Ақша өнердің дамуына кедергі ме?


Ақшаның көптігі өнердің дамуына кедергі ме? Өнерді дамытудың орнына керісінше оны тежей ме?

Мен бүгін қазіргі күлкі театрлары және қазақы әзіл туралы айтқым келіп отыр. Менің ойымша күлкі арзандап кетті. Театрлардың саны көп, сапасы жоқ. Бұрын тек Тамаша ғана бар еді. Ол жерге тек ең үздіктер ғана шығушы еді. Актерлар шынымен өнер адамдары еді. Ал қазір ше? Бауыржан Тамашадан бөлініп шыққанан кейін басталды неше түрлі театрлардың көбеюі. Ешкім ешкімнің қоластында істегісі келмеді ме, әлде жаңа стиль жаратқысы келді ме? Себептері көп шығар. Бірақ, басты себептердің бірі ақша деп ойлаймын. Яғни, ақшаның көптігі театрлардың көбеюіне әкеп соқтырды. Нәтижесінде театр құрамдарында сапасыз актерлар, сапасыз сценарий, сапасыз әзіл.

Соңғы жылдары мұндай театрларды қарамай кеттім. Жақында үйге базардан дискісі әкелінгесін шамалы қарап көрдім. Түк өзгеріс жоқ. Сол баяғы айқайлап сөйлеу, халатпен шығатын топас әйел, алқаш күйеу, қатын-кемпір болып киінетін еркектер, тілін шайнап сөйлейтін қыз… Бірақ, осыған халық барады ғой. Неге? Өйткені шыны керек біздің халықтың әзіл түсіну деңгейі төмен. Әзіл жіңішке болмауы керек, қалың, көзге көрінетін болуы керек. Ал мындай театрларда әзіл сондай. Көрерменге тіпті визуал көріністің өзі жетіп жатыр. Киімі, бет-аузы, жүрісі күлкілі болса да болады сөзі күлкілі болмаса да.

Қысқасы, ақша осы қазақша әзілдің дамуын тоқтатты деп ойлаймын. Сіздің пікіріңіз?
Бөлісу:

26 пікір

konvict
Менің де пікірім осындай. Жақында театрға бардым. «Тендерге түскен келіншек» болды. Сонда отырған халық сақынадағы актер епетейсіз қылық жасаса күледі. Сол да қызық па не?

