаясы – түрік әдебиетінің классикасы, жазушы Керим Надирдің «Құс жолы» романының желісі бойынша түсірілген.

Балаң жігіт Неджат, бөлесі Зюлалға ессіз ғашық болады. Сұлу да еркін, әрі өжет ару бозбаланы көзіне де ілмейді, тіпті мүмкін болса оны кемсітіп қалуға бар. Әдемі кештердің бірінде Неджат қызға сезімін білдіреді. Алайда, Зюлял жігіттің бұл қылығын күлкіге айналдырып, тіпті бозбаланы елемейтінін дәлелдей түсу үшін, оның жақын досына тұрмысқа шығады. Ал, Неджат болса жүрек түкпірінде жатқан жанды ұмыту мақсатында, басқа қалаға қоныс аударады.
Жылдар өте береді…
Зюлялдың отбасылық өмірі баянды болмады. Жарым деп сенген жанның опасыздығын көрген ол, ажырасып кетеді. Тек, осыдан кейін ғана бойжеткен Неджаттың өзіне деген адал махаббатының бағасын түсінеді. Тіпті, осы жылдар бойы жүрек түбінде бөлесіне деген беймәлім жылылық болғанын сезінеді. Өзін шын пейілімен сүйген Неджатты кезінде елемегеніне өкінеді.
Осы уақытта Неджат әкесін соңғы сапарға аттандыру үшін, туған қаласына келеді. Зюлял мен жігіт зират басында кездеседі. Арада жылдар өтсе де, бойжеткеннің тұрмыс құрғанына қарамастан Неджаттың оған деген сүйіспеншілік сезімі титтей де әлсіремеген еді…

Бұл сериалдың сценарийі жақсы, әрі тартымды болады деп сенміз. Жалпы, қазақта бөлелер бір-бірімен үйленеді ме??
Бөлісу:

129 пікір

madlen
Қызық сияқты. Қарайық.
Сериал болғаны түсінікті ғой. Бірақ, қандай жан басымдырақ? Ұрыс-тобелес, Саваштағыдай кровная война ма или все-таки махаббат па?
Nurgisa
Жоқ, бөле дегеннің қосылғанын естімеппін. «Бөлем, бөлем үшін өлем» деп жатамыз. Бірақ, бөлем, тұрмысқа шығып көрем деу — лағу, тайқу.
Мен Kuzey&Guney дегенді қарағым келіп жүр. Соны күтіп ем 31-ден.
Abilakim
бөле құдаша емес қой үйлене салатын.Бірақ, біздің жақта біреу бөлесін алып шу шығып еді кезінде
asaubota
негізі бөлелер үйлене берулеріне болады ғой. бірақ, үйленгендерін көрген жоқпын.

сериалға келетін болсақ қазірден шамалап отырмын нелер болатынын :)

бірнеше серия бойынша бұрынғы махаббатын қарату, одан кейін кедергілерге төтеп беру, айрылу, қайтадан қосылу.
Nurgisa
бірнеше серия бойынша бұрынғы махаббатын қарату, одан кейін кедергілерге төтеп беру, айрылу, қайтадан қосылу.

проблемалар 2-3 серияда басталады деп ойлаймын. Сонымен солай дейік болып, соңғы сериясында ғана бәрі мақсат-мұраттарына жетіп, тату-тәтті ғұмыр кешеді.
к= 1.75
asaubota
Казтюбтен видео қойған кезде сілтемесін емес түгелімен хтмл кодын қою керек. video тэгының арасына емес, былай жәй қоя салу керек.
bazuka
кімдер сомдайды басты рөлдерді, осы казтюбтің видеолары дұрыс ашылмайды видеоны қарай алмай отырым.
Nurgisa
отырым
присест? :)
bazuka
ия кейде осылай жеп қоятыным бар кей әріпті, кешірім сұраймын, дұрысы «отырмын»
asaubota
Өзджан Дениз ғо баяғы :)



