Ерлі-зайыптыларға арналған ескертулер

Қоғамдық орнында бір ерлі-зайыптылардың ұрсып отырғанын естідім. Сондағы әйелдің еріне жанжал шығарып отырғаны, недәрі сен менің бір айтқанымнан тұріп кете салмадың, неге жалпайып отырып алдын сол жерде деген сөздер (бір жиыннан келе жатса керек), әрине тек бұл ғана сөздер емес жанжал ары қарай өрбіп ерінің жалпы бұл өмірдегі барлық осалдықтары да еске тісірілді, неше түрлі сөздер айтыла бастады. Сонда да ана еркектің шыдамдылығына тиісінше баға беру керек, өз өзін үстай білді «Қой деймін, болды енді» деп арасында боқтап қойғаннан басқа ештене істемеді, іші қайнап отырғаны, бізден қымсынып отырғаны байқалып түр. Мен сол кезде ойладым: мен болғанда ана әйелдің ондай ашты, ауыр сөздеріне шыдар едім ба, ол еркек түгілі менің құлағыма қатты тиіп, сүйегімнен өтті. Әй, үйіне жеткенде әбден таяқ жейтін шығар, мына еңгезердей еркектің соққысының астында қалатын шығар дедім ішімнен. Сондағы ана әйелге бір жағынан жаным ашып отыр, екінші жағынан енді өзін осыны тілеп алғандай, нең бар еріңнің абыройын көпшіліктің арасында түсіріп дегендей…

Казір мен білмеймін қай заманнан бастап, бірақ қазір еркектер мен әйелдер қауымы өз бағыттарын жоғалтқан секілді, құдды бір белгісіз күш домалақ жерді қолына алып сілкіп-сілкіп жібергенде апалаң-топалаң барысында барлығы орындарымен аусып кеткен сиякты.

Әйелдің еркекте бойсұнуы жайлы. Жалпы, бағыну немесе мойынсұну дегеніміз – ол бір тұлғаны басқа тұлғадан жоғару кою. Бірақ, ол жоғарыдағы адамның бағынатын адамнан қасиеті немесе әлеуметтік деңгейі жоғарырақ деген сөз емес. Өкіметтегі адамға бағыну керек дегенде, ол адамның артықтығы жайлы айтылмайды. Жай, Қудаймен белгіленген тәртіп бар және де Жаратушы әйел мен еркекті теңдей етіп жаратты. Әйелге Құдай тағайындаған белгілі міндеті бар – ол еріне бағыну. Еріне мойынсұну Құдайға бағынумен тең. Осыны әйел түсінбесе өзіне қиын болады, жан дүниесінің тыныштығын білмей өтеді. Жалпы әйелдің сөзі емес оның жүріс-тұрысы маңызды. Киелі кітапта былай деп жазылған «Сол сияқты сендер, әйелдер, күйеулеріңе мойынсұныңдар. Осылайша, олардың кейбіреулері Құдайдың сөзіне құлақ аспаса да, өздеріңнің айтқан сөздеріңмен емес, игілікті мінез-құлықтарыңмен оларды баурап алып, Құдайдың иелігіне айналдырыңдар. Олар таза да ізетті мінез-құлықтарыңды көргенде ғана бұлай болмақ». Әйел өз еріне қожайынындай қарап, ол жұмыстан келгенде қуанышпен қарсы алып, жағдайын жасап, өзіне белгіленген міндеттерді жүзеге асыра білсе, ол дұрыс жанұя үлгісін қалыптастырады. Сара апамыздан үлгі алса ғой «… солардың бірі Сара еді; ол Ыбырайымның айтқандарына құлақ асып, оны «қожайыным» деп атайтын. Егер сендер ешқандай қорқынышқа көнбей, адал өмір сүрсеңдер, Сараның рухани ұрпағы боласыңдар» Әйел өз бетімен мықты бола алмайды, тек еркекке көмектесу барысында ғана өзін жігерлі сезіне алады.
Өкінішке орай, қазіргі заман әйелі өзін ханшайымдай сезінеді, ерінен көп нәрсе талап етеді. Материальдық (ақша табу) жағынан өзінен төмен болса мүлдем менсінбейді. Қалағаны болмаса ерінен тұңіліп басқа еркектермен салыстыра бастайды. Момындық секілді қасиеттен мүлдем жұрдай болған тәрізді. Өз жүріс-тұрысын, эмоциясын, еркін тежей алмайды. Өзін-өзі бақылай алмайтын әйел бар үйде ұрыс-керіс болмай тұрмайтыны анық. Қиын сәттерде немесе наразы болғанда әйелде үндемей қалу қасиеті болса көптеген қателіктен құтылуға болар еді. Егерде әйел өз еріне патшасындай қараса, ері оны ханымындай қабылдайды!

Еркектің әйелге деген қарым-қатынасы. Еркек өз әйеліне өте ерекше ілтипатпен қарауы керек. Өйткені, әйел жаны өте нәзік келеді, морт сынғыш ыдыс секілді. Ол жайлы Киелі кітапта келесі сөздер бар «Сол секілді сендер, күйеулер, әйелдеріңе ілтипат пен қамқорлық көрсетіп бірге өмір кешіңдер! Жан-тәндерінің нәзік екенін түсіне отыра, оларды ерекше қастерлей біліңдер. Себебі Құдай рақым етіп сыйлаған мәңгілік өмірді сендермен бірге олар да иемденеді. Тәңір Иеге сиынған кездеріңде ештеңе кедергі болмас үшін де осылай істеңдер!» Осы сөздерден егерде әйелдің қөңілін кірбің басса, еркек берекесіз болады дегенді байқаймыз. Неліктен кей бір ерлі-зайыптылар өзара бірнеше күндей сөйлеспей қояды? Ол олардың жүректерінде бір-бірінен алған жаралары болғандығы. Сонда еркектің жұбайына деген сезімталдығы болса ғой, әйелінің жан дүниесін түсіне білсе, түсінбесе де, түсінуге талпынса, шіркін...Ұлы сөздің ұяты жоқ дегендей, қазіргі кезде әйелді өз қажеттілігін қанағаттандыру үшін ғана қолданатын еркектер кездеседі. Ал негізінде, жыныстық қатынас арқылы әйелге өзінің махабатын сыйлау керек емес пе…
Сонымен, жоғарыдағыны қорытындылай келе, әйелдің ең басты сипаттамасы – мінез-құлық, жүріс-тұрысында, ал еркектің сипаттамасы – ол өз әйелін жақсы білуінде. Әріне, бұл жерде мен барлығына талғамай бір өлшеумен қарап жатқам жоқ. Біздің елімізде өте тату-тәтті өмір сүретін, үлгі тұтарлық жан-ұялар да жеткілікті. Және әрқайсымыз еркек болсын не әйел заты болсын, барлығымыз біреуді айыптап, сөкпес бұрын өзімізге сыртан қарап, баға беріп, тек жақсылыққа, тек түзелуге талпынсақ, қарым-қатынасымды өзгертуге тырыссақ мұндай жан-ұялар саны сөз жоқ көбейеді. Бәрі жақсы болады…