Осы жағдай күлкі театрларында да бар. Адамдар актердің мұрнын шұқысы, артық әрекет, анайы сөздер айтса ғана күледі. Біздікілерден тек «Базар жоқ» қана ұнайды.
asaubota
Базар жоқта пародия өнері жақсы дамып жатыр
Janasil
Көбейе берсін!!! Халық өзіне керегін таңдап алады.
Zhan
«Шаншардың» әзілдері жақсы болатын. қазір шынымен ешқайсысын көргім келмейді. Арзан әзілдер… Гайшник, топас дәрігер, мылжың профессор, тәуіп балшы, общм жалықтым…
Zere
Кеше Ел-Арнадан «Алдараспан» болып жатыр. Ортасына таман Нұржан өзінің баяғы сарынымен "Құддайй-аууу, Не дейді?" дегенімен баласын алып шықты, ол бір топас аранжировкамен «Ата-әже» деген әнді айтып шықты. Сатыбалдының сөзі келді аузыма… Өкінішке орай… (((
asaubota
Нұржанға күлкім келеді. күлдіргісі келу әрекетеріне. аянышты.
Janasil
Астана күні Алдараспанға барғанмын. Өкініп қайттым.
Zere
Дәл! Сосын КВН-ның көп әртістері де суырып салма әзілдерге жоқ. Ең жақсы дегені Нұртас Адамбаев болар.
dark_nazgul
Иә. мысалы, Нысана театры. Қойылымдарының көбісі, музыка қойып қойп, соған ауыздарын жыбырлатып, қиқаңдап билеу.
Арзандап кетті.
«Тамашаға» зар болдық қой…
«тамашанының» бұрынғы заманғысын көрген мен сияқтылар қазіргі театрлардың қойылымдарын сонымен салыстырып отыратын шгығар.
asaubota
иә, сол ғой сол кезбен салыстырып отырғанымыз. ауыл-аймақтағы жергілікті актерлар Тамашаны қайталап ойнайтын, ол да қызық еді.
Zhan
Аршат сен осы журналист болатын адамсың ғой… Тақырыпты қайдан таба бересің осы…
asaubota
хехе, оқуға түскен кезде таңдағаным сол мамандық еді, бұйырмады
Zhan
Бұйырмады дейсің, журналист жасай алмайтын сайт ашып, бел ортасында жүргеніңнің өзі бір кездегі таңдауыңнан алыс кете қоймағандығыңды көрсетеді.
asaubota
қазір азаматтық журналистика ғой біздің істеп жүргеніміз.
Zhan
Бастапқыда мен де тосырқағам бұл сайттан. Бірақ жаңашылдықты жаным сүйеді. Азаматтық журналистика деген ұғым туралы ешкім айтпап еді, мынауың жақсы идея екен. Ниче, азаматтық журналистиканың да күні туып, соның басында өзің тұрсаң, таң қалып жүрме.
patick
Азаматтық журналистика — блог жазу
Zhan
Блогтың әрқайсысын оқып отыруға оқырманның уақыты жете бермейді. Оқырман өзіне ғана ұнайтын блогты ғана оқымаса…
Nurgisa
Кейде перформелер үшін ұялып, көрермен аяй күлетін сияқты. «Жексұрын, албасты, кеще неме» сияқты ауыр сөзді емін-еркін айту мәселесінде де аздап жұмсақтық керек кейде.
«Бауыржан шоу» басында жап-жақсы ту көтеріп еді, кейін масайрап, сиырқұйымшақтанып кетті.
Қазіргілерден іліп аларлығы осы «Базар жоқ» қана. Тек, жігіттер ізденісін азайтпаса екен.
VKM
Мен күлмеймін қазақша әзілдерге, шын айтам.Орысша сөйлей алмайтын кісі, күйеуі ішіп келген әйел, дурачок ұл, жааааас қызды қысқа юбка киіп ойнайтын толық актрисалар… жыным келеді
dark_nazgul
«Бауыржан шоудың» соңында айтылатын «Театр, театр» деген ән — сахнаны мекендейтіндердің кредосы болуы керек сияқты.
Бауыржанның өзі де сол кредодан айнып кетті соңғы кезде.
Жалпы, әркім үй ішінен үй тікпей, мықты бір үлкен театр қалыптастырып, бір концепциямен жұмыс істеп көрсе қайтер еді?
patick
Әлгі аттары аталып жатқан театрлар (ыха-ыха, бұтым-ай: театр) сахна мен телевидениені көбінесе жарнама ретінде пайдаланатын сияқты. Сол жүргенде әр әртіс (ыха-ыха, ішегім-ай: әртіс) жеке-дара қызмет көрсететін супер тамада. Негізгі табыстары тойдан ғой. Оның үстіне телевидениеге шығып жүрмін деген сылтаумен тарифтерінің шамасы да Элтон Джонға жетіп қалар.
satvaldo
Толга Чевиктей қазақтан біреу шықса екен…
sword
Әзілдің көкесін көрсеткен Құдайберген ғой, мәні мен әзілі ұштасып жататын.
meirzhan
Ақша табу үшін әрі бәсекеден қалып қалмас үшін театрлар халықтың деңгейіне түсіп әзілдеуде. Сондықтан жіңішке әзілді түсінетін, ұнатататын азшылық бұл театрларға бармайды. Бірақ театрларға бұндай театрлардың "ұрғаны" да бар шығар
Меніңше театрларда кәсібилік жетіспейді. Көбісі дарынды болғанымен, әуесқой. Кәсіби білім алып, театрда өнерлерін көрсетсе тіпті жақсы болшуы еді ғой.
meirzhan
Бірақ азшылыққа бұндай театрлардың "ұрғаны" да бар.