AKY
Өзджан Денизді жақсы көрем!
Erkekyz
Көрсек көреміз қызықты болып жатса. Бірақ бөлелер үйлену біртүрлі сияқты. Өзекеңдер сияқты бұлар үйлене беретін шығар, бірақ қазақтарда ондай жоқ.
omarbirat
Бұрын сюжеті осыған ұқсас «Млечный путь» (Samanyolu) деген бір фильм (қателеспесем) болған еді. Онда да жігіт өзінің туысының қызына ғашық болады. Жоғарыда жазылғанға ұқсас жағдай.
omarbirat
Қателеспеппін. Фильм екен. Фильм болғанда да, осы сериал сол фильмнің желісімен түсірілген :)
Зүлалдың ролінде — Айдан Шенер (!)
AKY
түрік әдебиетінің классикасы, жазушы Керим Надирдің «Құс жолы» романының желісі бойынша түсірілген.
деп тұр ғо, негізі:)))
omarbirat
Пікірді жазып қойғаннан кейін байқаппын оны. Жай ғана сюжетіне көз жүгіртіп шыға салып едім.
meirzhan
Ішетін у да қалмаған ба :)
omarbirat
У ішуге себеп жоқ. Бүйте берсек алғаш боп кететін түріміз бар :)
asaubota
сериалдың да оригинал аты Саманйолу. біздің креативщиктердің өздерінше аударған түрі ғой, интригаларынссс :)
meirzhan
Сұмдық екен. Бұндай сериалды көрсетуге болмайды. Шынында да аты айтып айғайлап тұрғандай — қауіпті!
Zhan
Жігіт красавчик, ал басты рольдегі қыз түк те әдемі емес, менің көзіммен алып қарағанда әрине. Менде бір әдет бар, басты рольдегі қыз бен жігіт ұнамай қалса сол сериалды көргім келмей қалады да, сол күйі қарамай кетемін.
bazuka
мұндай әдетіңіз қызық екен. Жігіт, жігіт ұнаса болды емес пе қызда неңіз бар))))))
Zhan
Мәселен, «Махаббат пен жазада» Ясемин мен Саваш екеуі күшті пара болғандықтан көрдім. Егер осы сериалда да басты кейіпкерлер тартымды болмаса бұл сериалды да көрмес едім. Білмейм, сондайым бар. Өйткені, сериалды әдемі жұптардың шынайы сезімі мен олардың махаббатын сезініп отырып көргенді ұнатамын.
Nurgisa
Саған порно қарау керек екен, ендеше… :)))
Zhan
Порнодағылар? Сенің кеңесің жетпей тұр еді осы жерде. Соған қарағанда өзің порноның «майын» ішіп тұрып көргенсің-ау.
Altygradus
Менде бір әдет бар, басты рольдегі қыз бен жігіт ұнамай қалса сол сериалды көргім келмей қалады да, сол күйі қарамай кетемін.
менде бар сондай әдет. Мыс ұнатпайтын бір ек жапон актрисалары бар, солармен болған сериалды қарағым келми қалад.Бір ретте сол үшін тіпті жылдың үздік сериалын қарамай, ақыры артынан елдердің ревьюларын оқып қарадым, бірақ ол актриса бәрібір ұнамады:)
Zere
Менде де сондай әдет. Мына сериалда да қыз бен жігіт бір-біріне сәйкес келмейтін сияқты. Сонымен қатар біреусінің "өтірік" ғашық болып жүргенін байқап қалсам болды, бар романтика құрып, орта жолдан тастап кетем ))
Zhan
Оһо, мен жалғыз емес екем ғо ))))) Не только сериал, жай кинодағы қыз бен жігіт те ұнамай қалса ол фильмді қарамаймын.
