Сенбистің туған күні

Бүгін, яғни 26 қыркүйек күні Керекинфода, тек Керекинфо ғана емес, елдегі бірқатар "қазағы" бар, «орысы» бар ресурстарда жүретін, отыратын, тұратын, өмір сүретін, жұмыс істейтін, жұмыспен айналысатын Жалғас Ертайдың туған күні.

Жаңа медиаға қатысы бар «тусовкалардан» бұл «сенбистің» кейпін, бет-ажарын, түрін, бейнесін, әлпетін, жүзін, силуэтін көрмей қалу — ғылыми-фантастикалық қиялдар қатарынан.

«Ювижнда» жүргенімде Ертай дейтін фамилиясын ертіп алған бір қолданушы музыкаға байланысты бір камент тастап кеткен-ді. Оффлайн кездесуім өткендегі Блокемптың алдында жиі өтетін минибар кезінде болды.

«Мен — Димашпын» деп едім, бұттан кетіп «Уахахахаха, білемін ғой» дегені бар еді сол кезде. Сөйтсем, Жалғас үшін онлайн өмір мен оффлайн өмір бытысып, матасып, қабысып, жанасып кетіпті, яғни менің Фэйсбуктағы, т.б. жерлердегі оның «досы» болуым шартты түрдегі достық болып саналмайды екен. Олай болса, әлеуметтік желінің аталары мақсаттарына жетті…

Ал, Жалғас, мына үйлену туған күнің құтты болсын! Жақын уақытта біздің д*ебатта, ал алдағы айдынды өмірде жалпы барлық іс-қимыл, әрекетте жеңіске жетуіңе тілектеспін (қазір, кейбір прагматиктер шығуы мүмкін, "қойнақ, бәрінен жеңіске жету мүмкін емес, олай бола берсе өмірдің несі қызық, анау, мынау" деп, бірақ, біз үшін кейде нәтиже емес процестің өзі қызық, ия, Жалғас, ия?).

Терлеп-тепшіп, бірақ жақсы көріп істейтін қызметің, сенімді достарың, ақ-адал жарың болсыншы, бәрі құрысын…

Тілектің таяғын толпаға лақтырдым, білмеймін, кімге тиерін