Қанша Қазақстан мен қанша Интернет бар?


Көптен бері өзім айтып та, туиттерде жазып та жүрген, бірақ ешкімнің назарын аударта алмай, түзетуге деген үмітім үзіліп бара жатқан, қазіргі жұрттың қазақ тіліндегі көп кездесетін қателердің бірі туралы толығырақ жазғым келіп отыр.

Бағана кешке бір жарнамадан естідім. Есімде жоқ, қандай жарнама екенін. Бұл менің жадымның ерекшелігі. Ұзақ мерзімді есте сақтау қабілетім жақсырақ дамыған.
Енді жаңа мындағы www.voxpopuli.kz/kz/post/view/id/401 фоторепортажды қарап отырып, мына сөйлемді:
Жылжымалы нысандардың қозғалысы мен айшықты суретін дөп алу үшін S (жарықты ұстау басымдылығы) режимінде түсірген жөн. Камера бұл міндетті тамаша атқаратынын көрсетті, сурет жүріп келе жатқан автокөліктен түсірілгеніне қарамастан (оның өзі түсіруді күрделендіріп жіберді) барлық серия анық шықты.
оқыдым да, жазуға бел будым.
түрткі болған сол сөйлемдегі қарамен боялған екі сөз.
Бұған дейін Кселл мен активтің жарнамасында естіп жүруші едім.
«Барлық Қазақстан бойынша қоңыраулар» және «барлық Интернет сенікі» дейді.
Барлық Қазақстан мен барлық интернет болатындай олар қанша еді?
«барлық» деп саны көп нәрсеге айтылады. Ал біртұтас, бірақ бәрін қамтиды дегенді «бүкіл» деп айтады.
Онсыз да, балалардың тілі шұбарланып барады. Дұрыс сөйлейікші, а?
Бөлісу:

8 пікір

asaubota
орысшадан қазақшаға сөйлем аудару программаларын жасап жүргендерді атып тастасақ па екен?
just19
Техниканы қазақ ойлап шығарғанда, мұндай түсініксіз жағдайға ұрынбас едік. :)
dark_nazgul
Бұл жерде проблема қазақ тілін интуитивті деңгейде білетін адамдардың азайып кеткендігінде. :(
omarbirat
Уо-уо, дұрыс айтасыз.
Qojeke
«Барлық Қазақстан бойынша қоңыраулар»
Барлық сөзін алып, тиісті орынға қою керек: «Қазақстан бойынша барлық қоңыраулар»
sigma
Астанада болған күндері Бекжанның жұмысына барғанкезде осы тақылеттес билайнның жарнамасын оқығам. -Бәрімен жетімен- депті, түсіндіңіздер ме? Сондай тариф бар екен, орысшасын оқып түсініңіздер.
Rafaello
Осындай тіл полицайлығың қатты ұнайды ше
ken
Бұл жерде «барлық» деп қоңырауларға қатысты айтып отыр емес пе? Тек дұрыс жазылмаған. Жоғарыда Қожеке айтқандай «Қазақстан бойынша барлық қоңыраулар» деу керек немесе тиісті жерлерге үтір қойылу керек: «Барлық, Қазақстан бойынша, қоңыраулар».