Zere
Ия, мысалы, соңғы шыққан фильм «Менің күнәлі періштемдегі» актерлер тіптен құстыртуға шақ қалды. Кинотеатрға барған соң амалсыз соңына дейін қарауға тура келді. (((
Zhan
Бірде режиссер Сатыбалды Нарымбетовтің «Антенна» деген газетке берген сұхбатында айтқан мына жолдары есімде қалыпты. «Басты рольдегі қыз бен жігіт көрікті, өте реңді болу керек. Ер азаматтар басты рольдегі қызға, қыздар жағы басты рольдегі жігітке ғашық болып отырса фильм өтімді болады» деген. Осы сөздің жаны бар.
Zere
Әдемілік, тартымдылықтан гөрі харизма мықты болу керек сияқты. Бірақ қанша адам бар болса, сонша пікір, әркімнің көңілінен шығып бітпейсің ғой. )
Aramza
Фатмагүлдің харизма түгілі көлденең призмасы да жоқ, бірақ киноны аяқтағым келіп жүр
TERISKEY
жақсы айтыпты:))))
asaubota
негізі аты Сатыбалдылар тегін адамдар емес. Нарымбетов Сатыбалды бос айтпайды ғой. пікіріне толық келісемін. мысалы мына сериалда басты рольдегі қыз сәтсіз таңдалған, адамды тартпайды.
Aramza
Сары шашты, көк көз қыз қыр мұрынды
Ә дегенде ұнауы мүмкін емес
Фатмагүлдіңде адам тарту қабілеті де оңып тұрған жоқ, бірақ киноның аяқсыз қалғанына қиналып жүрм
asaubota
жаңа сезонын қарап жатсың ба? muza субтитрімен беріп жүр еді ғой осында.
Aramza
жалпы мағынасын ұғынғаным болмаса, субтитрде киноның қадірі болмайтын сияқты.
asaubota
бұл қызды қайдан көрдім деп отырсам, Көкжалдар мекенінің алғашқы сезондарындағы наркобарон Хүсрев ағаның накроша қызы Назлы ролінде ойнаған екен ғой.
satvaldo
о кезде пацан қыз еді. мында тәте бопқапты ғой :ҚҚҚ
asaubota
бұл сериал да Ay yapım сериалы екен. мұның да сценаристері Эдже Йөренч пен Мелек Генчоғлу. Фатмагүлдің кінәсі не мен қазір танымал болып тұрған Кузей Гюнейдің сценаристі осылар. қызық, әйел сценаристерден мұндайды күтпес едім :)
satvaldo
әйел сценаристер КВП-ны да қатын-қалаштың киносына айналдырып жіберіп еді бір кезде…
vebred
Охо менің тақырыбым кәп-кәдімгідей талқыланып жатыр ғой!!! Иә, Асау бота, айтқаныңмен әдеттегідей толық келәсемін, телехикаяның атын дұрыс аудармаған. Орысша «опасная любовь» болған екен, соны біздікілер қарабайырлап келтіргені ғой. Ал, сериалдың қаншалықты қызықты болатынын енді 14 қарашадан бастап көрерміз.
Жалпы, қазақтарда бөлелер үйленеді. Менің тіпті қайын жұртым да бірнеше отбасы солай құырлған. Кезінде қуғын-сүргінде жүрген аталарымыз, ұрпағымыз бір-бірінен алыстамасын деп солай үйлендірген екен. Соның арқасында, туыстарымыз өте көп))))).
meirzhan
Жалпы, қазақтарда бөлелер үйленеді.
Кезінде қуғын-сүргінде жүрген аталарымыз, ұрпағымыз бір-бірінен алыстамасын деп солай үйлендірген екен.

