“Тумақ сүннет болғанда, өлмек парыз” һәм Стив Джобс бақилық



Инна лиллаһи уә иннә иләйхи раджиун
Алладан келдік және оған қайтамыз! (Бақара сүресі, 156-аят)

Тумақ сүннет болғанда, өлмек парыз (Майлықожа Сұлтанқожаұлы)

… Бүгінгі 2011 жылдың 5-қазаны ауа-райы ерекше болып тұр. Ал жұмысқа келіп естігенім, Стив Джобс қайтыс болыпты. Осының алдында ғана ол кісінің өз позициясын Тим Кукке тапсырып, денсаулығы сыр бергендіктен жұмыстан кететіндігін жазған болатынмын. Енді міне…

Ия, мұсылман ретінде бұл жағдай маған пәлендей қайғы болмауы тиіс. Өйткені, Пайғамбарымыз Мұхаммед (салаллаху әлейхи уәссалам) бізге “Иннә лилләһи уә иннә иләйхи ражиун” дегенді, яғни “Алладан келдік және оған қайтамыз” деп үйретіп кетті. Оның үстіне, тумақ бар жерде өлмектің де барлығы дәлел қажет етпейтін шындық. Майлықожа Сұлтанқожаұлы да “Тумақ сүннет болғанда, өлмек парыз” деп кетіпті ғой.

… Дегенмен! Сондай бір тұлғалар болады. Өмірі көрмегенсің, өмірі естімегенсің, ауқаттас болып, сырласпағансың, бірақ ол туралы естігеннен-ақ кәдімгідей қобалжып бастайсың. Бәлкім менің бұл жағдайымды Майкл Джексонның фанаттары түсінер. Ол кісі өлгенде мен анау айтқандай қайғыра қоймағам. “Адам болған соң өлед тағы?” деп. Енді міне, өзім солардың күйін кешіп отырмын. “Стив Джобс өлді” деген сөз ауыр естіледі екен…

Бәлкім бұл менің осы компаниядан, яғни Стивтің қолынан шыққан екі бірдей өнімді сүйсіне қолданып жүргенімнен болар? Ол кісінің инженерлерге қойған талабы – “үш батырма арқылы компьютердің ішіндегі қалаған настройкама жету керекпін”. Айтқанындай, құрылғылары қарапайым, сапалы, әдемі! Биыл дәл осы Стив Джобс өмірге әкелген iPad арқылы Стив туралы “Икона” деген кітап оқыған болатынмын. Өмірі қарама-қайшылыққа толы. керек кезінде аярлық та жасаған, батырлық та жасаған. Билікке жету үшін сататын кезде сатқан, сатпаған кезінде отырып жылаған. Ия-ия, кәдімгідей қорсылдап жылайтыны бар екен. Бірақ, кім қалай деп жамандаса да бұл кісінің ешкім айыра алмайтын мінезі бар.

Ал енді Стив өткізген презентацияларды айтсаңыз… Ағылшыншам мықты болмаса да оның iPhone4-ті таныстырған бір сағаттық тұсаукесуін youtube-тан тапжылмай отырып қарағаным әлі есімде. Күні кеше iPhone-ның 4s деген үлгісінің таныстырылымын ол өзі орнына қойып кеткен Тим Кук өткізді. Бүкіл әлемнің көңілі толмағаны өз алдына, лезде Apple компнаиясының қор биржаларындағы акциялары құлдырап сала берді. Міне саған, презентацияның бизнеске әсері.

Айналасына от шашып тұратын адамдар болады. Стив Джобс тек айналасына ғана емес, мұхиттың ар жағындағы мен сияқтыларға да от шашып кетті. Ол өмірге әкелген қағида жазылған кезде грамматикалық тұрғыда қате болатын. “Өзгеше ойлан!” яғни “Think different” деп кетті. Грамматика жағынан дұрысы – “Think differently” болатын. Бірақ ол өзінің қатесін бүткіл әлемге мойындата білді. Ғалам ”Think different” деп кетті.

1976 жылы Apple компаниясын бірге бастаған Стив Возняк деп аталатын келесі бір гений оның досы болатын. Айтушылар, “мына Джобс сол Вознякті пайдаланып кетті” дейді. Рас болар. Қалай болғанда да Стивтің сол тірліктерін біз қайталаған күннің өзінде ол жеткен жетістікке жете алмаспыз. Өйткені, ол Стив Джобс!

Оның құрған компаниясы Apple нарықтағы құны 350 миллиард болатын IT-әлеміндегі ең ірі компаниялардың бірі. 2010 жылы ол Microsoft-ты да басып озған етін. Қазіргі таңда Apple компаниясы Mac компьютерлерін, MacBook ноутбуктерін және iPhone смартфоны мен iPod мп3 плейерін һәм әлемег мәшһүр iPad-планшетін шығарады.