Қуғын-сүргінде жүргендіктен амалсыздан үйленсе, оны «Жалпы, қазақтарда бөлелер үйленеді» деп қалыпты жағдай, дәстүр ретінде қабылдай алмаймыз.
Сұмдық қой бөлелер үйленген деген. Сериал көрсетілімін ақтау үшін бұл қазақтарға бұл жат дәстүрді таңудың қажеі жоқ.
Aldeken
не ғо, бөлелердің үйленуіне деген қазаққа жат дегенге келісе алмаймын.
«бөледен ауылдас жақын» деген сөз бар, бұл сөздің өзі туыстық қатынасты еркек кіндік арқылы тарататын қазақ үшін бөленің туыстығы қаннан гөрі психологиялық тұрғыда екенін көрсететін болар.

жеті атаға дейін қыз алыспауды ұрпақ тазалығының басты ұстанымы ретінде қолданатынымызды ескерсек, бөлелер жеті ата түгілі екі рулы елдің өкілдері болатынына байланысты олардың үйленуіне теориялық түрде кедергі болмайтыны онық болар.

Бөлелердің үйленуінің кең тарамауы негізінен бөлелер кішкентай кезінен бір-бірімен туыс ретінде араласуына байланысты олардың арасында жынысаралық сезімнің тұтануы сирек кездесетінінде деп ойлаймын… өз ойым…
vebred
дәл осы ойыңызбен мен де келісем!!!
vebred
Жат дәстүрді таңып, жатырымнан жеритіндей дәрежеге жеткенім жоқ!!! Шын мәнінде болған жағдайды айтсам, оның несі айып?
meirzhan
Шын мәнінде болған жағдайды айтсам, оның несі айып?
Сирек кездесетін жағдай екенін айта кету керек.
balzaminka
қазақта бөлелер үйленген. Менің папам мен мамам бір-біріне бөле болған. Қздада ондай отбасылары көп
Gulistan
Шын айтсам, мен үшін бұл жаңалық. Мама-папаң бөле болғанда туған бөле ме, әлде мамлары ауылдас, рулас па еді? Ол енді, әринебөлек нәрсе.
balzaminka
менің түп нағашым нацист болған ғо :) Қырғызстанға жұмыс істеуге кеткен әкем мен ағамды сол жақта қалып қояды деп, мамама үйлендіреді. Әжем көндіре алмаған әкемді шешем көндіріп, елге оралады. Өзбекстанға кеткендері бар, Тәжікстанға кеткендері бар туыстарды солай елге қайтарған түп нағашым :) Негізі ол кісі ұлдардың сыртқа кеткенін жақтырмаған, кетіп бара жатқан ағаларымды солай үйлендіріп, үйде ұстап қалған ғо :)
meirzhan
Бірінші рет естуім бұндай отбасылар туралы. Көп деп айтсақ артық болар. Әйтеуір бар екен енді.
balzaminka
ағасы, не болды? Қазақ әдебиетінде де айтылған ғо бұл туралы
meirzhan
іммм, түсінікті. (білімсіздігін көрсетіп қойғанына бармағын шайнап отырған смайлчик)
balzaminka
бармақтың ертеңгі күні керек болып қалуын ойласақ :)
meirzhan
Адамзаттың тағдыры мен ұлт мүддесі үшін ойлансақ-ойлайық.
konvict
Ақын Әзімьек Жанқұлиев пен әйелі Бақыт апай да бір-біріне бөле болған
vebred
мінеки, мұндай жағдай болып тұрады екен…
meirzhan
Бұндай түріктер мен арабтарда ғана бар деп ойласам.
vebred
Озджан ДенизТүріктердің жаңа мелодрамасында басты рөлді осы елдің ең атақты актері Озджан Дениз сомдайды. «Асмалы қонақтағы» Сеймен мен «Маусым түніндегі» Байрам рөлінен кейін дарынды актер Озджан Дениз түрік телехикаяларын сүйіп көретін миллиондардың жүрегінен орын алды. Алайда, осы фильмдерден кейін, көрермендер оны біршама уақыт телетоптамалардан көре алмады. Бұл жылдар ішінде Озкан музыкамен айналысып, толықметражды фильмдерге түсіп, тіпті өзін режиссер ретінде де сынап көрді.

2009 жылы түріктің дарынды режиссері Андак Хазнедароглу түрік әдебиетінің классикасы «Құс жолы» романы бойынша түсірілетін телехикаяға шақырады. 1989 жылы аталған шығарманың желісі бойынша «Қауіпті махаббат» деген атаумен фильм түсірілген болатын. Картинаның ремейкі де осылай аталады. Телехикаяның сюжеті мен кейбір тұстарына өзгерістер енгізілген. Десе де, жалпы оқиғалар желісі жазушы Керім Нәдірдің романында суреттелген хикаяға негізделген.
Қазір 39 жасар актер Озджан Дениз телехикаяларға сирек түседі, музыкаға баса көңіл бөлуде. Өзінің айтуынша, оқушы кезінен-ақ, таңдауын жасап 13 жасында мектепті тастап, музыкамен айналыса бастаған. 16 жасында Антальяда концерттер қойып, отбасын асырайды. 17 жасында Стамбулға көшіп, одан кейін Мюнхенге жол тартады. Мұнда әнші Йашар Йамурмен танысып, оның көмегімен алғашқы альбомын шығарады. Осыдан кейін, әнші ретінде таныла бастайды және ондаған күйтабақтар шығарады. Түркияның белгілі продюсерлері оның сахнадағы әртістік қабілетін байқаған соң, сериалдарға түсуге шақырады. «Менің махаббатым қырларда серуендейді» атты кинодағы алғашқы жұмысынан кейін жұртшылық талантты актер ретінде ықыласпен қабылдады. 2004 жылы Озджан «Маусым түні» атты фильмге түсу туралы ұсынысты қабыл алады. Ал, Байрамның рөлі оның танымалдылығын еселеп, әлемнің түкпір-түкпірінде миллиондаған жанкүйерлері пайда болды. Фильмге түсуге деген ұсыныс актерға жан-жақтан түсе бастады. Алайда, ол көбіне-көп бас тартатын. Озджан әнші ретінде әлемнің бірқатар елдерінде концерт қояды. Ал, 2009 жылы киноға оралып, «Қауіпті махаббат» телехикаясында басты рөлді сомдайды. Бұл аса сәтті жоба болды. Фильм орасан зор табысқа жетіп, көптеген елдерде көрсетілді. Апалы-сіңлілі жандардың балалары Неджат пен Зюляльдің әсерлі де, ыстық сезімге толы оқиғасы тағы да көрерменнің ықыласына бөленді.

Таяуда «31 арнада»! «Қауіпті махаббат» телехикаясы!
omarbirat
Хазнедароғлуның аты Андач еді :)
asaubota
ну, орыс редакциясы солай жазды…
omarbirat
1989 жылы аталған шығарманың желісі бойынша «Қауіпті махаббат» деген атаумен фильм түсірілген болатын.
Бұл фильм осы қазақстандық арналардан да көрсетілгені анық есімде. Ол кездегі орыс аудармасы «Млечный путь» болған («Опасная любовь» емес). Мәтінді дайындаған адамға осы сәлемдемені жеткізер ме екенсіз? (Тырнақ астынан кір іздегендей боп кеттім ба, не боп кетті өзі) :)
vebred
Мен өзім де аң-таң болдым… Қауіпті махаббат деген атауы қисық-қыңырлау болып тұр...«Орысшдан тікелей» ұстанымының сонысы дұрыс болмай жатыр…
Zere
Мына сериалда шашы сұрланып кетіпті. Жалпы оған отбасы бар, отағасын ойнаған жарасатын сияқты.
boztorgai
телехикаяның атын дұрыс аудармаған
тұпнұсқадан тікелей аударса жағы қисайып қаламекен
vebred
Жалпы, аудармашы болу үшін, ең алдымен тілді сезіну керек!!! Сол жағы біздің ацудармашыларға кейде жетпей жатыр ма деп қалам!!!
Gulistan
Кеше бастап қарадық. Неджаттың өгей шешесін жек көріп кету оңай екен.
Зюляльдың роліндегі қыз арық болған соң ба, тартымсыз, бірақ мамасы ұнады. Сондай әдемі келіншек.
Үйлері де күшті екен.
asaubota
сериал әлсіздеу екен. қарамайтын болдым :)
Gulistan
Қай жағы әлсіз деп ойлайсың?
asaubota
актерлар және сценарий ұнамады, Ай япымның басқа сериалдарына ұқсата алмадым.
dark_nazgul
Қай жылғы сериал мынау? Өзжан Дениз шал ғой…
asaubota
биылғы. 1 сезоны біткен тек.
qusbegi
Кейінгі сезондары не үшін шықпады сонда?
asaubota
өйткені болашақтағы уақыт әлі келген жоқ.
vebred
Қап-ай ә, сізге аса ұнаңқырамағаны қиын болды-ау, Аршат мырза!!! )) Шынымен бір түрлі болып қалдым)). Енді сериалды мақтай да алмайтын шығармын)) Кәрім Нәдірдің шығармасын оқыған ба едіңіз?? Кітабы өте жақсы дейді оқып көргендер, мен оқымаған екем бұл романды…
asaubota
оқыған жоқпын. сценарийдің нашар болуы сол негізгі оригиналына бағынышты болып қалуында сияқты.