… Сенің өлер алдыңдағы жағдайың маған беймәлім, Стив! Туиттерде сенің атың тренд болып тұр дәл қазір. Демек, бұл бүкіл әлем сені жоқтап, қайғырып жатыр дегенді білдіреді. Өзің де бір жүрген тренд едің, өлімің де тренд болды. Сенің соңғы инстанцияңды енді Әлемдердің Раббысы анықтайды! Әмин!
Бөлісу:

24 пікір

meirzhan
Бүкіл әлемде осындай посттар түрлі тілдерде жазылып жатқан болар.
Шынымен технология саласында төңкеріс жасады.
timurrr
Орыстар, әсіресе хабрахабрда қатты жазылып жатыр. Бүткіл архивтер көтерілуде. Стив пен Билл Гейтстің бірге отырып берген сұхбатының орысша аударылған стенографиясын да жариялап үлгерді.
meirzhan
Бәскелестіктің болмағанында мынадай нәтижелерге де жетпеуші еді. иә…
Serzha
ешқандай төңкеріс жасаған жоқ. төңкерісті pc жасады
satibaldi
Спекулянт. Жәй, харизмасы бар спекулянт. Менеджер. Болды. Енді болмағанда құдай қыла жаздапты блогтар, нақтың.
Jacqabaies_Chirac
естиалмаушылық салдары мынаның айтып отырғаны нақтың
ЗЫ. өздерің осылай мойындатып алыңдар әлемді ептібайымайдтар
edige
Айпыл фирмасының заттарын рекомен жасайтын менеджер бугін озін өзі аскойыпты… шыдай алмаган болса керек
Zako
Сен өмірге әкелген iPad арқылы оқып жүрген Құранымның әр әрпінен болған сауабы саған да жұғысты болсын! Сенің соңғы инстанцияңды енді Әлемдердің Раббысы анықтайды! Әмин!
Сонда бұл адам мұсылман болған ба?
timurrr
«Мұсылман болмаған» деген ойым басымдау.
Сенің соңғы инстанцияңды енді Әлемдердің Раббысы анықтайды!
дегенді де сол үшін жаздым. Қаласа, өзі кешірер Аллаһ, кешірмесе жіберер жіберетін жағына. Ол енді менің құзырымнан тыс қой. Ал енді көкейіңде «Кәпірлерге Құран бағыштауға болмайды...» деген ой тұрса, айтарым: «Ия. Солай. Дегенмен, мен Құран бағыштап отырмын деп ойламаймын. Сондағы сүйенгенім „егер сіздерден біреу жаман іске бастама жасаса, ол істі ізінен қайталағандардың да кінәсін қоса арқалайсыңдар. Ал енді кім жақсы іске бастамашы болса, онда ол жақсы істен болатын сауап оған да жұғысты“ деген мағынадағы хадиске сүйендім. АйПад деген жақсы нәрсе ойлап тапты. Мен сияқты еріншектің Құран оқуын жеңілдетті. Бәлкім сол оқылған Құраннан жұғысты болсын...» деген ойым етін.
Simona
Оның әкесі арап болған, аты Абдулфаттах Жандали мыс
blackbeard
Simoooonaaaa Келіп қалыпсың ғой
timurrr
Онысын білмедім. Бірақ әкесі арап болғаны оның мұсылмандығына кепіл емес Менің ұлтым қазақ болғаны да менің мұсылмандығыма кепіл емес
Gulistan
Дұрыс айтасың, бұл да Обаманың жағдайына ұқсап кетеді. Оның үстіне Стивті мамасы тастап кеткен, әкесінің аты-жөні айқын емес.Қойшы, бәрінен де әкесінің кәсібін ұстап қалар балалары бар ма екен? Қарап отырсам, мықты династия болуы керек.
timurrr
Білмедік. Айтылмайды. Мен ол туралы кітабын оқығанда тек қызы бар сияқты болған…
timurrr
Стивті мамасы тастамаған. Ақша табу үшін жұртқа туып беретін болған. Не дейтін ед әлгі?.. Ұмытып тұрмын. Сол, обшым, Стивтің "әкесі мен шешесіне" туып берген.
Gulistan
Евроньюста «4 баласы бар» деп айтты. Мамасы суррогат болды ма, не болды?
omarbirat
Стив Джобс буддист екен, Википедиядағы мәлімет бойынша.
Gulistan
Әкесі сириялық болған деседі.
Bekjan
«Инна лиллаһи уә иннә иләйхи раджиун» хадис емес, аят сияқты…
timurrr
Мен де соны жазар кезде сенімді болмадым. Сонымен аят қой?