Ай япымның басқа сериалдарын қарап жүрмін, солар жетеді маған :)
VKM
кеше инет болмай,1 сериясын қарадым.Түк түсінбедім.Не болатынын жазып жүріңдерші осында, плиз)
dark_nazgul
Менің бір қайным үйленді Мамасының ең үлкен әпкесінің немересіне. «Папаммен бажа болдым» деп жүретін. А папасы бажасымен құда болды.
dark_nazgul
ең қызығы, жігіттің ағасы мен қыздың әкесі, туған бөлелер, бір біріне құда деп сөйлейді енді қазір.
satibaldi
Шетінен подмосткі мен кулуарға сығалаған аутсайдер кинотанушылар өңшең! Кино тұрмақ, ең болмаса туылған күн кешінде фотоаппаратпен сурет түсіріп көрген адамсыңдар ма өздері?
dark_nazgul
хехе. бөлелер туралы жазып тастадық, сөйтсе, олар бөле емес екен))))))
satibaldi
Ол ештеңе емес, ертең кино деп жүргендерің спектакль болып шыққанын түсінесіңдер, қайғы-көрермендер өңшең
dark_nazgul
кино мен телесериалдың айырмашылығын шынымен білмейсің бе, әлде өтірік «лох» болып отырсың ба?
satibaldi
Лоқ — ол сенің атаң, ал мен — қатаң жазалайм.
dark_nazgul
менің атамдай лох болсаң, онда әулие лохсың ғой))))
qusbegi
Тағдыр тұқымы/жұмыртқасы/мәйегі/яйтсасы=)
qusbegi
сіз тошна қызсыз ба?
satibaldi
Сіз оның жынысын сұрап отырсыз ба, әлде жынысының ағымдағы күйін бе?
qusbegi
жынысын атынан аңғарғандай болдым, негізі. ағымдағы күйін жігіті яки күйеуі білер. былай, рухани жағынан қалай былай-былай дегенім ғой.
Adiletshu
Уахахахаха Қуасыңдар Үй нақ
dark_nazgul
рухани жағынан: сызылып тұрмасақ та, ешкімді наққа жібере қойған жоқпыз әлі.
Erke
Достары мыналар: AKY meirzhan Nurgisa Gastarbaiter eldos asaubota Zako Erlan estetika91 Esmeralda, соган караганда еркек шыгар!
satibaldi
Егер криминалистиканы Сіз дамытқанда — адамзат әлі арбамен жүрер еді.
qusbegi
мыналарыңыз кімдер? және не үшін маған жауап берді деп хат келіп тұр?
Erke
Булар; Керекинфонын аты анызга айналган билдей доктор профессорлары, Не ушин маган жауап берди деген сурагына жауабым жок
qusbegi
аааа, рахмет. енді түсіндім. дарк назгүлдің достарын айтып жатыр екенсіз…
Erke
тусинсен сол Кусбеги, мен йиме кайтайын, Дарк Назгулмен али талай ангиме дукен курып жынысын айыра жатармыз! Админ байкамай еркектер клубына киргизип жиберип журме!
dark_nazgul
Скажи мне, кто твой друг, и я скажу тебе, кто ты. ))))
dark_nazgul
тошны қыз емеспін ))))
dark_nazgul
Қайсыбір түрік сериалында еді, бас кейіпкер теңіз жағасына барып, Құсбегімен арақ ішіп, шер тарқататыны? Асау жүрек пе еді?
meirzhan
Дәл өзі :) Бірақ есімде теңіз жағасында емес, үйдің төбесіне шығып ап Жүсіп Мероғлының Құсшымен сырласуы. Айлы түн астында, шатырдағы құстардың жанында.
dark_nazgul
аааа, иә айтпақшы. Теңіз жағасына барып отыратын Кенанның басқа кейіпкері ғой))) ащы хайяттағы)))
шараптарын газетке орап отырып ішеді ғой.
meirzhan
иә, иә. Шехрезаттың бөлесіне үйленген Бурак Керіммен Фатмагүлдің кінәсін талқылайтын жері бар еді теңіз жағасында.
dark_nazgul
))))))))))) шынымен, жақында бәрі араласып кететін шығар)
vebred
Араласқаны сонша, өзіміз де адасатын болдық....))) Шахрезаттың қай бөлесін айтып отыр деп, кәп-кдімгідей ойланып қалдым ғой)))))).
vebred


Бұл әулеттегі әрбір жанның ешкімге айта алмайтын сыры бар. Алайда, қандай құпия болмасын бір күні ашылары анық. Оны Фериде ханым да жақсы түсінеді. Бұл сырын ол 25 жыл бойы ешкімге тіс жарып айтқан емес. Алайда, балаларына бар шындықты айтатын уақыт келген секілді.
«31 арнада» түрік киногерлерінің жаңа туындысы – махаббат дастанына құрылған телехикая. Фильм желісі бойынша Неджат – Фериденің жиені, анасы қайтыс болғалы нағашы әпкесінің қолында тұрады. Фериде оны қызы Зүләлмен бірге туған ұлындай тәрбиелеп өсірді. Ержете келе бозбала өз бөлесіне ғашық екенін түсінеді. Бұл сезімін өзіне ар санаған жігіт туған жерінен алыстап кете барады. Ағасына ыза болған Зүләл оның жақын досына тұрмысқа шығады. Фериде балаларының бір-бірінен жырақта қалай қиналып жүргенін түсінеді. Алайда, екеуінің туыс емес екенін, Зүләлді асырап алғанын ашып айтуға оның батылы жетпеді.
Енді, осы қателіктерді түзетудің тағы бір сәті түсіп тұр. Неджат әкесін соңғы сапарға аттандыру үшін үйіне оралды, ал күйеуінен ажырасқан Зүләл анасының қолына көшіп келеді. Фериде екі жастың арасындағы ыстық сезім мен жылы қарым-қатынасқа, әдемі махаббатқа тағы да куә болады. Екі ғашықтың бақыты үшін, ол қызын асырап алғанын жария етпек болады. Алайда, Фериде ханымның туған қызы емес екенін білгенде Зүләл қандай күйге түсетінін ешкім болжай алмаған еді. Осы сәттен бастап оқиға кейіпкерлерінің өмірі күрт өзгерді.
Бұл романдағы қос ғашық түріктің Ромеосы мен Джульеттасы аталып кеткен еді. Әдемі хикая өткен ғасырда жарық көрген болатын. Осы уақыт аралығында, Керім Нәдірдің «Құс жолы» атты романы бірнеше мыңдаған данамен таралды. Ал, шығарма желісі бойынша 1989 жылы түсірілген фильм миллиондаған көременмен қауышты. 2010 жылы көпшілік назарына бұл хикаяның жаңа телетоптама нұсқасы ұсынылды. Түрік режиссері Андак Хазнедароглу «Құс жолы» фильмінің ремейкін – «Қауіпті махаббат» деген атаумен телехикая ретінде жарыққа шығарды. Басты рөлдерде танымал актерлар Озджан Дениз бен Вильдан Атасевер.

Дүйсенбі-жұма 20:00-де «31 арнадан» көріңіздер!
Nurgisa
Ризамын, ризамын. Сен де риза бол… :)
Gulistan
Зүләлдың ажырасқаны жайлы еш жерде айтылмайды ғой.
dark_nazgul
Вебредтің аңдатпасы сәл хронологиялық жағынан дәл емес. Зюлал әлі күйеуге тиген жоқ. ЕНді шығады
Gulistan
Аа, солай ма, бәсе?! Тартыс әлі алда екен ғой.
Gulistan
Егер Неджаттың досына күйеуге шығатын болса, Намык шығар?! Онсыз да айналдырып жүр ғой.
asaubota
қарап жүрсіңдер ме не? біздің үйдегі де қарамай кетті. жақсы болды :) құтылдық :)))
Gulistan
Шын айтсам, баурап алар сюжет жоқ, үзіп-үзіп, анда санда қараймын.
Эзель бітпей жатыр.
Nurgisa
Езел езіп жатыр ма :)
Gulistan
Соңғы жағы шиеленісіп кетті. Мен түгілі, Эзелдің өзі шатыса бастағандай:)
Aramza
Түрік серсалдарының барлығының сюжеті бір, аяғы мен басының не болатынын ептеп болжай беруге болад нақ.
1) Фирмач бай болад, көбінесе мінетіндері америкөттердің Jeep немес немістердің БМB маркалы паркетниктері
2) Фермер болад көбісі
3) Жастары тышқан боқтарына дейін клубтарда талқылайд әкесс…
4) Үлкендері көршісінің асханасынан шықпайд
Gulistan
Алайда, Зюлял жігіттің бұл қылығын күлкіге айналдырып, тіпті бозбаланы елемейтінін дәлелдей түсу үшін, оның жақын досына тұрмысқа шығады. Ал, Неджат болса жүрек түкпірінде жатқан жанды ұмыту мақсатында, басқа қалаға қоныс аударады.
Жылдар өте береді…
Зюлялдың отбасылық өмірі баянды болмады. Жарым деп сенген жанның опасыздығын көрген ол, ажырасып кетеді. Тек, осыдан кейін ғана бойжеткен Неджаттың өзіне деген адал махаббатының бағасын түсінеді. Тіпті, осы жылдар бойы жүрек түбінде бөлесіне деген беймәлім жылылық болғанын сезінеді. Өзін шын пейілімен сүйген Неджатты кезінде елемегеніне өкінеді.
Осы уақытта Неджат әкесін соңғы сапарға аттандыру үшін, туған қаласына келеді. Зюлял мен жігіт зират басында кездеседі. Арада жылдар өтсе де, бойжеткеннің тұрмыс құрғанына қарамастан Неджаттың оған деген сүйіспеншілік сезімі титтей де әлсіремеген еді…
деген жерлерінде қабыспайтын тұстар көп екен.
Erkekyz
Ия, дұрыс емес. Мен де оқып алып, таң қалдым.
Сериал түк ұнамады, басты рөлдегі актрисаны көрсем, жыным шығады. Сұлу емес бір, еще таланты мүлдем жоқ. Сериал-құсық
Gulistan
Ал маған сіңлісінің сериалдағы образы ұнамайды. Нағыз «жандыргалка».
Gulistan
Тым соззылыңқы екені рас, бірақ мен үшін Намык деген оңбағанның қойыртпақтан қалай шығатыны қызықтырады. Апасы Эда ұнайды, басыңда жеңілтек пе деп ойлағам, кейін байсалдылығы басым екеніне көзім жетті.
vebred
Бұл хикая көпшілікке аса ұнаңқырамаса да, талқылау әжептеуір болған екен. Соған қарағанда, актерлардың тартымды болмауы да рейтинг үшін жаман қызмет етпейтін секілді! Жалпы, хикаяның сюжетіндегі адамшылықтан гөрі, өсек-аяң мен интриганың көп болуы рейтингке жұмыс істейтіні қызық!!! ))